إعـــــــلان

Collapse

.

,
See more
See less

موجة تضخم عالمية قادمة علينا الاستعداد لها

Collapse
X
 
  • Filter
  • الوقت
  • Show
Clear All
new posts

  • موجة تضخم عالمية قادمة علينا الاستعداد لها

    اخوانى .. أردت أن أفتح هذا الموضوع للمناقشة لأنه موضوع هام و خطير و سوف يؤثر علينا جميعاً و أعتذر مقدما ان بدا الموضوع طويلاً و مغرقاً فى التفاصيل الاقتصادية التى قد يراها البعض مملة لكن أنا حاولت أتكلم بصورة بسيطة قدر المستطاع و الموضوع بجد محتاج مناقشة عميقة لأنه حيأثر علينا كلنا فى خلال السنوات القليلة القادمة – ان كتب الله لنا أن نحياها ...

    أكيد كلنا ملاحظين ان أسعار السلع فى مصر فى ارتفاع مستمر، و السبب فى ذلك – بالاضافة لجشع التجار و المستوردين – هو موجة تضخم عالمية شديدة و مظاهرها واضحة: انخفاض مستمر فى قيمة الدولار مقابل باقى العملات الرئيسية، ارتفاع مستمر فى أسعار البترول و السلع الرئيسية، اتجاه العديد من دول الخليج و دول أخرى للتخلص من احتياطات الدولار و الاتجاه لليورو و الذهب، توتر سياسى متصاعد فى المنطقة العربية و امكانية اشتعال الوضع فى أى لحظة (و أدينا شايفين الغارات الاسرائيلية الاستفزازية الأخيرة على سوريا، و تصاعد لهجة العداء من و الى ايران ... الخ) ... كل العوامل دى أدت لاشتعال موجة من التضخم فى العالم كله يتوقع العديد من الخبراء الاقتصاديين أن تطول ...

    طيب .. هل فى مخرج ممكن يساعد على تخفيف حدة هذه الأزمة؟ نعم .. يوجد ملاذ تقليدى آمن و قديم ما زال يحتفظ برونقه و قوته منذ آلاف السنين، ألا و هو الذهب ... اللى منا متابع أسعار الذهب حيلاقيه فى ارتفاع مستمر منذ عدة سنوات، و طبقاً لآراء العديد من الاقتصاديين فمن المتوقع أن تتضاعف أسعاره الحالية فى خلال 3 أو 4 سنوات و يمكن أقل حسب سرعة تدهور الأوضاع الاقتصادية و السياسية فى العالم .. و يمكن مراجعة هذه المقالة الهامة التى نشرت منذ يومين بصحيفة الاندبندت البريطانية لمزيد من التفاصيل و هو بعنوان "The gold boom":


    (و فى مقالات و مصادر أخرى عديدة تؤكد نفس الكلام لكن أنا فضلت أضع الرابط أعلاه لأنه شامل لآراء العديد من الخبراء و مغطى الموضوع بصورة جيدة جداً)

    اللى حيساعد على ارتفاع أسعار الذهب كل عوامل التوتر اللى قولناها و كمان وجود نقص فى امدادات الذهب من الدول الرئيسية المنتجة له كجنوب أفريقيا و أيضاً ارتفاع شديد فى الطلب عليه خصوصاً من دول كالهند التى وصل معدل شرائها للذهب حالياً إلى نصف الانتاج العالمى و دولة قطر التى اتجهت لتحويل احتياطياتها النقدية الى الذهب و كذلك عدد من الدول الأخرى كروسيا و غيرها ...

