هو فعلاً في ناس كده ؟؟؟

[nano1980]

معلش سيبونا من التهريج ونتكلم بجد.......انا اتضحك عليا ........
وجوزي اتجوزني ببلاش
مجابليش تلاجه 26 جابها 16 ........اكل عليا 10 قدم انا عاوزاهم
ومجابليش نجفه في المطبخ.........انا عاوزه النجفه وتكون كريستال
ومجابش سجاده الطرقه ..سايبني علي البلاط
وجبنا التكييفات متاخر بعد سبع سنين جواز........ومتكتبوش
انا عاوزه حقي .....انا عاوزاهم بضريبه المبيعات وضريبه الرفاهيه كمان ماليش دعوه

[ابو سيف]

انا معترضة على الاسلوب نفسه بغض النظر عن الاسعار نفسها معلش يعنى من غير زعل فى واحد بيتجوز بال 20 الف دول بتوع الكوافير والفستان

لكن اعمل قائمة بالطلبات وبالاسعار هو رايح سوبر ماركت

ده زواج ونسب وتكوين اسرة مش عملية بيع وشرا وهو مش من حق اصلا يحددله اسعار اى حاجة ان شاء الله يجيب العفش كله ب 10 الاف جنيه هو حر

انا اتعصبت ليه كده مش عارفة

هو صاحبك حالته ايه بعد ما شاف الورقة دى لسة هادى وعاوز يتجوز

بصراحه انا متفق معاكي جدا انا مش مهم عندي الاسعار
بغض النظر عن الاسعار المكتوبه

ايه الطريقه دي؟؟؟؟؟؟؟؟؟؟؟

ورقه بالطلبات؟؟؟؟؟؟؟؟؟؟؟؟؟؟؟

مع احتمال زياده 10% او 15%؟؟؟؟؟؟؟؟؟؟؟؟؟؟؟؟؟؟؟؟

انت ازاي صاحبك سكتله
لو مفيش علاقه حب بينه و بين البنت

و الله مكنت اطلع من البيت
غير لما اديله كلمتين يفوقوووووووووووووووه شويه

بص انا مش هقول كلام تاني عشان غالبا هبدا اغلط

[أحمد كمال]

اسف على رفع الموضوع ....... بس في ظل مواضيع الجواز بتاعة اليومين دول ....... حاسس ان كان لازم نعيد احياء هذا الموضوع القيم ........


ربنا ينجي كل شباب مصر من الناس اللي زي دي

[Angel_wolf]

الحج ابو حنان
نسى 10% ضريبة مبيعات
و 15% خدمة

ايه دا انا لو فكنتاكى مش هيعملوا فيا كدة

[The_Last_Rebel]

اسف على رفع الموضوع ....... بس في ظل مواضيع الجواز بتاعة اليومين دول ....... حاسس ان كان لازم نعيد احياء هذا الموضوع القيم ........


ربنا ينجي كل شباب مصر من الناس اللي زي دي

عجبت لزمان يشترى فيه الجحيم بالمال
ونسى فيه الناس ان الدنيا مآلها إلى زوال
هذا زمان الفتن فيه كالجبال
والفكر والعقل أصابه احتلال
صارت الدرة المكنونة بضاعة وبيع عالمشال
وإن كانت ذات مسحة من جمال
تجدها بثمن بعيد المنال
ولا عبرة لدين فقد اختزلوه في صلاة واسدال
والزوج صالح أو طالح هو مال معبى في شوال
ونسوا ان الدين رفع العبد الحبشي بلال

لا مودة ولا رحمة ولا شفقه ...ولا إحترام ولا اجلال
وان قلت في بيتك كلمة حق...فاستعد لجحيم وأهوال
ومحاكم وقضايا وتكبيل بالأغلال
وان حكمت الاهل فكل يكيل بمكيال
ويدفع الثمن ضحايا هم الاطفال
وتحرم منهم وتكون رؤيتهم مع طلعة الهلال
لوقت زهيد...لا يعطي للتربية والعاطفة مجال
هذا زمان الفتن فيه كالجبال

وفي النهاية احب ان أحيي اخي الاستاذ أحمد كمال

[شريف]

