تعمل ايه لو كنت مكانى

[معاذ الشرباصى]

النهاردة حصل معايا موقف بايخ, عاوز اعرف رايكم فيه, و تعملوا ايه لو كنتم مكانى. الموقف ده حقيقى مش زى بتوع بايو :D

ماشى فى امان الله فى شارع عبد العزيز ال سعود فى المنيل, بدور على مكان اركن علشان اروح الكلية

لقيت مكان مقفول عليه بعربية, ركنت على جنب و نزلت زقيت العربية, ولاحظت ان فى ست فى العقد الخامس من عمرها سايقة عربية ريتمو وقفت قريب من المكان ده. قمت قلتلها حضرتك انا بركن هنا.

يدوب بركب العربية, و ببص فى المراية لقيتها بتركن برده فى المكان ده :shock: .

نزلت, و سيبت السايس يكلمها, و لما لقيت مفيش فايدة دار بينا هذا الحوار

انا (المغلوب على امرى :x ): حضرتك انا قلت لحضرتك انلى بركن هنا, و ميصحش الكلام ده

العجوز الشريرة : ماليش دعوة, انا ساكنة فى الشارع ده, و بعدين انا ست

انا: بعد اذن حضرتك عندك اماكن كتير انا مليش دعوة بالموضوع ده و انا اللى زقيت العربية

العجوز: مليش دعوة انا ركنت, دور ليك انت على مكان تانى, خلاص كده

انا: على فكرة حضرتك ده قلة احترام

العجوز: انت هتغلط و لا ايه

انا: حضرتك لولا ان اهلى ربونى, و ان حضرتك فى سن جدتى كان يبقى فى تصرف تانى (بحب اوى فى سن جدتى فى المواقف دى)

العجوز: تتلفظ بالفاظ نابية

انا: باين جدا فرق التربية بينى و بينك

بعد كده مشيت و انا شايط, و نفسى اخنقها او ادوسها او اعمل اى حاجة. ركنت بعيد, و انا فى طريقى للكلية شفتها فى وشى

انا: بقى ده اللى هتعلميه لاحفادك, هتقوليلهم يعملوا زيك كده

العجوز: انا مش هرد عليك , بعد اما سمعتنى ابشع الالفاظ :(

انا: اكيد مش هتردى, هتقولى ايه يعنى, اللى زيك لازم وشه يبقى فى الارض من الكسفة

العجوز: بتقولى يا جزمة

انا: كل واحد بيسمع حسب تربيته, و الظاهر ان دى الكلمات اللى انت متعودة عليها

العجوز: اعادة الفصل الاول بتاع الشتايم تانى, مع بعض الاضافات

الناس قعدت تتفرج عليها, و سيبتها و مشيت.

يا ترى بقى اللى عملته ده صح؟
لو كان حد مكانى كان ممكن يعمل ايه؟
مشكلتى فى السواقة او ما يخصها, ان لو حد كسر على, زنق على , بعتبره ثأر و لازم اخده .
بس اظن يعنى انها تاخد الركنة دى قلة زوق منها و قلة تربية بجد

[hazem_khidr]

بص يا ميزو و اسمحلي اني اقولك ميزو اللي عملته دا نظريا صح علشان انت جوه الموقف نفسه و انا يمكن لو كنت مكانك و في ظروفك(عاوز الحق الكليه و الجو حر و ما صدقت لقيت مكان اركن فيه)كنت ممكن اعمل زيك كده بس كان المفروض تتصرف بطريقه تانيه خالص حط في اعتبارك ان دي واحده كبيره ز قد جدتك زي ما بتقول:) انا معاك لو كان شاب مثلا او واحد في الاربعينات عمل كده انما لو واحده و خصوصا لو كبيره بتبقي محرجه و ما تنساش ان الرجال قوامون علي النساء ف من نحيتك شويه و خصوصا انك ما اخدتش حقك ف ماكنش ليه لازمه اللي حصل و انك قليت من مستواك و وقفت زعقت معاها
بص انا حقولك حاجه و ساعات بعملها لما بتعرض لموقف زي دا بشوف لو والد او حد كبير محترم مكاني كان عمل ايه و بتصرف زي ماهو بيتصرف
انت مش غلطان بس كان المفروض ما تنزلش من نفسك و دا اللي يهمني اني ما انزلش من نفسي
انا مش مختلف معاك ما تفهمش من كلامي كده و قولتلك لو انا مكانك و في روفك كنت ممكن اعمل كده بس احنا مش حنعلم الناس ازاي تتكلم او ازاي تعيش او نعرفهم حتي المبادي هما تربيتهم كده ومش حتقدر تغير منهم

