هو فعلاً في ناس كده ؟؟؟

[Ahmed Selim]

السلام عليكم ورحمة الله وبركاته

واحد معايا فى الشغل كان بيدور على عروسة.......عادى مش كده ؟؟؟

ورانى الورقة دى.........أبو العروسة اللى كان كاتبها بخط أيده......مع العلم أن زميلى و العروسة من عائلات متوسطة المستوى المادى....مش أغنياء خالص ( صاحبى جايب عربية أفيو بالقسط و بالعافية...........تخيلو لما يشوف ورقة زى دى قدامه يحصله أيه ؟

بغض النظر أن فى بعض الأسعار قد تكون مناسبة.

[hamedo0]

هو ممكن اسائل حضرتك ايه السعره مناسب ده 120الف واحده من دول يجوزوني واجيب عربيه صغيره بس هما فين

[icehearted girl]

دا مقلب فلعريس صح؟

[Ashraf_Ashraf]

على فكره ابوها نسى ال10% ضريبه المبيعات وضريبه الدمغه
رائى احسن يتجوز ابوها ارخص

[هيثم]

صحبك ده لازم يقلب
وخليها قاعده جنب ابوها
لما فى الاول وديه الطلبات
امال كمان شويه هيحصل ايه

[نور القمر]

انا بصراحة مش غايظني الا الكوافيرة والفستان ب 20 ألف ليه الاميرة ديانا ولا ايه ههههههههههههههه
طبعا ده شغل تطفيش
ولو هي موافقه والدها على كدة يبقه يسيبه منها خالص
يعني يبقه جواز وخراب ديار

[Samah AbdAllah]

انا معترضة على الاسلوب نفسه بغض النظر عن الاسعار نفسها معلش يعنى من غير زعل فى واحد بيتجوز بال 20 الف دول بتوع الكوافير والفستان

لكن اعمل قائمة بالطلبات وبالاسعار هو رايح سوبر ماركت

ده زواج ونسب وتكوين اسرة مش عملية بيع وشرا وهو مش من حق اصلا يحددله اسعار اى حاجة ان شاء الله يجيب العفش كله ب 10 الاف جنيه هو حر

انا اتعصبت ليه كده مش عارفة

هو صاحبك حالته ايه بعد ما شاف الورقة دى لسة هادى وعاوز يتجوز

[WalidAdel]

هو بس كل الارقام 20 الف صح و الواحد اللي جنب العشري دا بتاع الالف معلش اصله خطه وحش اوي

بس عموما يعني انا شايف الكلام معقول يعني

الراجل واضح قالوا انت عليك ايه و الباقي علينا يعني

والله الراجل عداه العيب و قزح كمان

بس هو ليييه ذكر حتة زياده الاسعار من 10-15% عايز ايه يعني منها

[NaderNabil]

انا مش قادر أصدق ان فيه جواز بالشكل ده أصلاً!!


ربنا يخليلي حمايا :)

[WalidAdel]

انا بصراحة مش غايظني الا الكوافيرة والفستان ب 20 ألف ليه الاميرة ديانا ولا ايه ههههههههههههههه

هو حضرتك مكتوب 10 الاف فستان + كوافير معقول يعني مش 20 لا


ولا انا غلطان

[د.محمود صلاح]

حديث فيما معناه :- "من جاءءكم من ترضون دينه فزوجوه إن لم تفعلوا تكن فتنة وفساد فى الأرض"

[WalidAdel]

حديث فيما معناه :- "من جاءءكم من ترضون دينه فزوجوه إن لم تفعلوا تكن فتنة وفساد فى الأرض"

بس مين بيعمل كده دلوقتي يادكتور يارب سترك

[Rembrandt]

.............................

[NaderNabil]

مش فاهم حضرتك بتقول عائلة العريس والعروسة من طبقة متوسطة وتكلفة الفرح 120 الف جنية بلنص على الطرفيين يعنى ابو العروسة مش ممانع انة يدفع 60 الف جنية يبقى اعتقد انة ميسور الحال ومش من عائلة متوسطة زى مبتقول وصاحبك كان شكلة داخل على...
على العموم ربنا يتمم بخير

لأ اللي مكتوب 20 ألف بالنسبة لك...يعني التكلفة الكلية 40000

هو حرف الألف بتاع ألف عامل لخبطة بس :)

[M.Osman]

دول الناس اللي بيعتبروا الجواز بيع و شرا...

بجد هموت من الغيظ!