    باختصار شديد ... النصيحة التى أريد الوصول اليها هى الاتجاه لشراء الذهب كمخزن للقيمة و واقى من التضخم قد يكون أفضل و أأمن من أى استثمار فى الوقت الحالى كما أنه لا يتطلب رأس مال كبير مثل الاستثمار العقارى و شراء الأراضى (كما أنه أقل مخاطرةً لأن فى عدد من الخبراء بيتوقعول انهياراً قادماً فى سوق العقارات و الأراضى نتيجة اقترابه من مرحلة التشبع) ... قد يتذبذب سعر الذهب لأعلى و أسفل بعض الشئ فى الفترة القادة (فيما يعرف فى أسواق المال بالحركات التصحيحية القصيرة) و لكن ما يجمع عليه الخبراء هو أن الاتجاه العام و الطاغى للذهب فى الفترة القادمة هو الارتفاع المطرد ...

    و نصيحة أخرى أريد ذكرها و هى أن شراء الذهب بهدف الاستثمار يفضل ألا يكون على هيئة مجوهرات ذهبية عشان بيتضاف عليها مصنعية كبيرة لا يتم استردادها عند البيع فالأفضل الاستثمار من خلال شراء الجنيهات الذهبية التى لا تضاف اليها أى مصنعيات و شراؤها سهل جداً من أى جواهرجى. لو وضعت خطة استثمارية صغيرة مثلاً اقتطاع جزء من دخلك الشهرى لشراء 2 جنيه ذهب شهرياً (أو أقل أو أكثرحسب ما تستطيع اقتطاعه)، حتلاقى معاك فى خلال 5 سنوات 120 جنيه ذهب ... لو افترضنا ان قيمة الذهب وقتها تعادل ضعف قيمته الآن (و هو أقل سيناريو يتوقعه الاقتصاديون) حتلاقى بكدة انك معاك بعد 5 سنوات قوة شرائية تعادل قوة حوالى 220 ألف جنيه الآن ... و هو ما لن تحصل عليه اذا ادخرت ثمن الجنيهات الذهبية الشهرية فى البنك و حصلت على فوائدها بعد نفس مدة الخمس سنوات – بالاضافة لما يشوب فوائد البنوك من حرمانية على عكس الاستثمار فى الذهب الذى هو حلال تماماً بإذن الله ما دمت تخرج زكاته.

    مع تحياتى،
    جندى مجند
    الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ

  • #2
    شكرا على الموضوع انا اول مرة اعرف ان الجنية الدهب امأن من الدهب نفسه

    انا جدتي كانت بتقولى الجنية الورق كان اغلى من الجنية الدهب قوتلها ياريتك كنتي اشتريتي

    ب 50 جنية دهب ونحوشهم ونصرفهم دلوقتي كانوا عملوا اكتر من نص ارنب

    انا هعمل كده ممكن الحق اجيب لابنى عربية واجوزة بعد 25 سنة كده

    بس بعد ما اتجوز انا الاول :D :mrgreen:
    [CENTER][SIGPIC][/SIGPIC][/CENTER]

    Comment


    • #3

      ما هو وقتها يا فندم كانت المرتبات فى حدود 2-3 جنيه ورق :)

      على فكرة الجنيه الذهب ثمنه فى السوق حالياً فى حدود 920 جنيه و ممكن تتابع أسعاره يومياً فى الرابط دة مع مراعاة ان السعر المذكور فى الموقع دة بيكون سعر البيع مش الشراء (يعنى السعر اللى التاجر يشترى بيه منك انما لو عايز السعر اللى انت حتشترى بيه يبقى تزود على سعر الموقع دة 15 الى 25 جنيه):


      الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ

      Comment


      • #4
        كلام سليم الجنيه الدهب لا يوجد علية مصنعية و أحسن من وضع الفلوس فى البنوك لان معدل التضخم وصل فى مصر إلى 12 % و فائدة البنوك تتراوح مابين 8 إلى 10.75 & إذا قيمة النقود تتناقص و لا تزيد
        سبحانك اللهم وبحمدك ، أشهد أن لا إله إلا أنت أستغفرك وأتوب إليك

        Comment


        • #5
          احنا اصلاً بنعاني من التضخم...احنا نقصين..هنفرقع بعد كدة



          لنا الله
          [CENTER][COLOR=Red]لأي استفسار أو شكوى بخصوص الإدارة والإشراف والدعم الفني، يرجى المراسلة على:[/COLOR]
          [/CENTER]