[Abonora]

طبعا حضرتك غلطان--وكان يجب عليك من البداية ان تكون المبادرة منك بأن تترك لها المكان بحكم انها سيدة عجوز --اما الجانب السلبى الذى يتملك هذة السيدة فحضرتك الذى اظهرتة بأصرارك ان تأخذ حقك منها --والنتيجة --نرفزت نفسك واهنت نفسك وسمعت كلام اكيد لا يناسبك -وفى نفس الوقت اضعت وقتك ---يبقى لية من الاول --وحضرتك تتحدث عن تربيتها وحسب وصفك --موضوع تربيتها دة كان من زمان جدا --ما علينا --انا قلت --اللى انا شايفة --ولو كنت مكانك كنت عملت اية--

[sh_masry]

انا كنت قفلت عليها و ركنت قدامها و هى واقفه و ماخلتش عربيتها تطلع و كان ممكن اسيب العربيه بايته كده و كنت خدت تاكسى و روحت

a7'ook
Sherif

[Abonora]

لية العنف يا شريف --هى لحظة لو تمكنت من ان تمسك اعصابك -صدقنى --سوف تشعر بحالة من الرضا وشعور جميل اعتقد ان بعيد تمام البعد عن الاحساس الذى يتملك الدكتور -معاذ الشرباصى -الان --يبقى خليك حليم يا اخى --

[Karim_Monir]

برضة يا شريف

انا كنت قفلت عليها و ركنت قدامها و هى واقفه و ماخلتش عربيتها تطلع و كان ممكن اسيب العربيه بايته كده و كنت خدت تاكسى و روحت

a7'ook
Sherif

طول عمرك عفيجي وواخد الدنيا بدراعك
يابني اهدي بقي انت اتجوزت خلاص
حنفي ده كان زمان
داوقتي لاء
هاتنزل المرة دي وكل مرة
ها ها ها :lol: :lol: :lol: :lol:

[Dr Ahmed]

مع احترامى لرأى أ/ جنيدى هى لم تعطه فرصة ، وانا لو كنت مكانه كنت زقيت العربية تانى مكان ما كانت عشان تزقها هى لو عايزه تطلع وأروح أركن فى أى مكان تانى ، ولا يمكن أسد بعربيتى عليها عشان أكيد أكيد هتخبطها بقصد وهتخربشها 500 خربوش وحاجات أكتر من كده..

[Abdallah]

يا اخ معاذ افتكر كلام ربنا ( والكاظمين الغيظ والعافين عن الناس ) طبعا انت فقدت اعصابك بس كان المفروض تلاحظ ان دى سيدة مسنة ومهما كان ميصحش برضة انك تشوط فيها او تهزئها وعموما التحكم فى الاعصاب من الخصال الحميدة .

[mbluethunder]

انا كنت قفلت عليها و ركنت قدامها و هى واقفه و ماخلتش عربيتها تطلع و كان ممكن اسيب العربيه بايته كده و كنت خدت تاكسى و روحت

a7'ook
Sherif

والله موقفك ده ياشريف هو اللي جه في دماجي علطول لما قرأت الموقف بس بدون البياته ده ( بس ده للوهله الأولى )

بس بالنسبه لموقف ذي كده أنا ممكن أعمل الأتي :

1: انا لو لقيت مكان فاضي وركنه قدامه عربيه والمكان ده مش على الشارع علطول هركن العربيه بموازاة العربيه اللي قفله المكان بحيس مسمحشي لأحد أنه يستغل بعدي عن عربيتي ويركن هو وبحيس أقفل برده المكان وأنزل وأزق العربيه وبعد كده أركن في هدوء ( بس حاجه زي كده ماتنفعشي تتعمل لو المكان ده على شارع عمومي لأنك هنقفل الشارع )

2: طب نيجي نقول أن سيده كبيره أستغلت الموقف وأستغلت بعدك عن العربيه وركنت هي مجرد منتى زقيت العربيه ( مع أنك قلتلها أنك هاتركن وكان المفروض تستأذنك أنها تركن وأكيد كنت مش هتمانع بس هي للأسف أستغلت الموقف ) لأما تركن وتقفل قدام العربيه وتطبعا ماتبتهاش زي شريف مقال ولما تخلص الكليه تخدها وتروح من غير أي مشدات كلاميه لأنه مش منطقي أن يكون في حوار سلمي في الموقف ده وخاصة لما يكون في فرق السن .

