الحاسة السادسة

[eltorky]

انا مش بحس ان فى حاجة هتحصل بس احيانا بحس فى موقف معين انى عيشته قبل كده وابقا عارفة ايه اللى هيحصل وكأنى بتفرج على فيلم

ياههههههه الموضوع داة بيحصلي كتير اوي و برضة مش لاقيلو تفسير ياعني سعات حد يكلمني في موضوع و هو قبل ما يكمل كلامة الاقي نفسي عارف هو هايقولي أية و فعلا كأنة مشهد وبيتعاد أدامي أو أبقي عارف انو في وسط المشهد داة شىء ما هايحصل و يحصل بالفعل ووقتها انا ببقي قلقان من نفسي الله أما أحفظنا

[Terrible_DaRsH]

موضوع تفائل و تشاؤم فقط .

يعنى انا كان عندى تى شيرت بتشائم لما بردتيه , و يوم قلت لصاحبي انا متشائم من التى شيرت ده مش عارف ليه رحنا عاملين حادثة !!

شيء غريب و معنديش تفسير له و لكن الحمد لله الذى لا يحمد على مكروه سواه .

[ASKAFRAWY]

انا مش بحس ان فى حاجة هتحصل بس احيانا بحس فى موقف معين انى عيشته قبل كده وابقا عارفة ايه اللى هيحصل وكأنى بتفرج على فيلم

+111111111111111111111

[نور القمر]

موضوع تفائل و تشاؤم فقط .

يعنى انا كان عندى تى شيرت بتشائم لما بردتيه , و يوم قلت لصاحبي انا متشائم من التى شيرت ده مش عارف ليه رحنا عاملين حادثة !!

شيء غريب و معنديش تفسير له و لكن الحمد لله الذى لا يحمد على مكروه سواه .

بالنسبة لك يا تريبل موضوع تفاؤل وتشاؤم من حاجة معينة لكن بالنسبة لي انا بحس بموقف معين هايحصل سواء كويس او وحش
طبعا الوحش بس اللي بيقلقني
طيب انا مرة ماشية في الشارع وفجأة شخص معين جه على بالي وحسيت اني هشوفه بمجرد ما ادخل في الشارع التاني
والله قلت لنفسي ده لا الوقت ولا المكان يسمحوا بوجود احتمال ان اشوفه دلوقت
وفعلا والله يدوب حودت على الشارع التاني لقيته في وشي

[ASKAFRAWY]

وغير موضوع ان ممكن موقف يحصل واحس انى شوفته قبل كدة!
فيه اماكن كتير بروحها لاول مرة وببقى حافظ المكان كانى شوفته وعارفه من قبل كدة ودى بتحصل معايا كتير جدا
ياترى دة ايه بقى!اللاوعى!!ولا عقلى الباطن بيخلينى اشوف المكان دة ولا ايه
انا حاولت اعرف السبب العلمى للموضوع دة بس معرفتش ايه السبب!

[M.Mostafa80]

قرينك يازوواوى

[powerofhelll]

موضوع الحلم ده بيحصلي احيانا و في حجات تانيه بحس برد الي قدامي بنفس الطريقه الي بيرد بيها بعد كده
بس احيانا

[evoo90]

انا اعتقد ان الحاسه السادسه موجوده عندنا كلنا بس العقل مش بينشطها عند كل الناس وبنشطها عند ناس معينه بأستمرار
كما قال الدكتور ابراهيم الفقى ( عقل الانسان هو اللى بيعمل كل حاجه كلنا صوتنا عالى بس فينا اللى عقله بيعلى الصوت لما يكون مضايق وفينا مابيعليش الصوت وده اللى بنقول عليه بارد وكلنا عندنا دموع وبنعيط وكلنا عندنا مشاعر بس فينا اللى عقله بيخليه يعيط لما يقابل مواقف صعبه وفينا اللى عقله بيكتم العياط) من الاخر يعنى دى هبه من ربنا موجوده عندنا كلنا بس مش كله زى بعضه زى ماكلنا عندننا عقل بس كل واحد مننا عقله ليه نسبه معينه شغال بيها
سبحان الله

[muslimah_dentist]

انا مش بحس ان فى حاجة هتحصل بس احيانا بحس فى موقف معين انى عيشته قبل كده وابقا عارفة ايه اللى هيحصل وكأنى بتفرج على فيلم

لأن أعمالنا عُرضت علينا من قبل يا بسكوتة عندما كنا ذر و شهدنا بأن الله هو الاله الحق

فنشعر أحيانا كأننا عشنا هذا الموقف من قبل و هذا لأننا رأيناه آنفا

[shady_hamdy]

