توقيعك ايه ... و ليه ؟؟

[Lion_Heart]

توقيعى : اللهم اجعل قلوبنا عامرة بالإيمان
ليه : انا متأكد ان لو الناس فى قلوبها ايمان الدنيا كلها هتبقى احسن ... فــــ...بأدعى انا الناس كلها قلبها يكون عامر بالايمان .

ملحوظة : ياريت نكتب التوقيع لأن ممكن بعد فترة نغيره و ميظهرش فى المشاركة بعد كده ..

[hesham_tawfiq]

انا توقيعى بيعبر عنى فى كل حياتى المهنيه
يقول ابراهام لينكولن" انا امشى ببطء ولكن لم يحدث ابدا ان مشيت خطوه واحده للوراء"
بكره مووووووووووت حاجه اسمها فهلوه وبرشطه

[أبو إياد]

توقيعى هو عنوانى
وتوقيعى هو السويفت قبل الحادث وبعدها وده اول عمل يقوم بيه مركز الصيانه بتاعى والحمد لله

[jisso82]

أنا بقى لسه ماحطيتش توقيع خالص مستنى لما استلم العربية الجديدة و هى إن شاء الله هتكون توقيعى بس لسه مش عارف هكتب جنبها إيه

[aboelnagah]

انا توقيعى عبارة عن حملة نفسى اعملها واسمها ابدا بنفسك

بس انا بظبط ليها وباذن الله هيكون المنتدى ده هو الاساس للحملة دى وهى حملة جميلة جداااا وبعيدا كل البعد عن السياسة ولا تمس الاديان وهدفها جميلة واسمها هو هدفها


وانا هعلن عن اهدافها ربنا يسهل فى اى مقابلة للمنتدى

[nabaster]

توقيعي بحاول اوصل فيه رساله دايما او معلومه عامه

توقيعي هو :

حجاب يصون ... أو ... تنهشك عيون

لا اله الا انت سبحانك اني كنت من الظالمين

[Lion_Heart]

انا توقيعى عبارة عن حملة نفسى اعملها واسمها ابدا بنفسك

بس انا بظبط ليها وباذن الله هيكون المنتدى ده هو الاساس للحملة دى وهى حملة جميلة جداااا وبعيدا كل البعد عن السياسة ولا تمس الاديان وهدفها جميلة واسمها هو هدفها


وانا هعلن عن اهدافها ربنا يسهل فى اى مقابلة للمنتدى

دى جديدة و لا قائمة بالفعل , انا تقريبا سمعت الاسم ده قبل كده و لا تشابه وتقارب اسماء ؟؟!!شكله زهايمر تانى .

[maka]

انا من محبى التغيير وكل شوية بغيير التوقيع بس فى المجمل بيبقى صورة عجبانى وذكر لله

( تسبيح او ايه) علشان اخد ثواب كل ما اقرها او غيرى يقرها

[Fouad Ezz]

نفسي مصر تتقدم وتبقي زي مصر سنة 1950

دة توقيعى لإن المقارنة واضحة في كل جوانب حياتنا ...
وقتها كان الراجل راجل والست ست
دلوقتي ماتفرقش (الواد) عن (البنت)
كانت المدينة مدينة و الريف ريف
دلوقتي بنعاني عشان نعمل الرغيف
زمان كان البيه (بك) والموظف (أفندي)
والفلاح (فلاح) والعامل (عامل)
.......... والأن إختلط الحابل بالنابل