الدش عندى فيه حاجة غريبة

[A.Saad]

الدش عندى كان شغلل بس دلوقتى مش بيستقبل قنوات كتير
ويدينى رسالة ( جارى البحث عن الاشارة )
وممكن نفس القناة بعد شوية تلقط وتبقى كويسة وتفصل تانى

وفيه قنوات بتكون شغالة كويس اغلب الوقت
الريسيقر : استرا
انا مركب lnb ب 2 مخرج عليهم 2 ريسيفر
واحد شغال نايل سات واراب سات وده استرا والتانى نايل سات وده ترومان
الطبق: ثابت 100 سم
مكانه اعلى برج ، البرج ده اعلى مبنى يعنى مفيش حد اعلى منه خالص
السلك : نازل من البرج حوالى 35 متر

ممكن حد يقوللى العيب فين

[yoko]

عندي نفس المشكلة وكنت فاكر إن الدش حد هزة وبرده الريسيفر أسترا

[Samah AbdAllah]

انا حصل معايا نفس المشكلة بس كان السبب عمارة اتبنيت قفلت عالاشارة

[نور القمر]

كان في صيانة تقريبا في نايل سات وفي قنوات كتير وقعت
المهم دلوقت المفروض نعمل اعادة بحث عن القنوات
انا كمان الدش عندي 2 مخرج ب 2 رسيفر
واحد منهم جايب القنوات عادي والتاني بعد ما كان جايب شوية مبقاش فيه ولاقناة شغاله
شكيت يكون السلك فاصل من فوق
بس كدة بقه بعد كلامكم فيه مشكلة
مش عارفه علشان الرسيفر اللي مش شغال قديم ولا ايه

[Terrible_DaRsH]

الترددات اتغيرت لمعظم القنوات .

اعملوا بحث جديد و ضيفوا الترددات الجديدة ..

[أشرف فتحى]

يا شباب المشكله دى حلها تغيير معامل التصحيح من 3/4 الى 5/6

فى خيار مسح جهاز مرسل مستجيب

وده تعديل على تردد القمر نفسه وليس القنوات

[نور القمر]

شكرا استاذ اشرف
اخيرا تليفزيوني اشتغل وطلع قنوات

[A.Saad]

استاذ اشرف
انا جربت موضوع معامل التصحيح وبرده مجبش حاجة
فلو ممكن الترددات المظبوطة وما الى ذلك للنايل سات لانى ميح فى الموضوع ده

[Samah AbdAllah]

ممكن تقولنا ايه القنوات اللى انت عاوزها واحنا نقولك ترددها

[Lion_Heart]

او ممكن تجيب تردد اى قناة من على النت على طول و تبحث عنها يدوى

[Everlasting]

الموقع التالي يحتوي على ترددات جميع الأقمار الصناعية محدثة أول بأول

http://www.satcodx.com/

ترددات النايل سات

http://www.satcodx9.com/3530/ara/

[A.Saad]

ممكن تقولنا ايه القنوات اللى انت عاوزها واحنا نقولك ترددها

الدش مدمر بيجيب قناة كوريا بسسسسسسسس
يعنى هتقولى اللى تقدرى عليه
الاعتراف لو جه منك هيكون ليه اثر وهناخده فى الاعتبار ةتكونى شاهد ملك

[mahfouz1983]

بص يا سيدي انتا هتعمل ايه بكل بساطه هتختار من الاوبشن بتاع الريسيفر اعادة ظبط المصنع واخد بالك وبعد كدا تعمل سيرش من اول وجديد علي القنوات وكل حاحجة هترجع تاني شغاله لكن التردد الجديد الي هما مدخلينه مش بيتظبط من الرسيفر لا بتظبط من علي القمر الصناعي نفسه واخد بالك يا باشا فمتحولش ولو مش عارف وخايف ليبوظ منك هات فني دش وريح الجمجمه