التطور الطبيعى للأزواج

[نور القمر]

طيب أنا عندي فكرة أحنا نخلي الزواج سنة واحدة أجباري وبعد كدة أختياري اللي عاوز يكمل كان بها واللي مش مناسب ليه يكمل ينفصل بهدوء وبكدا كل واحد يفضل يجرب سنة سنة سنة وكلهم أول سنه يعني كلهم حلوين وهكذا الي أن يجد الرجل المرأة المناسبة ليه ويكمل معاها بقية عمره أختياري أنما الواحد يعيش مع واحدة غصب عنه تبقى عيشة جحيم بصراحة عشان منظلمش الرجالة ونقول مقصرين في حق زوجاتهم .

انا معاك في الاقتراح ده
بس المشكلة فيكم انتم لما بنزهق منكم مش بتسيبونا في حالنا بهدوء وبنضطر نخلعكم
كدة اقتراحك كويس للطرفين

[compuland]

بردو الستات نفس النظام

وهو نازل رايح الشغل
بعد 6 اسابيع حبيبى ماتتخرش عليا
بعد 6 شهور ابقى اتصل قبل لما تيجى عشان اجهزلك الاكل
بعد 6 سنين هات اكل معاك وانت جاى

لما يرجع من الشغل
بعد 6 اسابيع حبيبى انت جيت قال يعنى مش واخده بالها
بعد 6 شهور ايه اللى أخرك ده كلو
بعد 6 سنين انت جيت يامنيل

حماتها اتصلت
بعد 6 اسابيع حبيبى ماما اتصلت انهارده وكانت بتسأل عليك ابقى كلمها لحسن تزعل
بعد 6 شهور امك اتصلت بيك
بعد 6 سنين الوليه حماتى عايزاك معرفش ليه