ارمي كل الزجاجات البلاستيكيه اللي في الثلاجه

[D . a .\ AYMAN]

نفسي نرجع للقلل

على فكرة بالنسبه للقلل
انا من عشاقها
و يا سلام لما تكون حاطط نقطه ماء ورد اصلى
بتشرب ميه مش ساقعه و لا ساخنه
بتشرب ميه ترتوى منها
مافيش حد من قنا يوصيلنا على شوية قلل بطمى قناوى اصلى

+1

و الله تبقي جامدة جداَ
و ينزلولنا عربيات بمواصفات مصرية فيها 2olla holder

وكمان التلاجات تتعمل كلها بمواصفات مصرية وتكون مجهزة بمكان مخصوص للقلل في الباب بتاعها ... وتانك كمان تقوم عاملة قلة كبيرة 40 أو 50 لتر للرحلات بدل الـ ice tank ... والمية المعدنية تتعبى في قلل مخصوصة للإستخدام مرة واحدة بس

[MTAK]

... وتانك كمان تقوم عاملة قلة كبيرة 40 أو 50 لتر للرحلات بدل الـ ice tank

كده انت دخلت فى شريحه تانيه

و هى

الزير

و الزير ده يا باشا نفس خامات القلل بس يختلف فى التقفيل و السعه
ممكن من 10 لتر
الى
50 لتر
و بعدين ليه كمالياته غير كماليات القلل
يعنى الزير الفول اوبشن بييجى معاه
قاعده حديد "مفيش منها المنيوم"
غطا خشب بمقبض خشب "نفس اللون"
كوز سعة 2 كوبايه فى الشربة الواحده
---
و لو هاى لاين
بييجى معاه
قطعة خيش تتلف على 70 % منه
طبق يتحط تحتيه علشان تلم المية اللى بتنقط منه
"احلى شويه ميه تشربها لانها بتكون اترشحت و اتفلترت تمام"

[sherif_84]

نفسي نرجع للقلل

والله عندك حق مافيش احسن من الحاجات بتاعت زمان والميزة فى القلة ان الميه بتكون ساقعة بحيث انها ترويك فعلا وانت بتشرب انما الثلاجات بتسقع الميه بتخليها مثلجة مش ساقعة ولازم تزود الكوباية شوية ميه من الحنفية عشان تقدر تشرب فى حين ان القلة بتبقى معتدلة البرودة ومناسبة للشرب

[Eslam.Elrefaey]

شكرا على المعلومة

[tutankhamoun]

السلام عليكم ورحمة الله و بركاته و تحية خاصة إلى الأستاذ ganaahony
أحب أشكر حضرتك على حرصك لنقل معلومة تتعلق بصحة أخوانك ......... جزاك الله كل خير .

بس لي تعقيب صغير ........ هو ليه حضرتك قلت مش هاتعمل مواضيع تاني ؟؟؟؟؟ علشان الأستاذ محمد طه أختلف معاك ؟؟؟
و طيب و أيه المشكلة ......... دي معلومة علمية ........ يبقى لازم نأكد عليه و منزعلش من بعض ........

و أنا عارف أن الموضوع خلص و أن حضرتك صفيت و فهمت مقصد الأستاذ محمد طه .
و بارك الله لكما أنتما الأثنين ...... حضرتك بفتح المجال للنقاش
و الأستاذ محمد طه بالمعلومات الكيميائية اللي زودنا بها .........

فجزاكما الله خيرا .

لي تعقيب تاني على الجزء ده من الموضوع اللي حضرتك ناقله

معروف إن الماء من ربي فما تنتهي مدته
بس علب و قوارير الماء يضعون لها تواريخ انتهاء!!
فـ لماذا يوضع على علب الماء تواريخ انتهاء؟!!
هل الماء ينتهي, أم ماذا؟!!

كل شئ هو من عند الله عز و جل و ليس الماء فقط .
و الماء لا تنتهي صلاحيته لأنه لو نظيف لا يحتوي على بكتريا أو خلايا حية تُعجل من فساده .
لذلك لا يفسد طالما في بيئة نظيفة ............