انا عندى الحاسة السادسة و معتمد عليها فكل حياتى و خصوصا هيحسوها برج السرطان

[Imhotep]

telekenisis

اعتقد استاذ ماهر انها تليباسى الاتصالعن بعد او التخاطر والتخاطب عن بعد
telepace

معلش كتبت الكلمة و فيها spelling mistake و الصح هو
Telekinesis...... وهى فعلا القدرة على تحريك الاشياء عن بعد و تم الرصد و التأكيد العلمى بتجارب علمية متقنة لاشياء مثل قدرة فتاة روسية على فصل بياض بيضة عن صفارها بمجرد التركيز الذهنى على ذلك و ايضا قدرة اخرى على كسر لوح زجاجى يبعد عنها عدة امتار بمجرد التفكير فى ذلك، وهكذا.....
اما ال telepathy فهو فعلا التخاطر او النتقال الافكار بين شخص و اخر عن بعد......

[evoo90]

لأن أعمالنا عُرضت علينا من قبل يا بسكوتة عندما كنا ذر و شهدنا بأن الله هو الاله الحق

فنشعر أحيانا كأننا عشنا هذا الموقف من قبل و هذا لأننا رأيناه آنفا

فعلا الموضوع ده بيحصلى كتير قوى فى الحلم بحلم بحاجات اقوم الصبح انسى انا حلمت بأيه بعديها بفتره الاقينى بعمل الحاجه دى واقعد افكر انا عملتها قبل كده فين طب ازاى طب ليه وفين وفين لما افتكر انى حلمت بيها قبل كده

[moudy88]

انا ساعات بحس اني حضرت الموقف ده قبل كده او شفته قبل كده ...ودي ظاهره اسمها ديجا فو ...ودي معلومات عنها من الويكيبيديا
ديجا-فو ، Déjà vu كلمة فرنسية تعني شوهد من قبل اطلق عليها هذا الاسم العالم إمِيل بُويَرْك و هي ظاهرة تحدث لكثير من الناس و يحسوا بأنهم عِاشوا الاحداث من قبل وأنها ليست تحدث لأول مرّة لها عدة تفسيرات تفسر سبب حدوثها.
اختلِفَ كثيراً في تفسير ظاهرة الديجافو وسبب حدوثها؛ الباحث الإنجليزي فريدريك دبليو يقول: بأنّ العقل اللاشعوري ـ أو الباطن ـ سجّل معلومات في فترة قريبة مع العقل الواعي؛ لذا يتوهّم الشخص أنّه مرّ بالتجربة. ـ
بينما ينسُبْ عدّة محلّلون نفسانيّون الظاهرة إلى الخيال البسيط لدى الإنسان، وبعض الأطباء يعزون ذلك إلى خلل لحظي في الدماغ لمدّة ثواني قليلة. ـ
وهناك من قال أنّها جزء خافت مجهول من ذكريات الطفولة. ـ
أمّا التفسير الأوْهَن ممّن رأى أنّها ذكريات من حياة ماضية عشْنَاها ! ـ يقولون أنّها ذكريات حياة قديمة تُزعج إلى سطح العقل حين مُلائمة بيئة مُحيطة أو ناس مألوفين ! ـ
ربّما ما يُفنّد الرأي الأخير؛ ظاهرة أخرى تُسمّى ( Jamais Vu ) حيثُ تكون في مكان مألوف ودائم، ثمّ تشعر فجأة بأنّ ما يُحيطك غريب كُليّاً.
لها تفسير علمي هو تأخر وصول الدم من الفص الصدغي الايمن إلى الأيسر بعد ان يكون المشهد اصبح ذكرى بالنسبة للفص الأيسر
و أكثر فئة عمرية اصابة بهذه الظاهرة هم من 15 - 25 عاما .. يصاب به أكثر المصروعين قبل صرعهم او بين النوبتين الصرعيتين ..ولكنه قد يقع في جميع شرائح الأفراد بدون سبب طبي او مرض عضوي في احيان كثيرة تفسر هذه الظاهرة عن محللون نفسيون كثر بأنه وهم او تحقيق رغبة مكبوتة اما تفسيراتها اخرى .. فقيل انه عندما مسح الله على ظهر ادم واخذ من ذريته العهد رآى كل الناس اعمالهم و يتذكرونها احيانا.
تم الاسترجاع من "

[pro_samir]

والله أعلم ان الجن أو القرين ساعات بيكون لية دور كبير فى الكثير من الموضوعات دى

يعنى مثلا لو قاعدين فى مكان ومرة واحدة جة فى مخك ان فلان هيخبط على الباب وفعلا ثوانى وتلاقية بيخبط ، دة يبقى إية ؟

كثير من الخواطر دى بيكون مصدرها الجن وبيوحى بيها للأنسان والأيحاء دة بيكون على شكل خاطر بيجى على تفكيرك بشكل مفاجئ