الوجة الحقيقى للمنافق اوباما

[ehabbasha30]

﴿وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللّهِ هُوَ الْهُدَى وَلَئِنِ اتَّبَعْتَ أَهْوَاءهُم بَعْدَ الَّذِي جَاءكَ مِنَ الْعِلْمِ مَا لَكَ مِنَ اللّهِ مِن وَلِيٍّ وَلاَ نَصِيرٍ﴾ البقرة

يتضح من خلال الفيديو السياسة الأمريكية التي لن تتغير


.. ولعب أوباما على الحبلين

http://www.youtube.com/watch?v=Mxc_qYabMuk

[M.almaghraby]

he must have said that

he is american :D

[asbeats]

بص هو نفاق الناس دي حاجة بديهية ولازم الخطاب اللي بيقوله يكون مؤثر في المكان اللي هو بيتكلم فيه

بمعنى انك لو حللت الخطاب ده والخطاب اللي قاله في القاهرة مش هتلاقى اختلافات كبيرة,الحكاية كلها انه بيركز على النقط اللي تهم الناس اللي بيسمعوا خطابه وقتها.

على سبيل المثال لما اتكلم هنا في مصر عن الصراع العربي الاسرائيلي,اتكلم كلام عايم مايتمسكش بالإيد مالوش اول ولا آخر عن حق الفلسطينيين في انهم يعيشوا في امان وسلام,وفكرة الدولتين "فلسطين واسرائيل" ان كل واحدة منهم تبقى دولة مستقلة بحدودها,موضحش هنا في مصر القدس هتبقى تبع مين.

اللي حصل ان شعب مصر العاطفي والشعوب العربية بصفة عامة فضلت تسقف كل خمس دقايق زي ما يكونوا بيسمعوا عبد الحليم حافظ ونسيوا اهم نقطة ان الأرض اللي هتتقسم على دولتين دي اصلا ارض فلسطين ومش من حق اي حد-حتى لو شاري الأرض من اهلها بيع وشراء زي ما بيقولوا-انه يلغي هوية البلد الأصلية من الأرض

ولأسف احنا بكل سذاجة سقفنا وامنا على كلمة بتتقال بكل سذاجة.

يعنى الواحد بيشوف كده بعين الخيال المصانع والأراضي والبيوت اللي عمالين يبيعوها للأجانب هنا في مصر بيقام عليها دولات صغيرة,ومع الوقت تكبر ونلاقى نفسنا عايشين أغراب في بلدنا,و الأجانب دول طبعا معاهم ما يثبت اننا بعنالهم.

وحتى حماس اتكلم برضه عن اهمية تأمين المعيشة لقلسطينيين والإسرائيليين وده مالوش غير معنى واحد-القضاء على حماس وسحب الأسلحة من الفلسطينيين وغيرهم من مقاومي المحتلين.

والكلام عن محاربة انظمة الحكم القمعية الإستبدادية زي ما العراق زمان

يا جماعة دي خطط موضوعة من عقود ولو اللي حكم امريكا كان مفتي الديار او شيخ الأزهر هينفذها غصب عن عينه

انا لو حبيت اموت واحد ممكن اشربه السم وهو عارف انه سم
وممكن احطله السم في كوب عصير ولا قطعة شيكولاته
بس في الآخر ميت ميت


متأسف على الإطالة...

[M.almaghraby]

بص هو نفاق الناس دي حاجة بديهية ولازم الخطاب اللي بيقوله يكون مؤثر في المكان اللي هو بيتكلم فيه

بمعنى انك لو حللت الخطاب ده والخطاب اللي قاله في القاهرة مش هتلاقى اختلافات كبيرة,الحكاية كلها انه بيركز على النقط اللي تهم الناس اللي بيسمعوا خطابه وقتها.

