أوباما..الوجه الآخر

[eltorky]

ملحوظة مهمة
أولا
الخطاب ده كان فيه
يونيو 2008
يعني مش السنادي
ثانيا:
ناس هتقول ماهو عادي لازم يقولهم كده
هقولهم لأ ماهو عادي لازم يقولنا احنا عكس كده
:)

ثالثا:
الفيديو الأساسي للخطاب كاملا بدون ترجمة هنا

http://www.youtube.com/watch?v=0cOJNC2EuJw

واللي عمل الترجمة لا أعرفه شخصيا لكنه اقتطع المقاطع المهمة اللي فيها كلام يوضح معلومات مهمة
وفصل بين المقاطع دي بصورة سوداء
وباقي الخطاب طبعا كلام جميل زي اللي اتقال في مصر شوية

الفيديو مش هدفه ان الناس تتخانق وكل واحد يتهم التاني بضعف العقل
الفيديو هدفه بس ناخد بالنا


حد كان متوقع غير كده؟

ممكن

لكن المهم يا إخوتي ياناس يا طيبين

الخلاصة

إننا مننتظرش التغيير يجي إلا من جوانا وتوكلنا على ربنا

نشتغل ونصلح ونعمر ونتعلم ونتقدم
"‘إن الله لا يغير ما بقوم حتى يغيروا ما بأنفسهم"

أخلاقنا تكون طيبة وجميلة نكون مع بعض متسامحين وطيبين
(وسارعوا إلى مغفرة من ربكم وجنة عرضها السماوات والأرض أعدت للمتقين)

محدش يخدعنا ولا يضحك علينا
(وخذوا حذركم)

مش بنظلم حد لكن "لا يُلدغ مؤمنٌ من جحر مرتين" متفق عليه

نضحك ونستمتع بحياتنا من غير ما نغضب ربنا

بنحبك يارب
الخطاب بالترجمة

منقول

http://www.youtube.com/watch?v=Mxc_qYabMuk

[هيثم]

شكر يا باشا على مجهودك
واسمحلى بالاصاله عنك و عن نفسى
اهدى الفيديو ده لكل اخوانا
المتوهمين فى عدل اوباما افندى

الكلام واضح ومش محتاج تعليق

[Ahmed Samy]

الكلام واضح و معروف و غير مفاجئ بالمرة

وهو حد كان فاكر انه اوباما ناوي يأكلنا و يجوع اسرائيل ؟؟؟

و الخطاب ده مش اكتشاف (مش قصدي تهكم) بس معروف للكل و خلال حملته الإنتخابية قال الكلام ده في أكتر من خطاب

و ما حدش يفتكر ان رئيس أمريكا ممكن يكون ضد اليهود ..أو محايد ...لأن اللوبي تقريبا هو اللي بينصبه و يصرف على دعايته و يسوق ليه ...ولو قل عقله ...هايحصل كينيدي


اللي مبسوط من أوباما ...مبسوط من اللهجة اللي بيتكلم بيها و خصوصا بعد الحمار اللس انضرب بالجزمة البعيد الله يحرقة

أمريكا حليف لليهود على طول الخط

و اليهود أعداءنا على طول الخط

بس ده مايمنعش ان في ناس هادية و ناس ملاعين

يعني كلنتون كان من الرؤساء الهاديين ...و حصل في عهده بلاوي برضه

بس ماحصلش الي حصل في عهد البوش و أبوه ...دول لو ليهم حفيد ....كان دغدغ الأرض الله يقطع خبرهم

يبقى اوباما ..على عيبه ..نعمة برضه

[نور العمر]

ربنا يسترها على البشر أجمعين
إن الله لا يغير ما بقوم حتى يغيرو ما بأنفسهم

سبحانه

[هيثم]

انا مش عارف اقول لحضرتك ايه
كلينتون اللى حضرتك بتتكلم عنه
هو اللى موت مليون ونص طفل عراقى
بسبب الحصار
اطفال ماتو عشان مش لاقيين ياكلو او يتعالجو
فى طرق كتير للقتل غير ضرب النار

