If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
برجاء مراجعة قواعد المنتدى المثبتة في القسم العام يمنع كتابة اللغة العربية بغير الحروف العربية تستطيع استعمال اللغة الإنجليزية أو استخدام مواقع التعريب
أولا قصه غريبة جدا
ثانيا انا لو مكانك ارجع القسم أكد على اللى حصل لحسن حد يكون استخدم العربية فى مصيبة
ثالثا لازم تغير كل كوالين العربية والكونتاكت وتركب جهاز انذار محترم وتعمل مفتاح سرى لغلق دورة كهرباء العربية
سؤال مهم : انت عربيتك موديلها ايه ولما لاقيتها لاقيت البنزين اللى فيها قل قد ايه؟ وعملت كام كيلو بعد ما رجعت
ربنا يستر واللى فى بالى ميكونش حصل
كلام مظبوط و اتفق معاه 100%
لازم تبص علي عداد الكيلومترات و تشوفه عامل كام و تحاول تفتكر كان قاري كام قبل الحكاية العجيبة دي و كنت شوفت عداد البنزين قاري كام
و طبعا معني ان العربية تتاخد كدا و ترجع تاني بدون اي عنف يبقي اللي خدها اما واحد معاه نسخة من المفاتيح و بيهزر معاك و ممكن يكون واحد صاحبك او ممكن والدك مثلا و اما يكون حرامي و اتزنق و ما عرفش يسرقها كام مرجعها و لا مثلا ربنا هداه
و الإحتمال الأخير و اللي بضحك علي نفسي لما بفكر فيه يكون اللي العربية الجنيه قصدي الوليه العجوزة اللي طلبت منك تبعد العربية عن البيت ما هو طالما صاحب السوبر ماركت قالك ان البيت دا مش مسكون يبقي دا شغل عفاريت بقا س
و الحاجة اللي انا خايف منها انك تكون بتشتغلنا كلنا في القسم و بتلعب باعصابنا و عاوز تفتح قسم لمسابقة المفتش كرومبووووو و حمبوزه لاوي بوزه هههههههههههههه
نصيحتي بقا حاول تغير كل كوالين الأبواب و تغير الكونتاك و تعمل انذار و تركب جي بي اس للتبع و تركب كاميرا مخفيه و تحط لغم تحت الكرسي ينفجر عن بعد
هي العربية ماركتها ايه وموديل كام؟؟؟؟؟؟ عموما حمدا لله على ماحدث...عموما استخدم المسوجر إللي بيركب من الدريكسيون للدبرياش او حتى إللي بيركب على الدريكسيون فقط. خللي بالك العربية إللي بيركن دايما في مكان واحد بيتعلم على عربيته وبعدين تتقلب..أنا شاكك في المحلات إللي هناك لأنهم بيبقوا حافظين الشارع...بس الشرطة مش هاتتحرك إلا بواسطة كبيرة جدا
لا حول ولا قوة إلا بالله..متى سيموت الإهمال في مصر
والله يا جماعه المشكله انى مببصش عالعداد باستمرار وبعدين العربيه 128 وانا للاسف معملتش بلاغ بعد ما رجعت مجاش فدماغى والله خالص مع ان الظابط ............كان معايا مش عارف مقاليش ليه والست دى والله اللى مش لاقيلها تفسير خاالص حتى استسخفت شكلى اوىىىىىىى لما سالت بتاع السوبر ماركت واكدلى ان مفيش حد ساكن هنا حسيت انه بيقولى انى مبرشم وان شاء الله اول ما انزل بعد كده حتى لو نص ساعه هاشد قفل الدريكسيون على طوووووووول .. وشويه كمان ع الانذار بقى لحد ما نحوشله عشان هاجيبه من معايا .. اصلى ما قولتش للحج
احمد ربنا انها رجعت ورجعت كامله كمان
عموما فى ناس غاويه تسرق عربيات تتفسح بيها او تعمل بيها مصيبه وترميها فى اى حته لكن ترجعها مطرحها دى اول مره اسمعها
كويس انك عملت محضر
بس تفتكر كاميرا خفيه ولا ايه
