حد يعرف محل كويس لصيانة البوكيت بى سي

[Abdo_Eldesokey]

أنا معايا جهاز I-Mate JAMin ... من فترة طويلة ركبت فيه سماعة هيدفون مش الأصلية بتاعته فضربت دايرة الصوت ، ودلوقتى الجهاز مفهوش صوت خالص

وديته لـ 3 مختلفين في المنصورة محدش عرف يعمل فيه حاجة

فأنا قررت إن أجيب للجهاز بوردة تانية وخلاص عشان أعرف أبيعه

فأنا عايز واحد متخصص في الأيميت ألاقى عنده بوردات مستعملة ، بس يكون موثوق فيه لأنه ممكن يدينى طبعا ً أي بوردة مضروبة أو متصلحة قبل كده

طبعا ً مش مهم يكون فين ، المهم يكون ثقة

[د.محمود صلاح]

جرب تعمل فورمات للجهاز يمكن يتصلح
اضغط على الزرين الجانبيين فى اليسار معا ثم اضغط زر reset بالقلم واجعل يدك ضاغطة على الزرين كما هم حتى تظهر شاشة سوداء مكتوب فيها اضغط send للفورمات ساعتها شيل ايدك واضغط على زر الاتصال
مع العلم ان كل شئ هيتمسح فى الجهاز ويستعيد ضبط المصنع

------
شارع عبد العزيز عفاريت وبيصلحوا اى حاجة

[SHNORY]

أنا معايا جهاز I-Mate JAMin ... من فترة طويلة ركبت فيه سماعة هيدفون مش الأصلية بتاعته فضربت دايرة الصوت ، ودلوقتى الجهاز مفهوش صوت خالص

وديته لـ 3 مختلفين في المنصورة محدش عرف يعمل فيه حاجة

فأنا قررت إن أجيب للجهاز بوردة تانية وخلاص عشان أعرف أبيعه

فأنا عايز واحد متخصص في الأيميت ألاقى عنده بوردات مستعملة ، بس يكون موثوق فيه لأنه ممكن يدينى طبعا ً أي بوردة مضروبة أو متصلحة قبل كده

طبعا ً مش مهم يكون فين ، المهم يكون ثقة

باشا دلوقتي السماعات دي مخارج صوت مش مداخل
وملهاش اي باور خارجي مثلا بحيث انه يكون فيها قفله تعمل راجع للكهربا علي بورده الجهاز فتحرق حاجه فيها
فبعد اذن حضرتك ياريت تشرحلنا المحلات اللي وديتلهم الجهاز دول هل فتحوا الجهاز وحاولوا يعملوا حاجه فيه ولا ايه
كمان لو حد عنده بورده ايميت شغاله وهو متخصص اكيد حيركبلها شاشه شغاله من جهاز تاني ويبيعهم علي انهم جهاز كامل
حضرتك جرب طريقه الفورمات بتاعه دكتور محمود صلاح وشوف حتجيب معاك نتيجه ولا لاء
ولو اشتغلت علي الجهاز بسماعه بلوتوث فيه صوت ولا لاء
وهل اللي ضرب صوت الجرس والسماعه والمايك ولا لاء
بالنسبه لاختبار المايك فحضرتك حاول تسجل صوتك علي الجهاز وتبعت ملف الصوت علي اي تليفون تاني او كمبيوتر بالبلوتوث وشوف حيشتغل ولا لاء
لانه لو اشتغل يبقي المايك بيسجل
وعموما لو عاوز حد كويس في الصيانه ففيه شركه اسمها الصباحي عندكم في المنصوره
دول من اكبر شركات بيع مستلزمات مراكز الصيانه واكيد حتلاقي عندهم مركز صيانه او علي الاقل حيدلوك علي احسن واحد في مجال الايميت

وفيه برضه شركه اسمها اكت جي اس ام عندهم قسم للصيانه
ودي طرق الاتصال بشركه اكت
التليفون 0106606106 / 0101880557 / 0105399993

البيع: sales@actgsm.com

الدعم : support@actgsm.com

المدير المسئول: info@actgsm.com

العنـــوان :1 شارع الجمهورية أمام المستشفي الجامعي - المنصورة - جمهورية مصر العربية
والشركتين متخصصين في مجال المحمول من فتره كبيره جدا
وانصحك تجرب اكت الاول

[Abdo_Eldesokey]

ما شاء الله واضح إن الناس هنا فاهمين كويس أوى

أنا محبتش أخوض في التفاصيل عشان مكنتش متوقع إن ألاقى حد مهتم

الموضوع من الأول ... كنت اشتريت Converter للهيدفون من الكابل الصغير الي بيركب في الجاهز للكابل الكبير زي بتاع الصب كده ... فللأسف معرفش إيه الي حصل بعد ما شيلت الـ Converter الجهاز فضل كأنى لسه موصل الهيدفون ، يعنى السن بتاع سوكت الهيدفون فضل ملمس ، طبعا ً لحد هنا الحل بسيط بتغيير السوكيت

لكن أنا حبيت أعمل فقيه وأحاول أرجع السن ده مكانه بالجفت فلمست مقاومات واتحرقت

لحد كده الجهاز وضعه كان كالتالى ، لما حد يتصل بيك يرن عادى على السماعات الخارجية ، لكن تيجي تتكلم فيه مش بتسمع صوت ولا المايك بيلقط صوت ، لأن الجهاز قارىء إن الهيدفون متوصلة

وديت الجهاز الأول لـ Act GSM فتح الجهاز ولبخ فيه جامد وبوظ زرار في الكيباد ، والهيدفون حتى معدتش بتشتغل وفي الآخر قالى مش هينفع يتصلح

خدت الجهاز وديته لواحد تانى اسمه i-mate Club رجعه زي ما كان قبل ما أدويه لـ ACT لكن مصلحش العيب الي فيه وقالى المقاومات دي محروقة وعشان تصلح الجهاز لازم ألاقيله بوردة تقطيع وآخد منها المقاومات دي ، فضلت معاه شوية لحد ما زهقت وطبعا ً ملقاش هوا بوردة تقطيع

فبالتالى سلمت أمرى لله وخدت الجهاز منه وفضلت ماشى بيه فترة طويلة كـ PPC وشايل جهاز تانى كموبايل

مع الزمن الـ Bluetooth هوا كمان ضرب

فقلت بلاش تصليح بقى ووجع دماغ ، أشوف بوردة كاملة وخلاص

فيا ريت الي يعرف حد بتاع صيانة حتى لو في القاهرة أو اسكندرية يقول عليه

عشان عايز أصلح الجهاز ده وأبيعه للتغيير

معلش طولت عليكوا

[Abdo_Eldesokey]

للرفع ....