          [RIGHT][CENTER][COLOR=Navy][B][EMAIL="nilemotors.all@gmail.com"]Nilemotors.all@gmail.com[/EMAIL][/B][/COLOR][/CENTER]
          [/RIGHT]

          Comment


          • #6
            شكراً على النصيحة , كلامك مضبوط 100 %
            [color=blue]
            مع تحياتي ,,
            [size=+2] [font=DecoType Thuluth] أكــــرم [/font] [/size][/color]

            Comment


            • #7
              تعد مصر و الإمارات من أكثر الدول تضخما بنسبة 12% و لكن هذا يبدو قليل جدا إذا قورن بدول مشل لبنان

              Comment


              • #8
                أنا فعلا باعمل كده لأن كان كل استثماري في العقارات بس أنا منتظر سقوط في سوق العقار خلال الأيام القادمة (قلبي حاسس) لأن الموضوع بدأيدخل في مرحلة الهبل
                أقل متر أرض في المنصورة ((يصلح للبناء)) تجاوز الأربعة آلاف جنية و انتا طالع لحد 40 الف و ده في المنصورة و بلاد الفلاحين اللي حواليها
                بمعنى : لو عايز تبني بيت في 2007 على مساحة 200 متر يبقى تشتري 245 متر صافي = 245*4000=980000
                و علشان تبني دورين بأسعار الحديد و الأسمنت و الرمل و مواد التشطيب هتحتاج (مليون) كمان بدون أي مبالغة
                و السنة الجاية التكلفة هاتزيد 30-40 في المية بالميت = 600-800 ألف جندي
                ميييين دخله السنوي جوا او برا مصر يقدلر يوفرله الزيادة دي ؟؟؟؟
                الغلا ده بيعمله التجار على بعض من ده ل ده ل ده لحاااد ما يوصل للزبون اللي هايدفع كل مكاسبهم من بعض.
                و بسبب الغلاء ده فالزبون مش هايقدر يشتري فا مافيش زبون ياخد الشايب :lol:
                فاللي معاه الشايب (اللي هيا الأرض) هايحاول يتخلص منها بربح بسيط علشان يدور فلوسه
                وبما ان كل التجار هايبيعوا السعر هاينزل و أول ما المؤشر هايبص لتحت يا معلم ........و هوووب لأسفل سافلين
                ساعتها الناس هاتودي فلوسها لحتة تانية
                و ربنا يستر
                [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                Comment


                • #9
                  شكرا علي النصيحه يا جندي مجند.
                  انا لما اجي اشتري شبكه حعمل زي ما انت قولت بس يا رب الاقي حد يوافق بيا :D

                  Comment


                  • #10
                    نصيحة مهمة أوى يا أحمد شكرا ليك و كلام منطقى 100%
                    [IMG]http://www.nilemotors.com/images/Nile_Audi_Memo_2.gif[/IMG]
                    [CENTER][COLOR="DarkOrchid"]
                    [SIZE="2"]Dont Exhaust UrSelf in Thinking...Just Do what U have 2 Do...God Will Never Forget & Never Neglect[/SIZE][/COLOR][/CENTER]

                    Comment


                    • #11
                      • شكراااااااا يا باشا على النصيحة

                        بس انا بلاقى ناس بتشترى شقق وتبيعها بعديها

                        بسنتين او ثلاثة وتكسب فيها مثلا من 80000 الى 100000 فى الشقة

                        يعنى استثمار كويس باردو لما اشترى شقة بسعر وابيعها بعد سنتين بزيادة

                        80000 فيما فوق انت وشطارتك بس محتاجة رأس مال وفيه ممكن يشترى

                        ارض فى المقطم مثلا ويبنى وده بيبقا على كبير شوية بس دلوقتى الاسعار ولعت
                      [CENTER]
                      [FONT=Comic Sans MS][SIZE=4][COLOR=Blue]Omar[/COLOR][/SIZE][/FONT]

