أنا متغاظ

[falcon191]

يمكن الموضوع ده اكلم عنه معظم الأعضاء لكن أنا مش قادر ومتغاظ أصلي لسه راجع البيت بعد ماقابلت كل الناس الحلوة اللي بتمشي بطريقة انتحارية
يعني مش عارف ليه واحد بيعدي الشارع بالطول ومش مكلف نفسه حتى انه يبص وراه
واتنين واقفين يتناقشوا في موضوع على مطلع كوبري
وناس بتتمشى في وسط الشارع

أنا مش عارف ايه اللي مفروض أعمله في الوضع ده ،وطبعا بحاول اني معودش نفسي على الشتيمة أثناء السواقة ، بس بفكر في اني أشتري مسدس، ايه رأيكم؟؟؟؟؟؟؟

[Ashraf_Ashraf]

مسدس بس انت طيب قوى يامان انت عاوز مدفع عيار 115 مم
وبعدين فى الزحمه دى ماقبلكش 2 وقفوا بعربيتهم فى نص الشارع ونزلوا يحضنوا بعض
للاسف الشديد اللامبالاه وقله الذوق وكل واحد فاكر الشارع ملكه هو وبس والباقى لا قيمه لهم هو ده بقى حال الناس فى مصر
انا لسه واحد خبط لى الاكصطدام اللى ورا البيه مش منتظر الاشار ه تفتح عشان يعدى منى المهم هو يعدى حتى لو كسر عربيتى
معلش خد مهدئ دايما قبل نزولك وربنا يستر علينا جميعا

[zyadahmed]

تعالى امشى على الكورنيش فى اسكندرية بس فى الشتا مش الصيف وانتى تروح ضغطك عالى وسكرك عالى وعرقان وحالتك لا توصف من الانتحاريين اللى بيعدوا الطريق والسواقين اللى بيطيروا على الطريق

[josephedward]

انا عايز اركب مدفعين ويشتغلوا من الكلاكس......
الكلاكس يطلع أول مرة صوت بس... وبعد كدة طلقات ....

[shafey]

معلش يعنى انا شايف ان فى ناس كتير بتتكلم على الموضوع دة و اللى يقةل هشترى مسدس و اللى يقول عالم زبالة يعنى انتم عمركم ماعملتم كدة ؟
و بعدين انت فى مصر يعنى كل حاجة عادى وسهلة

[M.Mostafa80]

طب أنا النهارده بقى سواق تكسى فرده الكاوتش نامت منو قام واقف فى مكانه وعايز يغيرها مكانو والشارع رايح جى وضيق والشارع كلو وقف وقولو أركن على جنب طيب يقولى وابوظ فرده ب 250 جنيه
وطبعا مش هامو الشارع يولع بقى قمت نازل زاقق العربيه على جنب وقلتلو أخبط دماغك فى الحيطه

[tamertamer]

انا بفكر اركب ارrbj اسهل حتى نموتهم ونكون ارتحنا وهو نخف الزحمة شوية لا بس بجد اعزرو الناس الناس من كتر الضغط العصبى سواء على المستوا الحياتى اصبح مرعب الناس مشية تكلم نفسها وتتخيل حجات الحمد اللة الواحد لسة بعقلة لغايت دلوقتى

[Ashraf_Ashraf]

طب أنا النهارده بقى سواق تكسى فرده الكاوتش نامت منو قام واقف فى مكانه وعايز يغيرها مكانو والشارع رايح جى وضيق والشارع كلو وقف وقولو أركن على جنب طيب يقولى وابوظ فرده ب 250 جنيه
وطبعا مش هامو الشارع يولع بقى قمت نازل زاقق العربيه على جنب وقلتلو أخبط دماغك فى الحيطه

برافو عليك والله جدع عالم هم والله

[abzoabzo]

الوضع فى البلد ده مش هيتظبط اللى لو طلع زى البلاد اللى بتفهم
قرار ان اى حد ماشى على رجله فى اماكن مرور سيارات تشيله ولو مات او حصلك حاجة فى العربية هو والورثة يصلحوها

ومن عندى لو معندهمش فلوس اقطعه وابيعه بيكسبو االيومين دول

[mobitic]

يا جماعة حرام عليكم
بالرغم إنى زيكم بفكر أشترى مدفع بازوكا للناس دى بس أنا مازلت ألتمس ليهم العذر ، لغاية ما البلد تتصلح ويعملولهم طريق للمشاة ، يعنى بصراحة الناس دى هتعدى منين وخصوصا كبار السن.
انا اللى بيغيظنى بجد اللى بيمشى برخامة وسامع الكلاكس ومنفض

[Mohamed.Raafat]

هتقول ايه ولا ايه ايه
لو حتى ركبت دبابة و حاطط عليها 4 rbj و 3 قناصات و 24 مدفع كلاشينكوف
و 3 رؤوس نووية محدودة
و الله هتلاقي برضه واحد رخم يا إما راكن غلط يا إما كاسر عليك من غير إشارة

[Mohamed.Raafat]

و الله لو جبت دبابة و زودتها ب 4 rbj و 3 قناصات و 20 رشاش كلاشينكوف و 5 رؤوس نووية محدودة

هتلاقي برضه واحد رخيم ي إما كاسر عليك الاشارة ( ايجيبشن بروفيشنال دريفر )
يا إما راكن غلط
يا إما
يا إما

الحل الوحيد إنك تجيب برشام ضغط ( عشان الضغط بتاعك ما يعلاش )
و تلاجه تحط فيها عصير كتير عشان تروق دمك و اعصابك

[itsonlyme]

الوضع فى البلد ده مش هيتظبط اللى لو طلع زى البلاد اللى بتفهم
قرار ان اى حد ماشى على رجله فى اماكن مرور سيارات تشيله ولو مات او حصلك حاجة فى العربية هو والورثة يصلحوها

ومن عندى لو معندهمش فلوس اقطعه وابيعه بيكسبو االيومين دول

اتحداك لو في في 99% من شوارع مصر رصيف عشان الناس تمشي عليها. المشكلة مش في الناس اللي بتمشي في الشارع. المشكلة في اللي بيعدي الشارع بالطول وهو مديلك ظهرة وفي اللي واقف على الرصيف في طريق سريع و ينط قدام عربيتك فجأه أو اللي ماشي نحيت الرصيف وابنه نحية الشارع ... الخ.

[M.Osman]

انا مرة ماشي جوة البلد على 30-40 كدا ... و واحد بيعدي قدامي و باصص وراه و بينادي على واحد وراه ... كلكستله راح مخضوض و و وقف ومن الخضة راح متزحلق!! ( كان في رمل عالأرض) طبعاً أنا لحقت اوقف العربية بس بجد لو كنت خبطه كنت نزلت من العربية و هزقته و مشيت ... (حاجة تقرف!)

[A.Saad]

الشوارع الجانبيو مأساة
لان فعلا اغلبها مفيهوش رصيف
ولو فيه رصيف يبقى للمحلات ومكسر
المشكلة فعلا فى اللى بيعدوا وضهرهم للشارع