لأن اللبن مثلا من عند ربي أيضا و يفسد بسرعة رهيبة إن لم تحفظه بطريقة معينة .......

هل ذلك يُقلل من قدرة الله عز و جل ؟؟؟؟؟؟؟ طبعا لاءة ...... و لكن تحري دقة الكلام و ما يخفيه مهمة خصوصا لما نتحدث عن المولى عز و جل ......

و الماء لو في بركة ........ لن تستطيع أن تشربه أبدا ........ لأنه يكون ملئ بالميكروبات .... و البكتريا القاتلة .......
إذن الماء لو لم لكن في بيئة جيدة ......... سيكون فاسد و غير صالح للشرب .

[النوبي]

السلام عليكم ورحمة الله و بركاته و تحية خاصة إلى الأستاذ ganaahony
أحب أشكر حضرتك على حرصك لنقل معلومة تتعلق بصحة أخوانك ......... جزاك الله كل خير .

هو ليه حضرتك قلت مش هاتعمل مواضيع تاني ؟؟؟؟؟ علشان الأستاذ محمد طه أختلف معاك ؟؟؟

وعليكم السلام ورحمة الله وبركاته
اولا ولله واحشني يا استاذ توت
اما بالنسبه للاستاذ محمد انا مااختلفتش معاه ولا حاجه ابدا هو انا زعلت بسبب انه اعتقد اني بنتقد كلامه مع العكس انا كنت باكده وانا اللي زعلني اني لا أُضمر إلا خيراً لإخواني في المنتدي وحسيت انه فهمني غلط مش اكتر وبعد كده بقيت متابع في المنتدي المواضيع ولما شفت ردود الاستاذ محمد وأرائه الجميله والمفيده بالعكس انا بجد اصبحت احترمه لابعد الحدود واتمني انه مايزعلش مني واتمني انه يعتبرني صديق له
واذا كان علي الخلاف اللي في الموضوع ده انا اسف للاستاذ محمد وارجو انه يتقبل اعتذاري
اما بالنسبه اني مش هعمل مواضيع تاني انا قلت مش هنقل مواضيع تاني مش اكتر وده بالنسبالي افضل علشان المجهود يبقي احلي ثم ده يخليني اتحرى في نقل الاخبار القادمه

لي تعقيب تاني على الجزء ده من الموضوع اللي حضرتك ناقله
كل شئ هو من عند الله عز و جل و ليس الماء فقط .
و الماء لا تنتهي صلاحيته لأنه لو نظيف لا يحتوي على بكتريا أو خلايا حية تُعجل من فساده .
لذلك لا يفسد طالما في بيئة نظيفة ............

لأن اللبن مثلا من عند ربي أيضا و يفسد بسرعة رهيبة إن لم تحفظه بطريقة معينة .......

هل ذلك يُقلل من قدرة الله عز و جل ؟؟؟؟؟؟؟ طبعا لاءة ...... و لكن تحري دقة الكلام و ما يخفيه مهمة خصوصا لما نتحدث عن المولى عز و جل ......

و الماء لو في بركة ........ لن تستطيع أن تشربه أبدا ........ لأنه يكون ملئ بالميكروبات .... و البكتريا القاتلة .......
إذن الماء لو لم لكن في بيئة جيدة ......... سيكون فاسد و غير صالح للشرب .

اشكرك علي المعلومه المفيده واحب اعقب
باني احب اشكرك شكر خاص انك اديتني فرصه لتوضيح موقفي للاستاذ محمد طه

[MTAK]

اولا
اشكر الاستاذ توت على كلامه "بصراحه انا عايز اشكره على اى حاجه يكتبها"
ثانيا
استاذ ganaahony من الاقصر
الف تحية و سلام لك و لكل اهل الاقصر الكرام
انا يا استاذى لم اختلف معك لشخصك الكريم
و ما علينا "كلنا فهمنا قصد بعض"
و يا استاذى اشكر لك كلماتك الرقيقه
و كلنا اخوة تجمعنا فى هذا المكان الرائع
و لا يوجد اى داعى للأعتذار
و اى خدمة انا فى الخدمة

[النوبي]