النهارده يا جماعه مريت بموقف بجد من اصعب مواقف حياتى واسخفها اللى حصلى انى كنت راكن العربيه فشارع جانى جمب الكليه على طول مش مستخبى ولا حاجه لا دا متشاف جدااا وحيوى وفيه حركه . المهم امتنحنت وخرجت وقولت اروح بقى .. اجى اشوف العربيه ...مفيش عربيه !!! ايه الهبل دا فين العربيه؟ العربيه بتستخبى منى ولا ايه؟؟؟ دى عربيهيا جدعان مش عجله هاتتسرق ازاى واحنا فى عز الضهر سألت بتاع السوبر ماركت والسنترال اللى كنت راكن قدامهم قالو ولا شوفنا حاجه بل بالعكس بتاع السوبر ماركت بصلى بصه كلها سخريه وضحك وقال ( حصلت قبل كده بس مع عربيه نقل وكانت واقفه هنا برضه ) قولت الله يطمنك فضلت رايح جاى فالمنطقه قولت يمكن هنا ولا هناك وانا ماشى مش مصدق نفسى وصوره والدى هى اللى فذهنى على طولهاقوله ايه اول ما ارجع وهايكون تصرفه ايه؟؟ الظريف بقى انى وانا بركن الصبح واحد كبيره طلعت من الدور الاول وقالتلى بعد اذن حضرتك طلعها قدام شويه عشان هانخرج حاجات من البيت فمنجيش جمبها قولت عينيا الاتنين يا حجه ... لما سألأت بتاع السنترال والسوبر ماركت بقى وقولت مين صاحب البيت دا قالو ان محدش ساكن هنا اصلا مصدقتهمش روحت رنيت على كل اجراس العماره وعلى شباك الست دى فعلا ولا حد طلعلى قولت اوباااااااا العمليه بقت بجد .. المهم كلمت واحد صحبى وجالى بالعربيه خدته ورحنا القسم عملنا بلاغ فضلنا هناك بتاع ساعه الا ربع كانت الساعه بقت 1 تقريبا وداخلين شارع الكليه الاقى العربيه رجعت !!!!!!!!!!!!!!!! كان واقف عليها بنتين شفتوا اللى ركنها او اى حاجه قالو لا جينا لاقيناها هنا راحت فين ورجعت ازاى الله اعلم بس هى رجعت سليمه الحمد لله وطبعا روحى ردت فيا اول ما شفتها وقولت مش راكنها الا قدام الكليه على طول واللى يقعد عليها يقعد بس اخرج الاقيها والحمد لله
[justify] الاخ العزيز صاحب المشكلة مش عارف ليه حاسس ان كل دا تهيقات ومفيش حاجة من دى حصلت فى الاساس واكبر دليل انك رجعت لقيت العربية فى نفس المكان حتى على سبيل او حد عمل فيك الحركة البايخه دى وخد العربية ورجعها تانى كان الناس اللى انت سالتهم قالولك فى حد رجعها وكمان موضوع الست اللى بتقول انها كلمتك وبعدين صحبك رد فعله كان ايه لما رجعت لقيت العربيه مكنها معلش اعذرنى على الكلام ممكن يكون من ضغط الامتحانات وربنا يوفقك واخيرا لو عرفت الحل ممكن تتصل بالعميل كرومبو وليك جايزة 12 جنية ونص
[/justify]
[CENTER][SIGPIC][/SIGPIC][/CENTER]
[CENTER][SIZE=4]كن لله كما يريد يكن لك اكثر مما تريد[/SIZE][/CENTER]
[CENTER][SIZE=4]عضو رقم 77 فى نادى شفورليه[/SIZE][/CENTER]
شكرا لمرورك يا أ/ ابو حبيبه ونور
انا عارف انه موضوع مش منطقى بس فعلادا اللى حصل امبارح بالظبط
1- مش شايف اى صعوبه انه يركن العربيه تانى يعنى اللى خلاه يفتحها ويمشيها ف 10 دقيق مثلا اكيد هايعرف هوقفها وينزل منها فأقل من دقيقه !!!!! ( ولا مش ممكن؟؟؟ )
2- ذكرت ان الوقاعه كانت فشارع الكليه فبالتالى السوبر ماركت وقت الضهر( وقت ما العربيه رجعت) اكيد هايكون مليان زباين
3-رد فعل صحبى : اول ما شوفنا العربيه هو ركن وانا اول واحد نزلت وروحت كلمت الانستين اللى كانو ساندين عليها والظابط سالنى هى قولت اه قالى حاجه ناقصه دخلت شيكت ع الكاسيت والسماعات والحاجات اللى فالشنطه قولتله لا تمام قال ماشى صاحبى قالى معاك فكه قولت معيش اقل من 20 قالى خلاص ماشى وهو خد المخبر رجعه لانه كان معانا فالعربيه وهاتقول ليه مجاش مع الظابط ؟ معنديش فكره الظابط ركب فايسوزو تقريبا الدابل كبينه والمخبر معانا
4- لو تهيقات امتحانات أ- مكنتش نسيت الاله الحاسبه فالكونسوله بتاعت صاحبى
ب- مكانش صاحبى كلمنى بالليل يسالنى قولت لولدى ولا لا
ج- كنت حالل كويس جداااا فالامتحان دا الحمد لله فميش اى مجال للصدمات والا لو انا كان كده كان من باب
اولى انسى مكان الكليه ولا انسى لجنتى او حتى ما اشوفش قدامى واكون عملت حادثه
اخيرااااا انا مش هاذكر لحضرتك انى حلفت فالمشاركات لانى لو كنت عرفت ان حضرتك هاترد كده مكنتش حلفت ولا مره واللى مش مصدق هو حر ..صح؟؟
Comment