اعمل ايه في صاحب الجراش ابن ال ....

[Dr_Smart]

حاجه بجد تنرفز وتخنق وووووو يعني فوتها مره تقوم تحصل تاني ؟؟؟؟؟

الحكايه يا جماعه ان فيه جراش في شارعنا ... من كام شهر ماكنتش لاقي ولا خرم ابره اركن فيه ... قمت ركنت قدام الجراش ( طبعا مش قدام البوابه لكن عالناحيه التانيه ) وبيني بين الجراش عرض الشارع كله ... يعني اي عربيه هتركن او تطلع من الجراش مش هضايقها .

نزلت تاني يوم لقيت خبطه محترمه في الباب ماتصلحتش غير عالسخن واضطريت ارش الباب كمان

طبعا انا شكيت ان حد من الجراش اللي عمل فيا كده عشان احرم اركن هناك تاني ... كلمت الراجل اللي هناك رد عليا بكل ذوق قالي لا والله معرفش وربنا يعوض عليك وماحدش بيركن عندي غير عربيه واحده بس ... قلت خلاص وفوتها ما انا مش عايز اظلم حد ماشوفتوش متلبس

النهارده حصل نفس الموقف ونفس الخبطه بنفس الطريقه وكإن المشهد بيتعاد !!!!

الصراحه مش عارف اتصرف ازاي ؟؟؟؟ يعني هي الحكايه بلطجه ؟؟؟؟ انا متنرفز جدا وعايز حقي والخبطه مالهاش تفسير تاني ... اللي داخل في الباب ده مش واحد ماشي في الشارع ده واحد خارج من الجراش ماتجيش غير كده

يا جماعه والنبي حد يشور عليا ويقولي اعمل ايه في ولاد ال... يعني انزل ازعق ولا اعملهم محضر ولا نمشي بقانون الغابه بقى واولعله في الجراش

طيب انا بقى مش هركن غير في الحته دي ... وابقى اخبطها تاني

معلش طولت عليكم

[Abo.Omar]

استنى متصلحهاش واركنها تانى وتالت قدام الجراج وحاول تراقب الموقف لو شوفت ان العربيه اللى خارجه من الجراج هى اللى بتخبطك انزل دغدغ العربيه عاللى راكبها وعالسايس
وما تفوتش الموضوع كده لان دا هو اللى بيدفع اى سايس للامبالاه وانعدام الضمير دا
وابقى طمنا عملت ايه

[powerofhelll]

خليك بايت في العربيه و اعمل كمين واول ما تافشه ولع فيه و في الجراش علشان الناس دي معندهاش دم اساسا

[itsonlyme]

يمكن المسافة ضيقة عليه وهو طالع فبيخبط فيك من كل مرة من زنقة المكان.
أو تكون المسافه معقولة (بس مش كبيرة) لكنه غشيم شوية.
اصل لو المسافة كبيرة ليه يخبط فيك؟ هو شر و خلاص؟
غير كده لو بيخبطك قصد يبقى الاكصدام بتاعه حديد أو مطاط بتاع عربيات الثمانينات.
لو الاكصدام بتاعه فبر استحالة يخبطك بالعمد.

[KoDaK_Gti]

معتقدش ان بتاع الجراج هو اللى بيخبطك
بتاع الجراج بيبقة خايف على العربيات اللى عنده اكتر من اى حد
اركنها تانى بقة وراقبها

[evoo90]

احسن حاجه زى ماقالوا الاخوه الافاضل انك على الاقل تعرف مواعيد دخول وخروج العربيه من الجراج وتقف تبص عليها ازاى بتدخل وبتخرج وتلاحظ اذا كانت فيها خبطات ولا لا

[morsi]

أركن فى مكان تانى وريح دماغك.راحة البال لايساويها شيء لأنك مهما عملت مش هاتعرف مين اللى بيخبطك لأنه لو بيعملها عن قصد مستحيل يعملها وحد يشوفه يعنى ممكن يعملها متأخر جداً بليل والشارع فاضى خالص.

[NaviGator_13]

طيب ماتركن فى الجراج نفسه !!!

[أبو صلاح]

طيب ماتركن فى الجراج نفسه !!!

هو ده الكلام الصح
او تشوف مكان تاني بعيد عن مدخل الجراج ده خالص
والله يعوضك عن الخسائر

[Dr_Smart]

ياجماعه متشكر جدا لكل الردود

هو الواحد بس بيقول اللي خبطني لو مش قاصد المفروض يعتذر ولو حتى عن طريق السايس .... ولو قاصد يبقى ياخد على دماغه

لكن فعلا مفيش احسن من راحة البال ... سالت السايس وحلف انه ماشافش حد بيخطبها وان صاحب العربيه اللي بتركن عنده راجل كبير ومحترم مستحيل يكون متعمد ... هو عنده مرسيدس قديم على فكره اكيد اكصدامها الحديد هو اللي عمل كده

المهم هنفترض حسن النيه وانه مش قاصد ومش هركن في الملطش ده تاني

وربنا يعوض عليا وحسبي الله ونعم الوكيل

[mobitic]

طيب ماتركن فى الجراج نفسه !!!

كلام سليم
خصوصا انك بتقول ان مفيش غير واحد بس اللى بيركن فى الجراج ده

[auto5truck]

هو سيادتك متوقع ان الناس اللى فى الشارع متربية زى سيادتك؟ أمال أية الفرق بينك و بينهم؟

الفرق هو أنك ممكن تستوعبهم و تحتويهم و تتجاوز عنهم و تأخذهم فى صفك

يعنى كل واحد فى جراج فاكر أن الشارع حوالين باب الجراج جزء من الجراج و سيادتك المفروض كنت تعى موضوع زى كدة من الأول و كان ممكن تستأذنة و تراضية بقرشين يغسلك بيهم العربية أو يمسحها لك ده لو كنت مش عايز تركن فى الجراج.

و أعتذر لو كان أسلوبى ناشف

[sha2e]

تفسيرى للخبطه : ممكن يكون الواد السايس وهوا بيزق عربيه واقفه علشان يطلع عربيه تانيه راح زاققها جامد وملحقهاش وقالك كده كده العربيه الل راكنه ( عربيتك انت) هتوقفها مش مهم العربيه اللى راكنه يحصل فيها ايه المهم ميتعبش نفسه ويطلع العربيه التانيه بسرعه وللاسف بشوف الموقف ده كتير

انا لو منك كنت سيبت العربيه مكنها واقفه متحركهاش ونادى على صاحب الجراج وقوله العربيه مخبوطه اهه وانا ممشيتش بيها والخبطه دى استحاله تكون من عربيه ماشيه فى الشارع دى عربيه طالعه من عندكو هيا الل تعمل كده

وكنت فهمته الوضع وشوف هيعمل ايه لو ساهم معاك فى ردها وجاب الواد ظبطه ؤدامك كان بها

معملش كده شوف انت هتعمل معاه ايه تعمله محضر ويجو يعاينم و بعد كده تتصرف معاه انت بطريقتك برضو