ايه رئيك فى الاعضاء اللى بتعمل مشاركاتها باللغة الانجليزيه؟؟

[أحمد سالم]

السلام عليكم
لاحظت من فتره عدد من الاخوه الاعضاء لما بيجو يعملو مشاركاتهم
بتبقى باللغة الانجليزيه ( انا مش عارف ايه السبب لكده)
هو احنا مش كلنا فى المنتدى عرب والاغلبيه مصريين ؟؟
كمان انا عمرى مادخلت منتدى امريكى مثلا ولقيت حد عامل مشاركه هناك بالعربى
من وجهة نظرى ان المواضيع لازم تكون كلها باللغه عربيه
ايه رئيكم؟؟؟؟؟؟؟

[Terrible_DaRsH]

استعراض لمهاراتهم الفنية فى اللغة الانجليزية ليس اكثر .

[أحمد سالم]

استعراض لمهاراتهم الفنية فى اللغة الانجليزية ليس اكثر .

لاكن انا شايف اننا لازم نتمسك بلغتنا العربيه
ونعتز بها

[Abo.Omar]

انا معاك جدا جدا جدا
والمشكله مش مشكله الاعضاء اللى هنا بس لا الشباب عموما
المشكله مشكله بلد حقيره بتموت من لغتها . لما يبقى اساس كل وظيفه انك لازم يكون معاك انجليزى حتى لو هتشتغل فمكان عمرك ما هتتعامل مع سياح والسياسه دى هى اللى خلت ان الامتياز يكون للى بيعرف يرطم بالافرنجى اكتر لكن لو مش كده يبقى لوكال ومتنفعش
الدراسه داخل فيها انجليزى ... ليييييييييييييييه؟؟؟
يعنى نص اللى بيدرسو المواد دى ما بيفهموهاش يبقى ايه لازمتها
نخش بقى ع الشباب
زى ما قال الاستاذ trrible darsh غالبا بيكون 90 % بيبقى عايزين يعوضو انهم مش متمكنين فالانجليزى فاتخذو منهج الفرانكو
وبعدين حتى لو متمكن مادام بتكلم واحد عربى دا بيحتم عليك انك تتكلم بلغه يكون سهل عليه الرد عليك
واللى يكلمك 5 كلمات عربى وواحده انجليزى فالنص بدون اى داعى يعنى مثلا اللى يقولك انا هاتاخر النهارده فالشغل عشان هايكون ورايا meeting يعنى انت متعرفش تقول اجتماااااااااع ؟؟؟؟ هاتبقى كخه لو قولت اجتماع؟؟؟؟؟
والله انا لسه شايف موضوع هنا كللللللللله مشاركات بالانجليزى بس كانو فحدود 6 ولا بصيت لولا رد
يا ريت اداره المنتدى تعمل استفتاء استخدام العربيه او الانجليزيه ( للحياديه ) وغالبا هايكون العربيه وتمنع بعد كده المشاركات باللغه الانجليزيه باستثناء طبعا المطلحات وكده
يا جماعه لازم ندعم اللغه العربيه اكتر من كده نتعلم لغه واتنين وتلاته اه ماشى عشان نعرف الثقافات التانيه بتتكلم عن ايه ونبقى فاهمين لكن لكل مام مقال

[nabaster]

مع احترامي لراي الاعضاء

ممكن بعض المصطلحات الخاصه بالسيارات صعب تترجم للعربي

او بمعني اخر ممكن الكلام فيها بالانجليزي اسهل وبيكون مباشر اكتر وبيوصل المعني اكتر من العربي

علي اساس ان الي بيسألهم فاهمين وبالتالي مش بيبقي عقبه بالنسبالهم

اخد مثال علي كده (الي جه في بالي دلوقت) موضوع أ/محمد ممدوح بتاع الـ proportional valves

بس انا شايف ان لغته سهله ومفيهوش المفردات الصعبه وممكن الي متعرفوش تعديه وهتفهمه من المعني ككل

ده راي الشخصي

[Terrible_DaRsH]

بص هو اللغة الانجليزية اساس فى اغلب دول العالم .

