ارمي كل الزجاجات البلاستيكيه اللي في الثلاجه

[D . a .\ AYMAN]

اولا جزاك الله خيرا على نقل الموضوع
و لكن لى مداخله بسيطه


لا يخفى علينا خطورة البلاستيك و بالاخص فى مصر
ليه
علشان ناس كتير ليس عندها ضمير و كمان لا يوجد عندنا كواليتى كنترول
فمعظم البلاستيك يحدث له اعادة تدوير فى غير موضعه

نفهم اكتر
اكيد عدى على معظمنا منظر ناس بينكشوا فى الزباله فى الشارع علشان يطلعوا منها الزجاجات البلاستيك الفارغه
ليه
علشان تروح مصانع تسيحها و تصبها تانى و انت و نصيبك
يا يعملوا بها شباشب
يا يعملوا منها ملاعق و ادوات اخرى
------------------------------
طيب بغض النظر عن ما يحدث فى مصر
و بالرجوع الى الموضوع
---------------------
المثلث الموجود يا حضرات على الزجاجات البلاستيك و بداخله رقم
ليس المقصود به ان الزجاجه تستعمل لكام مرة

و انما المقصود بالمثلث انه يمكن اعادة تدوير تلك الزجاجه او بالاخص البلاستيك بتاع تلك الزجاجه
--------------------------------------

طيب بره ناس كويسين و عارفين ان بلاستيك الشباشب غير بالستيك المعالق بتاعة الاكل
طيب هايعرفوا منين نوع البلاستيك


هنا نيجى لفائدة الرقم اللى داخل المثلث

كل رقم عبارة عن كود يراه المتخصص يعرف البلاستيك بتاع الحاجه اللى فى ايده مصنوعه من ايه علشان لما يسيحها يستعملها لأيه بعد كده

مثال
رقم 1 اللى هتلاقيه فى معظم ان لم يكن كل زجاجاتنا
لا يدل على ان الزجاجه تستعمل مرة واحده

انما يدل على ان البلاستيك المصنع منه هو البولثيلين تيريفثاليت
و يستخدم فىزجاجات المشروبات الغازية وزجاجات المياه و زجاجات غسول الفم و....
و عند تدويرها "اعادة استخدامها مرة اخرى" تصبح الياف و ملابس و سجاد و ......
--------------------
ارجو ان تكون وصلت الفكرة

و اعتذر عن اى خطأ فى ردى
انما هذا ما اعرفه

و شكرا

أعتقد ان هذا الكلام صحيح لأنه على حسب معلوماتي فإن هذه العلامة خاصة بإعادة التدوير لأي مادة سواء كانت بلاستيك أو أوراق أو أي مادة أخرى يمكن إعادة تدويرها وستجدونها على جميع المواد الممكن إعادة تدويرها من أوراق أو بلاستيك أو مواد بترولية معينة أو حتى بعض أنواع الزجاج إذا ما كانت أصلا منتجة من قبل جهة ملتزمة بمعايير إعادة التدوير السليمة

ولكن معلوماتي لم تصل لمعنى وجود الأرقام بداخلها

[نور العمر]

ربنا يستر بجد

[ابو حسين]

جزاك الله خيرا

[النوبي]

مثال
رقم 1 اللى هتلاقيه فى معظم ان لم يكن كل زجاجاتنا
لا يدل على ان الزجاجه تستعمل مرة واحده

انما يدل على ان البلاستيك المصنع منه هو البولثيلين تيريفثاليت
و يستخدم فىزجاجات المشروبات الغازية وزجاجات المياه و زجاجات غسول الفم و....
و عند تدويرها "اعادة استخدامها مرة اخرى" تصبح الياف و ملابس و سجاد و ......


و شكرا

الكلام ده صحيح ميه في الميه

ربما لا يعلم العديد من الناس أن السمّ قد يكون كامناً لهم على فوهة قارورة مياه معدنية بلاستيكية. فقد اعتاد الجميع على استخدام القوارير البلاستكية للمياه المعدنية، أو الاحتفاظ بها في سياراتهم أو منازلهم. ولكن دراسات علمية أجريت مؤخرا كشفت أن القارورة المصنّعة من مادة البلاستيك التي يطلق عليها "البوليثلين"، تحتوي على عناصر مسرطنة تدعى "deha".

وأوضحت الدراسة أن قوارير المياه البلاستكية تكون آمنة لدى استخدامها لمرة واحدة فقط ، وإذا ما اضطر الشخص للاحتفاظ بها فيجب أن لا يتعدى ذلك بضعة أيام أو أسبوعاً على أبعد تقدير، مع الانتباه لإبعادها عن أية مصادر حرارية.

