إفتخروا بأبو تريكة ! و شوفوا جريدة التايمز كاتبة إيه !

[Terrible_DaRsH]

رفضه انه يعمل معاك لقاء ده مش معناه انه مش متواضع.
الراجل غالباً صحفيين وغير صحفيين كتير بيطلبوا منه حوارات.
سببه الغير مقنع للرفض ممكن يكون عشان هو ضاق به من كتر طلبات الحورات وببساطة مش عايز يعمل حوار معاك. اتضطر يقوللك حجة واهية لم تقنعق.

خلاص يا جماعة , انا مش هحكى تفاصيل و لا هقول وجهة نظرى الكاملة .

انا معجب اساسا بابو تريكة اكتر منكم و معجب بتدينه و برضائه لاهله و اخلاقه .

بس رجاء صغير , مش معنى انكم معجبين بشخص يبقي ( من اولياء الله الصالحين ) و تبقوا مستعدين تحلفوا على كده كمان .

بلاش الدفاع المستميت ده .

[Haitham10]

ياجماعه احنا لسه هنعيد ونزيد في واحد ملايين بتحبه كشخص او كلاعب واحنا يعني الي هنحكم ونخليه يعتزل مثلا ولا يهاجر ما اللي يكرهه يكرهه بس بعيد عننا مش لازم يخنق علينا في وسط حاجه مفرحة.
دة لاعب لو تشوفوا بره بيقولوا عليه ايه والكلام دة من سنين ودي حاجة تفرح لما تلاقي جماهير نوادي كبيره عارفاه وبتتمناه وعارفه كمان حبه لناديه وانه مش من السهل يسيبه اظن كدة سبب بسيط اوي يخليك تفتخر بيه احسن بكتير من ناس تانيه فضحانا بره ولا اخلاق ولا عقلية.
والي بيفهم في الكورة هيحبه غصب عنه والي مبيفهمش ميعملش نفسه محلل او قاضي او فيلسوف وفاهم احسن من كل الناس مصريين واجانب وعرب اجتمعوا علي موهبته واطلقوا عليه اسم زيدان العرب كفايه حقد علي نفسنا
ومش عيب اننا نفرح بواحد زي ابو تريكة والعيب الي انا شايفه اساسا في الموضوع دة بدل مانفرح نحرق في دمنا

(ملحوظة : الكلام علي لاعب كرة قدم وان احنا بنحبه للعبه اولا واهدافه القاتلة والحاسمه ثانيا واخلاقه كلاعب كرة قدم في وسط مهازل كروية ثالثا ً .. ياريت محدش ياخد الكلام علي فكر غير كده لاننا مش هنناسبه ولا من بقية عيلته)

[Terrible_DaRsH]

وببساطة مش عايز يعمل حوار معاك. اتضطر يقوللك حجة واهية لم تقنعق.

تصدق ماخدتش بالى من الجملة دى !!

ههههه انت فاكر انه مرداش يتكلم معايا , على فكرة يا فندم انا التقيت بابو تريكة لمده ساعة الا ربع و لكن الحوار اللى كنت عايز اعمله معاه حاجة تانية خالــــــص .

و متصور معاه 50 صورة كمان فى النادى .

يا ريت تكون فهمت انا بتكلم فى ايه .

[Haitham10]

حصل خير يا مصطفي اعتقد دة اسمك وانا اسف لكل الناس فالموضوع وياريت كفايه

[M.almaghraby]

بمعنى كل شوية عايز يقع و يأخذ ضربة جزاء ..

;كل فولاتو تمثيل أساساً ...........

[SeiffoZ]

يا جماعة هو إحنا ليه عندنا جلد الذات و عدم الرغبة في الفرحة دي و التقليل من كل إنجاز !


بالضبط يا علا .. حتي الناس برة إبتدت تتابعه و تحبه .. !