ليه بقي !! لان المستعمرات البريطانية كانت اكبر مستعمرات فى العالم , يعنى الانجليز تقريبا احتلوا جميع دول العالم او اغلبهم و كان من ضمنهم مصر .

الانجليز بنوا حاجات كتير اوى فى مصر و علمونا حاجات كتير و اسسوا لنا اشياء ماكناش نعرف عنها حاجة و علمونا النظام كمان .

ده غير ان جميع دول اوروبا تتحدث الانجليزية او الاغلب منها . اذا اللغة الانجليزية هى السائدة فى العالم كله .

تعالى بقي انزل شوارعنا . هتلاقى كل حاجة بالانجليزى , جميع المحلات و السوبر ماركت مكتوبة بالانجليزى الملابس اللى بنرتديها مكتوب عليها بالانجلش ( عمرك شوفت تى شيرت مكتوب عليه بالعربي !!!)

ده حتى المنتدى اللى احنا فيه اسمه Nile motors يعنى اللغة دى اساسية فى حياتنا ..

و لكن : لما نكون بره الشغل و بره الدراسة و نكون فى فى منتدى مصرى فالزام على كل واحد انه يتكلم باللغة اللى ربنا انزل بيها القران و ميفكرش انه يستعرض كلمات بلغة اخرى لمجرد انه يظهر لنا براعته .

[Abo.Omar]

متفقين يا أ/ nabster ان فى مصطلحات لازم تتقال بالانجليزى لكن اللى بيرطم بالانجليزى ع الفاضى والمليان وبيكتب على طول فرانكو
هو حد ياجماعه عارف الفرانكو ظهرت امتى او اصلها ؟؟

[nabaster]

علي فكره الي نفسه يتعلم ويهمه موضوع معين هيتجرمه ولو مكتوب البيهروغليفي

[nabaster]

متفقين يا أ/ nabster ان فى مصطلحات لازم تتقال بالانجليزى لكن اللى بيرطم بالانجليزى ع الفاضى والمليان وبيكتب على طول فرانكو
هو حد ياجماعه عارف الفرانكو ظهرت امتى او اصلها ؟؟

ان عن نفسي لو بقرا موضوع وفيه فرانكو لو موضوع شايفه مهم اوي يعني بضطر اسفا استعمل جوجل

اترجم بيه اللغه الغريبه دي لاكن لو موضوع عادي انا مش بقرا التعليق ده اصلا بعديه اكنه مش موجود

[aboelnagah]

انا شايف ان مالوش لازمة اننا نعمل مواضيع بالفرانكو او الانجليزى او لو فى مصطلح او اتنين بالانجليزى مش مهم انما يعمل نفسه توتو عضلات ويخلى كل الموضوع بالانجلزى

بصراحة 7aga over awy awy awy

بلاش بجد نعمل مواضيع بالانجلزى او الفرانكو

[أحمد سالم]