                      [img2]http://www8.0zz0.com/thumbs/2009/10/06/18/187809311.jpg[/img2]
                      [/CENTER]

                      Comment


                      • #12
                        المشاركة الأصلية كتبت بواسطة hazem_khidr
                        شكرا علي النصيحه يا جندي مجند.
                        انا لما اجي اشتري شبكه حعمل زي ما انت قولت بس يا رب الاقي حد يوافق بيا :D
                        :lol: :lol: :lol: :lol: :lol: :lol: :lol: :lol: :lol: :lol:
                        [CENTER]
                        [FONT=Comic Sans MS][SIZE=4][COLOR=Blue]Omar[/COLOR][/SIZE][/FONT]

                        [img2]http://www8.0zz0.com/thumbs/2009/10/06/18/187809311.jpg[/img2]
                        [/CENTER]

                        Comment


                        • #13
                          شكرا يا احمد على النصيحه.. و ان شاء الله هعمل بيها
                          Thanks
                          Ahmed Hassan
                          [I][SIZE=3][SIZE=2]When all you have is a hammer, everything looks like a nail

                          [/SIZE][/SIZE][/I][CENTER][SIGPIC][/SIGPIC][/CENTER]

                          Comment


                          • #14
                            المشاركة الأصلية كتبت بواسطة sokasoon
                            • شكراااااااا يا باشا على النصيحة

                              بس انا بلاقى ناس بتشترى شقق وتبيعها بعديها

                              بسنتين او ثلاثة وتكسب فيها مثلا من 80000 الى 100000 فى الشقة

                              يعنى استثمار كويس باردو لما اشترى شقة بسعر وابيعها بعد سنتين بزيادة

                              80000 فيما فوق انت وشطارتك بس محتاجة رأس مال وفيه ممكن يشترى

                              ارض فى المقطم مثلا ويبنى وده بيبقا على كبير شوية بس دلوقتى الاسعار ولعت

                            كلام سليم يا فندم بس مشكلة الاستثمار الغقارى انه محتاج رأس مال كبير يعنى مثلاً ممكن بسهولة تشترى جنيه ذهب أو اتنين شهرياً و تبقى خطة ادخارية ثابتة ليك لكن الأرض و الشقق محتاجة مبلغ كبير تبدأ بيه ... و كمان زى ما قلنا فى توقعات عديدة بوصول سوق العقارات و الأراضى لمرحلة التشبع و بدء التراجع عكس الذهب اللى كل التوقعات بتكاد تجزم انه صاعد صاعد صاعد!!
                            الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ

                            Comment


                            • #15
                              معلهش يا جماعة اختلف معاكم ،،،
                              سوق العقارات عمره ما هايهبط ،،
                              أولآ ،، العقارات اللي بيستفيد بيها اصحاب البلد ( إحنا الضيوف اللي سايبنهم يعيشوا معاهم :D ) ،، فمش هيسمحوا إن اسعارها تهبط عشان مكاسبهم متقلش ، زي أسعار المواد الخام و السيارات بطريقة اخري
                              ثانيا: دخول شركات الإستثمار الخليجية السوق المصري بقوة ،إعمار ، داماك ؛الفطيم،،، شركات كتير
                              ثالثا:هوجة العراقيين والسوريين و الفلسطينين اللي مالوا مصر و فتح باب التمليك ليهم
                              رابعا:المجتمع المصري نفسه عنده هوس بالتملك
                              فالإستثمار العقاري أفضل و فيه ميزة غير زيادة سعره ممكن يجيبلك دخل شهري عن طريق الإيجار و يستفيد من ناحيتين ،،
                              بس فعلآ حاليا اللي معاه أقل من ربع مليون دلوقتي يبلهم ويشرب ميتهم ، ميعرفش حتي يجيب عشة في كفر البطيخ
                              ويبقي الجنيهات الذهبية بديل متاح
                              بس اللي مستني الأسعار تهبط هيستني كتيررررررررررررررررررررررررر

                              Comment

                              Working...
                              X