وقال قسم علوم الصحة بجامعة شيغا للعلوم الطبية في اليابان، الذي نشر الدراسة، إن إعادة غسل القارورة وتنظيفها يسبب تحلل المواد المسرطنة وتسربها إلى المياه التي تشربها. ونصح القسم في دراسته باستخدام القوارير الزجاجية، وتلك الصالحة لعدة استخدامات لتفادي أية آثار محتملة.

[Lord_Fouad]

نفسي نرجع للقلل

[MTAK]

الكلام ده صحيح ميه في الميه

ربما لا يعلم العديد من الناس أن السمّ قد يكون كامناً لهم على فوهة قارورة مياه معدنية بلاستيكية. فقد اعتاد الجميع على استخدام القوارير البلاستكية للمياه المعدنية، أو الاحتفاظ بها في سياراتهم أو منازلهم. ولكن دراسات علمية أجريت مؤخرا كشفت أن القارورة المصنّعة من مادة البلاستيك التي يطلق عليها "البوليثلين"، تحتوي على عناصر مسرطنة تدعى "deha".

وأوضحت الدراسة أن قوارير المياه البلاستكية تكون آمنة لدى استخدامها لمرة واحدة فقط ، وإذا ما اضطر الشخص للاحتفاظ بها فيجب أن لا يتعدى ذلك بضعة أيام أو أسبوعاً على أبعد تقدير، مع الانتباه لإبعادها عن أية مصادر حرارية.

وقال قسم علوم الصحة بجامعة شيغا للعلوم الطبية في اليابان، الذي نشر الدراسة، إن إعادة غسل القارورة وتنظيفها يسبب تحلل المواد المسرطنة وتسربها إلى المياه التي تشربها. ونصح القسم في دراسته باستخدام القوارير الزجاجية، وتلك الصالحة لعدة استخدامات لتفادي أية آثار محتملة.

استاذى الفاضل
اولا انا مش عارف اول جمله فى كتابتك دى تقصد بها ردى السابق
ام تقصد ما بعدها .

ثانيا
يا استاذى مع كامل احترامى لك
و لكن ليس هذا بالكلام العلمى
سواء فى الطرح او المعالجه
مع احسسته من كلامك هو تأكيد استعمال الزجاجه مرة واحده

انا معك فى هذا
و انبه بشده الى مخاطر البلاستيك
----------
بس نمسك ردك
فقد اعتاد الجميع على استخدام القوارير البلاستكية للمياه المعدنية
---
عادى جدا المياه المعدنيه لا تباع فى زجاجات زجاج
و لا نعبيها فى البيت بعد ذلك مياه معدنيه
--------------
ولكن دراسات علمية أجريت مؤخرا كشفت أن القارورة المصنّعة من مادة البلاستيك التي يطلق عليها "البوليثلين"
----
لن اعقب الا انى سوف اذكر ان النوع رقم 2 "المكتوبه داخل المثلث تكون
High Density Polyethylene (HDPE).
Used for: milk, water and juice containers, trash and retail bags, liquid detergent bottles, yogurt and margarine tubs, cereal box liners.
Recycled into: liquid laundry detergent containers, drainage pipe, oil bottles, recycling bins, benches, pens, doghouses, vitamin bottles, floor tile, picnic tables, lumber, mailbox posts, fencing

3 - Vinyl (Polyvinyl Chloride or PVC)
Used for: Clear food packaging, shampoo bottles, medical tubing, wire and cable insulation. There has been increasing concern over the potential toxicity of PVC, watch the media for developments.
------------------------------
تحتوي على عناصر مسرطنة تدعى "deha".
---------
انا معاك ان مخاطر الـDEHA انها تكون من مسببات السرطان
و لكن DEHA دى Diethylhydroxylamine
داى ايثيل هيدروكسيل امين
-------------------------
وأوضحت الدراسة أن قوارير المياه البلاستكية تكون آمنة لدى استخدامها لمرة واحدة فقط ، وإذا ما اضطر الشخص للاحتفاظ بها فيجب أن لا يتعدى ذلك بضعة أيام أو أسبوعاً على أبعد تقدير، مع الانتباه لإبعادها عن أية مصادر حرارية.