انا معاك جدا جدا جدا
والمشكله مش مشكله الاعضاء اللى هنا بس لا الشباب عموما
المشكله مشكله بلد حقيره بتموت من لغتها . لما يبقى اساس كل وظيفه انك لازم يكون معاك انجليزى حتى لو هتشتغل فمكان عمرك ما هتتعامل مع سياح والسياسه دى هى اللى خلت ان الامتياز يكون للى بيعرف يرطم بالافرنجى اكتر لكن لو مش كده يبقى لوكال ومتنفعش
الدراسه داخل فيها انجليزى ... ليييييييييييييييه؟؟؟
يعنى نص اللى بيدرسو المواد دى ما بيفهموهاش يبقى ايه لازمتها
نخش بقى ع الشباب
زى ما قال الاستاذ trrible darsh غالبا بيكون 90 % بيبقى عايزين يعوضو انهم مش متمكنين فالانجليزى فاتخذو منهج الفرانكو
وبعدين حتى لو متمكن مادام بتكلم واحد عربى دا بيحتم عليك انك تتكلم بلغه يكون سهل عليه الرد عليك
واللى يكلمك 5 كلمات عربى وواحده انجليزى فالنص بدون اى داعى يعنى مثلا اللى يقولك انا هاتاخر النهارده فالشغل عشان هايكون ورايا meeting يعنى انت متعرفش تقول اجتماااااااااع ؟؟؟؟ هاتبقى كخه لو قولت اجتماع؟؟؟؟؟
والله انا لسه شايف موضوع هنا كللللللللله مشاركات بالانجليزى بس كانو فحدود 6 ولا بصيت لولا رد
يا ريت اداره المنتدى تعمل استفتاء استخدام العربيه او الانجليزيه ( للحياديه ) وغالبا هايكون العربيه وتمنع بعد كده المشاركات باللغه الانجليزيه باستثناء طبعا المطلحات وكده
يا جماعه لازم ندعم اللغه العربيه اكتر من كده نتعلم لغه واتنين وتلاته اه ماشى عشان نعرف الثقافات التانيه بتتكلم عن ايه ونبقى فاهمين لكن لكل مام مقال

__________________

كلام مظبوط ويارت كلنا نتفق عليه

الله ينور عليك يااستاذ احمد

علي فكره الي نفسه يتعلم ويهمه موضوع معين هيتجرمه ولو مكتوب البيهروغليفي

انا معاك ان لو الموضوع مهم هبقى مضطر اترجمه بس يكون الموضوع اصلا على سايت اجنبى

مش نبقى عرب ومصريين ونضطر لاستخدام جوجل للترجمه حتى نتواصل مع بعض

وقد رزقنا الله بلغه عربيه جميله لازم لازم نعتز بيها ونعلم اولادنا التعامل بيها
ياجماعها اللغه العربيه هى الاساس لقوميتنا

[AshTurbo]

أنا شايف أنها حرية شخصية لا ضرر منها طالما في حدود اللائق والأدب وأحترام الآخرين مع أعطاء النصح والأرشاد بصورة لائقة أيضاً لا أكثر ولا أقل .

[أحمد سالم]

أنا شايف أنها حرية شخصية لا ضرر منها طالما في حدود اللائق والأدب وأحترام الآخرين مع أعطاء النصح والأرشاد بصورة لائقة أيضاً لا أكثر ولا أقل .
__________________

انا معاك انها حريه شخصيه
لاكن احنا بنقول الافضل ان نستخدم لغتنا العربيه
حتى نحافظ عليها من الزوال

[AshTurbo]

انا معاك انها حريه شخصيه
لاكن احنا بنقول الافضل ان نستخدم لغتنا العربيه
حتى نحافظ عليها من الزوال

بكل تأكيد والأهم أن ننطقها صح ونكتبها صح وأسمح لي أعدل كلمة في جملتك وهي لاكن وتكتب لكن أعزك الله .

[Ahmed Samy]

البعض يشعر ..بأن اللغة الإنجليزية تعطي كلامه مصداقية ..و تحسسك انه مهم و جامد و فاهم
وخصوصا لما تلاقي مشاركة طويلة عريضة بالانجليزي ...

الظريف بقى انك تلاقيها في النص - ساعة الزنقة- تقلب كلمتين كده فرانكو ههههههههه طب ما دام الانجليزي مش لغة سيادتك الأم ...قارفنا بيها ليه ...؟


يقولك الحجة المشهورة ...مابعرفش اكتب عربي......نا أنا اتعلمت عربي من المنتدى

و نادر نبيل اتعلم عربي من المنتدى و بقينا بنكتب زي الطلقة ....

تيجي بقى "ماعنديش كي بورد عربي"

خلاص بقى احنا هانعلق المشنقة

انا عن نفسي ما بانتبهش للمشاركات بغير العربي الا لو الموضوع سخن


و في النهاية كل واحد حر في مشاركاته