لنفرض حضرتك إن ده صح .. هل دي تبقي غلطته ولا غلطة الصحافة ؟ تاني حاجة من حقه كل تمجيد .. شوف إنجازاته إيه مع الأهلي و المنتخب .. شوف كام مرة كان سبب الفوز للأهلي ببطولة أبطال أفريقيا و أبرزهم الجول الحاسم في الصفاقسي .. جون الفوز للمنتخب في نهائي بطولتي أفريقيا 2006 و 2008 .. دائماَ هو العمود الفقري للفريق اللي بيلعب فيه و لمساته سحرية .. لاعب زي ده مش من حقه كلمتين حلوين ؟! معملوش كدة لرونالدو لأنه مش مصري .. و لو حضرتك شفت بيعملوا إيه لرونالدو في البرازيل هتعرف إننا مبنعملش حاجة .. الناس برة بتعمل للعيبة تماثيل و ترسم صورها علي دراعاتها بالوشم ! و مارادونا كان فيه إتجاه في الأرجنتين إنهم يحجبوا رقم 10 من الفريق عشان محدش يستحق يلبسه بعده ! رغم إنه بتاع مخدرات و فضايحه لا تقل عن إنجازاته و موهبته .. يبقي الموضوع ملوش علاقة إن المصريين بتوع مظاهر و يحبوا يعملوا من الحبة قبة .. و أكيد أبو تريكة مش بيروح لكل صحفي يحطله عشرين جنيه في إيده زي ما بنعمل ما أمناء الشرطة !

الناس دلوقت من البرازيل و أمريكا و كندا و ألمانيا و إنجلترا بتقول إن فيه لاعب من صفوة لاعبي العالم بيلعب في منتخب مصر .. و إحنا نيجي نقول و الله ده لاعب معموله بروباجندا و ممثل و علي إيه كل ده يعني .. يبقي المصريين مش بيحبوا المظاهر و يعملوا من الحبة قبة .. لأ ده يبقي المصريين بيحبوا جلد الذات و التقليل من نفسهم و فقدوا الإيمان بإن فيه أي شئ حلو ممكن يطلع من البلد دي! فا منتعبش نفسنا و نشوف العالم بيقول إيه عن الراجل ده و نهدي شوية بقي من الكلام عنه هو كان عمل إيه يعني !

حضرتك أكيد أعلم منى فى نقطة رونالدو . و اللى بيعملوه برا للعيبة الكورة ...

بس إحنا الإسلوب ده ماينفعش معانا ...

يعنى حضرتك لو لاحظت برا لو فى لاعب مغرور زى بتاع البرتغال كريستيانو رونالدو ده أنا بشوف فى الجرائد كلام

كتير عنه و عن غروروه و قلة أدبه ... لكن لما بيلعب الجد جد ...

إحنا كمصريين مش بنتحرك إلا وقت الزنقة ... بعنى كل ما عظمنا فى لاعب بإسلوب القديسين بيبدأ مسلسل

الغرور و الدلع الا إرادى .. .. و ده لو لاحظته إنى أسمع المنتخب يكسب بطولة مثلا و يخسر بعدها من أقل الفرق ..

و هى مش غلطته .. و الحمد لله إنك فهمتنى إن دى غلطة الصحافة .. لأن أنا مش بتكلم على أبو تريكه نفسه.

فإحنا الإسلوب بتاع برا ده لسه بدرى عليه جدا .. فلما نتعامل مع اللاعبين بتعظيم زائد و تشكير كأنه مالوش

عيوب هيأثر بالسلب ... لسه محتاجين صرامة جامدة لحد إسلوب العمل الجاد ده ما يكون هو الطبيعى ...

قول مثلا 30 أو 60 سنة!

[maka]

١


أما عن سؤال حضرتك فأنا مش بستريحلو خالص ، و بحس إنو اونطجي جداً

:zb_sor1[1]:

انا واحد زميلى بلديات ابو تريكة . اولا انا مليش فى الكورة بس حبيت ابوتريكة من حلوة حكاوى زميلى عن ادبه واخلاقه و تربيته الصالحة

[Abo_Lina]

لو خدت ٥٠ أمم أفريقية لن تعادل ٩٠ دقيقة أمام البرازيل من حيث الاهتمام الاعلامي العالمي..
الماتش ده وضع الكرة المصرية تحت الانظار و نقلنا كمنتخب للامام خطوات كتيرة