3: تاخد بعضك من سكات وتدور على مكان تاني وأكيد هتلاقي لأنك سبت مكانك اللي انت كنت ناوي تخده لسيده كبيره وأكيد ربنا هايجازيك على كده وطبعا أحنا في حر دلوقتي وبرد فعلك ده هتتجنب الدخول في موقف ممكن يكون فيه أساءه ليك وأساءه أيضا للسيده الكبيره

طبعا يجب أن يتغلب العقل و المنطق وحسن التصرف في مثل هذه المواقف دون اللجوء إلى تصرف ناتج عن انفعال لحظي قد يؤدي إلى نتائج غير محبذه ( وطبعل للأسف غالبية المواقف التي تحدث في الشوارع المصريه يتحكم بها الأنفعال اللحظي )

[معاذ الشرباصى]

بصراحة انا كنت زعلان انى اتخنقت معاها و اديتها فرصة تقل ادبها على

بس و الله لو كانت قالت لى انا ست كبيرة او لو سمحت يا ابنى او اى حاجة فيها ذوق و الله كنت سيبت المكان عن طيب خاطر

منطقة الكلية عندنا من اصعب الاماكن فى الركن, و كمان الساعة 12 الظهر, تبقى محظوظ لو لقيت مكان قريب.

المكان اللى لقيته بعد كده يبعد عن الكلية 15 دقيقة مشى :?

و المكان اللى هى خديته كان قريب

بس لا يمكن حد منكم يتخيل هى كانت بتتكلم ازاى, خلاص الموضوع انتهى, انا مش هخرج, و انا بكلمها بتكلم السايس و تقوله اعمل كذا و كذا كأنى مش موجود.

هى بتعاملنى كنكرة, و بالعافية بترد, و لما بترد بترد بقلة ذوق, فقررت ان الموضوع ميعديش كده

خاصة انى خلتها تخرج عن شعورها, و هى كانت عاملة هادية و مش مكترثة بالمرة

ملحوظة: الست كانت لابسة تريننج و كوتشى, و كانت مبلطجة اوى, و طريقة الكلام مستفزة, فمقدرتش امسك نفسى, خاصة انى فى اول الكلام كنت بتكلم بهدوء مع ابتسامة خفيفة على امل انها تسيب المكان او تعتذر :(

[Abonora]

اخى الدكتور احمد --هذة التجربة لن تكون الاخيرة للدكتور معاذ وعلية انا اردت فقط القاء الضوء على الجانب الاخر الذى لم يستغلة الدكتور معاذ-خاصا وانة من الواضح ان للموقف اثرة السىء على نفسيتة - -فلابد من تجنبة-مهما كان سيدة بهذة الصفات لابد من تجنبها -لان غير ذلك فية الكثير من التنازل وهو ما حدث عندما تطاولت علية بالفاظ غير مناسبة-الحل الامثل فى مثل هذة المواقف هو تجنب هذة النوعيات من البشر --

[معاذ الشرباصى]

و بعدين يا استاذ جنيدى انا لسه بدرى عليا اوى علشان استحق كلمة دكتور :D (مش بدرى اوى, انا فى سنة تالتة دلوقت و الزمن بيجرى بسرعة)

انا تقدر تقول مشروع دكتور, و يا رب ينجح و يتمه ربنا على خير.

بعدين حكاية انى اقفل عليها ملهاش اى لازمة, لأنها قالت انها ساكنة قريب, و ممكن تخلى السايس او اى حد يعمل حاجة فى العربية, الواحد لما يكون فى السن ده و يحط نفسه فى موقف زى ده ممكن يعمل اى حاجة :(

[MMamdouh]

الموقف صعب... هى ست فا مينفعش تمد ايدك عليها و كبيرة مينفعش تشتمها... بس برضة مينفعش تسيبها عشات دى بتستعبط

انا اما كنت ركنت و لزقت فيها عشان متعرفش تنزل من العربية اساسا او كنت حطيت مرشدير و خرشمتلها رفرف عربيتها و مشيت

MMamdouh

[Abonora]

ana kont 3amalt 2 things....

1st: key her car !! (ya3ni asebha temshi w be el mofta7 a2om mezabbat el 3arabeya men awelha le aa7'erha)

2nd: 3elbet dababees rasm tetremi t7t el arba3 3agalaat.

so simple so sweet,,,,,,w matza3alsh nafsak ya gameel!! :mrgreen:

[خالد]

وليه ياجماعة بس كل العنف ده
أحسن حاجة ماتردش خالص ولا كأن حاجة حصلت
وأعتبر أنك من الأصل مالاقتش المكان ده ودور على مكان غيره
على فكرة أنا كنت عصبى جداً وزمان لو موقف زى ده مشابه كنت هاأتصرف
بقلة ذوق وممكن أشتم أو أمد أيدى ، ولكن مع الخبرة أتضح أن الطيب أحسن