وقال قسم علوم الصحة بجامعة شيغا للعلوم الطبية في اليابان، الذي نشر الدراسة، إن إعادة غسل القارورة وتنظيفها يسبب تحلل المواد المسرطنة وتسربها إلى المياه التي تشربها. ونصح القسم في دراسته باستخدام القوارير الزجاجية، وتلك الصالحة لعدة استخدامات لتفادي أية آثار محتملة.
-----------
يقصدوا انهى نوع من البلاستيك
ممكن تضع لنا رابط الدراسه
الدراسه اوصت لا نضع الماء اكثر من بضعة ايام
اسبوع على الاكثر...............
ليه
بالعقل كده
زجاجة المياه المعدنيه جواها الميه و مقفول عليها و كاتبين صلاحيتها مثلا شهر
طيب ما كده الميه اكتر من اسبوع
هانقول ما اتفتحتش
طيب لو فتحناها و شربناها و بدون غسيل حطينا ماء تانى فيها
ما هو الخطر
استعمال اكتر من مرة
ماااااااااااشى
ما لو كده
سيادتك الزجاجه فى الاستعمال الاول
لما حضرتك بترفعها على بقك و تشرب رشفه
الميه بتروح بططول الزجاجه و ترجع تانى
يعنى احتكاك مع سطح الزجاجه الداخلى رايحه جايه
--يبقى المفروض استعمال الزجاجه يكون على بق واحد
----------------------
بص يا باشا انا بصراحه لم اكن انوى ان ارد
و ثانيا
انا مع الدنيا كلها فى خطر البلاستيك على الصحه و البيئه و المجتمع و الناس
و لكن بصراحه ارفض ان اخذ المعلومه بتلك الطريقه
اعذرنى
و اعتذر لك ان كان ردى ضايقك


و جهـــــــــــــــة نظر

[النوبي]

استاذي الفاضل اولا لو تلاحظ في اول الكلام اني قلت الكلام ده صح ميه ميه وده كان علي تعليقك انت بس مع الاسف ملحقتش اوضح بسبب اني كنت نازل الشغل
وكنت مستعجل وكان كل همي اني اوضح نقطه مهمه للناس مش اكتر اما انك تحب تاخد المعلومه من عدمه دي حاجه ترجع لسيادتك ده موضوع عام
يعني عايز تفيد برايك اهلا وسهلا مش عايز دي حريتك انا كان نفسي انك تفترض في حسن النيه بس
وعلي العموم شكرا وانا ده كان اخر موضوع ليا في هذا المنتدي

[zocor742]

وعلي العموم شكرا وانا ده كان اخر موضوع ليا في هذا المنتدي

لا ياباشا مش اخر موضوع ليك ولا حاجة
صلى على النبى كدة ومتعصبش نفسك
وان شاء الله هنشوف مواضيعك مالية المنتدى كلة

[M.Osman]

والله يجماعه انا جربت بنفسي في عبوه شويبس ولقيت المثلث ومطبوع فيه واحد والمثلث مش باين خالص شفاف في اخر العبوه من تحت مش في القاعده تحت خالص يعني لو مش بتدور عليه مش هتشوفه ارجو اني اكون افدتكم وجزي الله صاحب الموضوع خير

مع كامل احترامي لحضرتك
لكن على حد علمي المثلث دا معناه عدد المرات اللي ممكم يتم أعادة تصنيع الزجاجة ليها
انا لسة شايف ازازة فعلا عليها المثلث اللي فيه رقم واحد ... و شايف كرتونة موبيل نوكيا عليها نفس المثلث و بداخله "20" ( معناها اية دي بقى ؟ )

قي علامة تانية .. اللي هي دائرة عبارة عن ساهمين داخلين في بعض ... دي معناها ان المنتج ( العبوة او ... ) مصنع مواد معادة التصنيع او recycled ...

دا على حد علمي و لا يوجد علاقة بينه و بين عدد إستخدام العبة للماء او خلاقه

شكراً

[النوبي]

المثلث الموجود يا حضرات على الزجاجات البلاستيك و بداخله رقم
ليس المقصود به ان الزجاجه تستعمل لكام مرة

و انما المقصود بالمثلث انه يمكن اعادة تدوير تلك الزجاجه او بالاخص البلاستيك بتاع تلك الزجاجه
--------------------------------------

تم بيان هذه النقطه من قبل

[MoToRiZeR]

نفسي نرجع للقلل

و الله تبقي جامدة جداَ
و ينزلولنا عربيات بمواصفات مصرية فيها 2olla holder

[MTAK]

استاذي الفاضل اولا لو تلاحظ في اول الكلام اني قلت الكلام ده صح ميه ميه وده كان علي تعليقك انت بس مع الاسف ملحقتش اوضح بسبب اني كنت نازل الشغل
وكنت مستعجل وكان كل همي اني اوضح نقطه مهمه للناس مش اكتر اما انك تحب تاخد المعلومه من عدمه دي حاجه ترجع لسيادتك ده موضوع عام
يعني عايز تفيد برايك اهلا وسهلا مش عايز دي حريتك انا كان نفسي انك تفترض في حسن النيه بس
وعلي العموم شكرا وانا ده كان اخر موضوع ليا في هذا المنتدي