اولا
اشكر الاستاذ توت على كلامه "بصراحه انا عايز اشكره على اى حاجه يكتبها"
ثانيا
استاذ ganaahony من الاقصر
الف تحية و سلام لك و لكل اهل الاقصر الكرام
انا يا استاذى لم اختلف معك لشخصك الكريم
و ما علينا "كلنا فهمنا قصد بعض"
و يا استاذى اشكر لك كلماتك الرقيقه
و كلنا اخوة تجمعنا فى هذا المكان الرائع
و لا يوجد اى داعى للأعتذار
و اى خدمة انا فى الخدمة

الله يخليك يا استاذ محمد
وبالمناسبه انا اسمي عبدالرحيم النوبي
واصدقائي بينادوني النوبي او نوبي او بي عادي يعني
ارجو انك تعتبرني صديق

ممكن ولو فيها احراج عايز اغير الاسم اغيره من فين ولا مينفعش

[amrnader]

دول لينكين للى عايز يقرأ اكتر فى الموضوع:

http://en.wikipedia.org/wiki/Resin_identification_code

http://en.wikipedia.org/wiki/Polyethylene_terephthalate

[Karim_Monir]

المنتدى ساحة حوارية للافادة والاستفادة
وليس تلقي معلومة وخلاص زي الجرنال والتي في

يبقي مش معنى الاختلاف في وجهات النظر اننا مانتكلمش تاني ؟
لازم نبحث وندور على النت لغاية ما نوصل للمعلومة الصحيحة
خاصة ان المنتدى ما شاء الله بيضم علماء من كافة التخصصات ولا نزكى على الله احدا
خاصة ان كان من عينة حبيبي محمد باشا طه
باشا
هو ممكن نحلل الجمبري والاستاكوزا في المختبر بتاعك في السويس
وتقولي في مواد خطيرة ولا لاء؟
وممكن الاخ جناهوني يجيبلنا من الاقصر حتتين فسيخ اسواني
ولو المعمل بتاعك اجازة ادوق انا واحكم ما بينكم
نييييييههههههههههههه

[النوبي]

ياسلام عايز حتتين بس
قول صفيحه محل فسيخ

دا حضرتك غالي عندي خالص ولا حتي بــ10 محلات فسيخ

[MTAK]

ممكن ولو فيها احراج عايز اغير الاسم اغيره من فين ولا مينفعش

طبعا ينفع يا استاذ غبد الرحيم
ابعت للأدارة فى قسم الشكاوى على ما اظن "او ابعت رسالة ليزر الادارة" و هما هايقوموا بالواجب

بسش لا تنسى مع الطلب ورقة و لكن ليست ورقة دمغه و انما ورقه بها 2 كيلو ملوحة معتبرة :)

[MTAK]

هو ممكن نحلل الجمبري والاستاكوزا في المختبر بتاعك في السويس
وتقولي في مواد خطيرة ولا لاء؟

طبعا ينفع يا كيمو
بس معلش علشان الحاجات دى صعبة شويه فى شغلها فبيبقى لها اشتراطات خاصة

بالنسبة للجمبرى :
لازم العينة تكون من النوع "جمبرى ازاز" سوبر جامبو
لا يقل وزن العينه المراد فحصها عن 5 كيلو
المعمل غير مسئول عن باقى العينة عند انتهاء التحاليل

و نفس الوضع للأستاكوزا مع اختلاف الوزن
فيجب ان تكون العينه لا تقل عن 10 وحدات من الاستاكوزا
----------
و للحفاظ على سلامة العينه
يجب احضار العينه فى ايس بوكس سعة 50 لتر ماركة كولمان امريكى
--------------------------
هاتلى انت بس العينات و انا تحت امرك
"رغم انى باعمل فى مختبر بترول انما الفوسفور مافيش حد يقولة لأ"

[Karim_Monir]

ياباشا انت ليه فاهمني غلط
بقولك انت اللي هاتحلل يعني انت اللي هاتجيب وانا اللي هادوق
لازم تفهمني صح يا باشا
اما عن النوبي
فهابعتلك العنوان على الخاص عشان الملوحة تيجي بسرعة
هاهاها