ياة انا فاكر الموضوع دة و كنت بعتها لزمايلي في الشغل افرجهم علي الناس بتفكر ازاي
واضح ان شغل الاب مأثر عليه
اوقات لما الاب او الام بيبقي قائد او مدير في حته ما ان شاء الله في ملاهي المولد او العيد بيعامل العريس كانه موظف عندة

[mohamedbook]

بالعربي الراجل بيطفش العريس

[FunnyMickey]

نفسي اشوف الراجل ده

[morsi]

الموضوع ده بقاله اكتر من سنتين. ياترى الجوازة تمت ولا اتفركشت.
انا طبعا ماقرأتش الموضوع ده فى وقته من سنتين ولكن شايف ان كل التعليقات كانت حادة جدا على والد العروسة وشايف ان كان لازم نسأل عدة اسئلة قبل الحكم على والدها:
1-مين اللى جايب الشقة والد العروسة ولا العريس ولو والد العروسة هو اللى جايبها فهل جايبها تمليك (يعنى العريس مش هايدفع مليم ايجار بقية عمره) ولا جايبها ايجار.
2-غرفة النوم والانتريه والصالون بنجفهم وسجادهم وستايرهم وتكييفهم على والد العروسة طبعا لانهم مش مكتوبين فى الورقة.
3-نصف تكلفة الفرح على والد العروسة.
4-المستوى المادى لوالد العروسة واضح انه كويس جدا لأنه لو مستوى متوسط مش ممكن يطلب الطلبات بالاسعار دى.
بعد الاجابة على النقاط السابقة نقدر نحكم على والد العروسة اذا كان غلطان ولا لأ؟ وخاصة ان واضح انه راجل دقيق جدا بمعنى انه بيكتب كل شيء علشان مايبقاش فيه اى خلافات مستقبلية لأن أغلب الجوازات اللى بتبوظ بيكون سبب الخلاف على أشياء تم الاتفاق عليها شفويا ولم تنفذ.

[شريف]

الموضوع ده بقاله اكتر من سنتين. ياترى الجوازة تمت ولا اتفركشت.
انا طبعا ماقرأتش الموضوع ده فى وقته من سنتين ولكن شايف ان كل التعليقات كانت حادة جدا على والد العروسة وشايف ان كان لازم نسأل عدة اسئلة قبل الحكم على والدها:
1-مين اللى جايب الشقة والد العروسة ولا العريس ولو والد العروسة هو اللى جايبها فهل جايبها تمليك (يعنى العريس مش هايدفع مليم ايجار بقية عمره) ولا جايبها ايجار.
2-غرفة النوم والانتريه والصالون بنجفهم وسجادهم وستايرهم وتكييفهم على والد العروسة طبعا لانهم مش مكتوبين فى الورقة.
3-نصف تكلفة الفرح على والد العروسة.
4-المستوى المادى لوالد العروسة واضح انه كويس جدا لأنه لو مستوى متوسط مش ممكن يطلب الطلبات بالاسعار دى.
بعد الاجابة على النقاط السابقة نقدر نحكم على والد العروسة اذا كان غلطان ولا لأ؟ وخاصة ان واضح انه راجل دقيق جدا بمعنى انه بيكتب كل شيء علشان مايبقاش فيه اى خلافات مستقبلية لأن أغلب الجوازات اللى بتبوظ بيكون سبب الخلاف على أشياء تم الاتفاق عليها شفويا ولم تنفذ.

الاسلوب بيفرق
و الاسلوب الجاف بينفر

[Ahmed_Ramadan]

أنا مش هتكلم علشان فى كلام قبيح جدا ممكن يتقال .....بس اللى ممكن أأقوله خليها جنب أبوها

[mr_safwt]

ادة الموضوع دة اول مرة اشوفه
دة جامد جدا

[mr_safwt]

ادة الموضوع دة اول مرة اشوفه
دة جامد جدا

[Deshahcoka]

تيييييييييييت ؟ ليه حيتجوز مين بالفلوس ديه ؟! ده مستحيل ! لو البنت مزة و بنت ناس يبقى في كلام تاني لكن لو عادية يعني مش ملكة جمال يبقى في ستين داهية عربية جديدة احسن :)

[waelfarid]

دا عادل امام في عريس من جهة امنية؟
هو الحما ولا ايه
اصلي اول مرة اشوف الموضوع القديم ده
بس حاجة تفتح النفس عالجواز يعععععععععععععععععع