يا استاذى العزيز
اولا انا لم افترض سوء النيه
ثانيا انا اكدت اكثر من مرة اثناء كلامى على خطورة البلاستيك
و ما اقصده من كلامى هو ان التنبيه بخطورة حاجه تكون على اساس

ثالثا و ده الاهم
ليه تعتبر ان ده اخر موضوع لك بالمنتدى
مش في حاجه اسمها حوار و نقاش متبادل و اختلاف فى وجهات نظر و بعد كل ذلك احنا اخوة
يا راجل مش كده
انصحك الاول لف لفة كبيرة فى المنتدى و شوف الحوارات من عينة الصينى و لا اليابانى
دى كانت بتحصل فيها تقطيع هدووم
و فى الاخر الموضوع بيتقفل
هاهاهاهاهاهاها
----
انا احب ان اشكرك لانك افدتنى بموضوعك
ازاى مع انى مش مقتنع اوى كما ذكرت بطريقته
انما موضوعك جعلنى اتحرك و ابحث و اقرأ فى مصادر مختلفه
و اتعلم حاجه لم اكن اعرفها "الرقم اللى جوه المثلث"
يبقى انت افدتنا كلنا
شكرا لك مرة اخرى

[MTAK]

على فكرة بالنسبه للقلل
انا من عشاقها
و يا سلام لما تكون حاطط نقطه ماء ورد اصلى
بتشرب ميه مش ساقعه و لا ساخنه
بتشرب ميه ترتوى منها
مافيش حد من قنا يوصيلنا على شوية قلل بطمى قناوى اصلى

[النوبي]

يا استاذى العزيز
اولا انا لم افترض سوء النيه
ثانيا انا اكدت اكثر من مرة اثناء كلامى على خطورة البلاستيك
و ما اقصده من كلامى هو ان التنبيه بخطورة حاجه تكون على اساس

ثالثا و ده الاهم
ليه تعتبر ان ده اخر موضوع لك بالمنتدى
مش في حاجه اسمها حوار و نقاش متبادل و اختلاف فى وجهات نظر و بعد كل ذلك احنا اخوة
يا راجل مش كده
انصحك الاول لف لفة كبيرة فى المنتدى و شوف الحوارات من عينة الصينى و لا اليابانى
دى كانت بتحصل فيها تقطيع هدووم
و فى الاخر الموضوع بيتقفل
هاهاهاهاهاهاها
----
انا احب ان اشكرك لانك افدتنى بموضوعك
ازاى مع انى مش مقتنع اوى كما ذكرت بطريقته
انما موضوعك جعلنى اتحرك و ابحث و اقرأ فى مصادر مختلفه
و اتعلم حاجه لم اكن اعرفها "الرقم اللى جوه المثلث"
يبقى انت افدتنا كلنا
شكرا لك مرة اخرى

اولا شكرا لردود حضرتك المفيده ثم ان اللي زعلني اني حسيت اني بتهاجم بدون اسباب وحسيت اني انا المقصود مش الموضوع يعني اسلوبي اولا انا ذكرت ان الموضوع منقول يعني مش بتاعي (ده مايمنعش مسؤليتي) ولاكن عندما يكون احد الاخوه الافاضل ذكر شيء ولم تتم المعارضه عليه فهو صحيح وبالتالي اي شيء يكتب بعده يعتبر توضيح تعقيب تأييد اي شيء إلا انه يكون اعتراض
علشان كده انا ما اخدتش باللي علي تعليقك لاني بالفرضيه متفق معاك حتي يثبت العكس مش العكس
يعني انا لو هااعترض يبقي هقول انما لما نكون متفقين مش لازم اقول لانها مفهومه لوحديها(او انا بيتهيالي كده)
اما بالنسبه لمواضيع جديده حاجه واحده بس هاكتب اللي انا عارفه عن تجربه شخصيه و بس
لو شفت حاجه تاني مش هنقلها ابدا انشالله يكون كاتب ايه...............
السلام عليكم

[MTAK]

"لو شفت حاجه تاني مش هنقلها ابدا انشالله يكون كاتب ايه...............
السلام عليكم
"
برضه ده مش صح
اولا يرجى تعديل لفظ الجلاله "ان شاء الله"
ثانيا بدل ما تقول مش هانقل حاجه تانيه وتحرمنا من الاستفادة من الموضوع المنقول
قول
ان اى موضوع منقول اوزنه الاول و اتأكد منه ان استطعت و بعدين انقله
--
احنا هنا فى منتدى
نفيد و نستفيد