وبعدين الديمقراطيين طول عمرهم كده
عندهم طرق تانيه غير المعارك ينفذو بيها سياستهم

وازاى نعتبر اوباما نعمه انا مش فاهم
عشان جه مصر اشتغلنا و رجع بلده
حضرتك بتقول انه مش هيكون محايد حتى

طب نعمه على ايه

[Ahmed Samy]

انا مش عارف اقول لحضرتك ايه
كلينتون اللى حضرتك بتتكلم عنه
هو اللى موت مليون ونص طفل عراقى
بسبب الحصار
اطفال ماتو عشان مش لاقيين ياكلو او يتعالجو
فى طرق كتير للقتل غير ضرب النار

حضرتك انا وضحت انه حصل في عهد كلينتون بلاوي

يعني كلنتون كان من الرؤساء الهاديين ...و حصل في عهده بلاوي برضه

وازاى نعتبر اوباما نعمه انا مش فاهم
عشان جه مصر اشتغلنا و رجع بلده
حضرتك بتقول انه مش هيكون محايد حتى

طب نعمه على ايه

مش قصدي نعمة انه حلو ..

قصدي انه ارحم من بوش

اعتذر عن اكمال النقاش فليس لي هدف ادافع عنه في الموضوع و خاصة انه سيتحول في الصباح لساحة سجال

تقبل كل ودي و احترامي

[Imhotep]

هو فى الحقيقة الوجه الذى يعرضه الموضوع لاوباما ليس هو الوجه الاخر انما هو الوجه الاول الاصلى بينما ما تم عرضه عندنا هو الوجه الاخر..... لان السياسة الامريكية دائما و ابدا لها ثوابت لا تتزعزع ترسخت على مر الازمنة المختلفة..... هذه الثوابت اهمها الحفاظ على المصالح الامريكية اينما وجدت...... ضمان الامن الامريكى داخليا و خارجيا...... ضمان امن حلفاء امريكا و اولهم اسرائيل...... الاختلاف هو انه فى الوقت الذى كان المدعوق بوش طايح فى الدنيا زى التور الهايج، لما جاء اوباما وجد ميراث عنيف من الكراهية للولايات المتحدة بسبب حماقات الحروب المختلفة التى بنيت على سياسات خاطئة...... لذلك هو يحاول تجميل صورة امريكا التى تمرمطت كثيرا و يحاول استمالة الكثير من الرأى عام العالمى الذى خسرته امريكا...... هذا لا يعنى انه يحاول ان يضحك علينا لكن كل الحكاية اننا يجب ان نكون واقعيين و ندرك الفرق بين الممكن و بين الذى سيحدث فعلا..... و فى النهاية ما حك جلدك مثل ظفرك......

[هيثم]

هو فى الحقيقة الوجه الذى يعرضه الموضوع لاوباما ليس هو الوجه الاخر انما هو الوجه الاول الاصلى بينما ما تم عرضه عندنا هو الوجه الاخر..... لان السياسة الامريكية دائما و ابدا لها ثوابت لا تتزعزع ترسخت على مر الازمنة المختلفة..... هذه الثوابت اهمها الحفاظ على المصالح الامريكية اينما وجدت...... ضمان الامن الامريكى داخليا و خارجيا...... ضمان امن حلفاء امريكا و اولهم اسرائيل...... الاختلاف هو انه فى الوقت الذى كان المدعوق بوش طايح فى الدنيا زى التور الهايج، لما جاء اوباما وجد ميراث عنيف من الكراهية للولايات المتحدة بسبب حماقات الحروب المختلفة التى بنيت على سياسات خاطئة...... لذلك هو يحاول تجميل صورة امريكا التى تمرمطت كثيرا و يحاول استمالة الكثير من الرأى عام العالمى الذى خسرته امريكا...... هذا لا يعنى انه يحاول ان يضحك علينا لكن كل الحكاية اننا يجب ان نكون واقعيين و ندرك الفرق بين الممكن و بين الذى سيحدث فعلا..... و فى النهاية ما حك جلدك مثل ظفرك......

بارك الله فيك