[aliabutaleb]

من غير تحليلات و فلفسات كتيرة.. الراجل ده الناس بتحببببببببببببببه.. و بس

بالظبط كدة يا علا
يعني انا مش باتفق مع بعض تصرفاته
وخصوصاً ما يخص التمثيل على الحكام
ومش عاجبني استغلال الإعلام لتصرفاته ومحاولة إظهاره بمظهر القديس
وده شئ هو ملوش ذنب فيه. ده شئ يسأل فيه الإعلام اللي معظمه غير نزيه
ولكن
انا برضة من أشد المعجبين بيه
وشايفه فعلاً مثال حي لما يجب أن يكون عليه الرياضي

[أبو كنوز]

أنا ماليش فى الكورة و مش بحبها أصلا و لا بتفرج عليها ...

لكن إللى سمعتوا و شفته من و عن أبو تريكة مش عاجبنى ...

أولا الصحافة و الناس بيعاملوه كقديس .. يعنى كلام المذيعين (من مش نفسه أبو تريكة يبقى أبوه أو أخوه) .. إيييه

يعنى ما عملوش كده فى رونالدوا ... الرجل مش نبى عاشن يمجدوه .. ده مجرد لاعب كره قدم بيلعب كويس و أخلاقه

حلوة ... مش أكتر .... لييه بقى التمجيد الزيادة ده ... ده هيأثر عليه داخليا هتقولى متواضع هقولك لأ بردوا هيبدأ فى

الغرور ...

ثانيا المصريين لما حد يعمل حاجة صغيرة يعظموه و يرفعوا بيه السما ... بحسهم بيحبوا المظاهر و خلاص ...

أبو تريكه بردوا الكلام إللى صدر عنه و شفته إنه بقى بيستهبل كتير .. بمعنى كل شوية عايز يقع و يأخذ ضربة جزاء ..

فين بقى التدين و هو أصلا عايز يأخذ أكتر من حقه؟؟؟

اللاعب كويس و محترم .... لكن هو مش قديس و ما تدوهوش أكبر من حجمة ... يا جدعان دا إحنا مسلمين يعنى

بنغظم الخالق بس ...

زى بردوا التعامل مع واحد فى بالى بس مش هتكلم عشان عايز أبات فى بيتنا إنهارده :zb_sor1[1]:

بس ده رأيى كله ...

و محدش يقوللى إنت متحامل عشان حد, أقولكم أنا بكره الكورة أصلا ....

+111111111111111111111111111111111111

[zaman288]

مجرد دراي

انا شايف ان شعبيه ابو تريكه الكبيره ديه لان اقل لاعب ميجيش بنص امكانياته ونص اخلاقه يعني لو حاولت تقارن بين لاعيبه هتلاقي لاعيبه قريبه من بعض في المستوي لكن ابو تريكه مينفعش يتقارن بحد في مصر عالاقل وانا نفسي لو جتله فرصه احتراف يخوض التجربه وكلنا معاه

[CryptonX]

عايز اقول حاجة ذكرتها في موضوع ماتش مصر و البرازيل !

الراجل ده انا شفته و المنتخب كله قبل ماتش الجزائر في فندق ترايمف في مصر الجديدة ..

وبينما المنتخب كله كانوا عاملين هوجاء و دوشة و هيصة و زمبليطة في كل مكان يمشوا فيه ..

ده كان قاعد في كرسي علي جنب مطلع مصحف من ايده و قاعد يقرأ فيه .. و بعدين قام علشان يطلع غرفته . .استغلتها فرصة و رحتله سلمت عليه . سلم عليا بذهول شديد !

قلتله معلش ممكن اخد صورة ؟ :)
ابتسم و قالي يبقى انا ليا الشرف !
واديت موبايلي لخطيبتي و اتصورنا ..

انا مش بدافع عنه و لا حاجة انا بس بذكر الناس انه بشر مثل اي حد يعني .. و انسان محترم .. تمجيد بقى مش تمجيد و الله مش هو الي مجد نفسه ! هو بيعمل الي عليه .و زيادة !