على سبيل المثال لما اتكلم هنا في مصر عن الصراع العربي الاسرائيلي,اتكلم كلام عايم مايتمسكش بالإيد مالوش اول ولا آخر عن حق الفلسطينيين في انهم يعيشوا في امان وسلام,وفكرة الدولتين "فلسطين واسرائيل" ان كل واحدة منهم تبقى دولة مستقلة بحدودها,موضحش هنا في مصر القدس هتبقى تبع مين.

اللي حصل ان شعب مصر العاطفي والشعوب العربية بصفة عامة فضلت تسقف كل خمس دقايق زي ما يكونوا بيسمعوا عبد الحليم حافظ ونسيوا اهم نقطة ان الأرض اللي هتتقسم على دولتين دي اصلا ارض فلسطين ومش من حق اي حد-حتى لو شاري الأرض من اهلها بيع وشراء زي ما بيقولوا-انه يلغي هوية البلد الأصلية من الأرض

ولأسف احنا بكل سذاجة سقفنا وامنا على كلمة بتتقال بكل سذاجة.

يعنى الواحد بيشوف كده بعين الخيال المصانع والأراضي والبيوت اللي عمالين يبيعوها للأجانب هنا في مصر بيقام عليها دولات صغيرة,ومع الوقت تكبر ونلاقى نفسنا عايشين أغراب في بلدنا,و الأجانب دول طبعا معاهم ما يثبت اننا بعنالهم.

وحتى حماس اتكلم برضه عن اهمية تأمين المعيشة لقلسطينيين والإسرائيليين وده مالوش غير معنى واحد-القضاء على حماس وسحب الأسلحة من الفلسطينيين وغيرهم من مقاومي المحتلين.

والكلام عن محاربة انظمة الحكم القمعية الإستبدادية زي ما العراق زمان

يا جماعة دي خطط موضوعة من عقود ولو اللي حكم امريكا كان مفتي الديار او شيخ الأزهر هينفذها غصب عن عينه

انا لو حبيت اموت واحد ممكن اشربه السم وهو عارف انه سم
وممكن احطله السم في كوب عصير ولا قطعة شيكولاته
بس في الآخر ميت ميت


متأسف على الإطالة...

بجد بحييك جداً يا باشا على طريقة تفكيرك الجميلة جداً

بجد ١٠٠٠٪ صح الكلام دا masha2allah

[M.Mostafa80]

العبره بالنهايه ودى شئ طبيعى أمريكا ليها سياسه ونظام محطوط من زمان وكل واحد بيجى بيمشى عليه مع شويه أنحرفات لكن الأساس موجود ومن يوم ما وعيت على الدنيا وأمريكا ماشيه بنفس النظام فا أيه الجديد مفيش جديد هى محولات تهدئه وتثبيت فقط لا غير وأحنا أجدع شعب يصفق أثناء الخطب الرنانه ( وربنا يسترها معانا وعلينا )

[mahmoud_magdy]

بعيدا عن الخطاب اللي مش مصدقه علشان مش متأكد من ترجمته او اذا كان فوتو شوب او خلافه
طبيعي جدا ان اوباما يكون مع اسرائيل ويساندها ويدعمها بكل ما اوتي من قوه زيو زي اي رئيس امريكي سابق بس هو بيحاول يجمل الصوره شويه ويقول انو احسن من اللي فاتوا
والايام هتثبت الكلام ده
وماخفي كان اعظم

[ehabbasha30]

...

10/10

بعيدا عن الخطاب اللي مش مصدقه علشان مش متأكد من ترجمته او اذا كان فوتو شوب او خلافه
طبيعي جدا ان اوباما يكون مع اسرائيل ويساندها ويدعمها بكل ما اوتي من قوه زيو زي اي رئيس امريكي سابق بس هو بيحاول يجمل الصوره شويه ويقول انو احسن من اللي فاتوا
والايام هتثبت الكلام ده
وماخفي كان اعظم

انا برضو شكيت فى الفيديو فى الاول حسيت انة متفبرك
بس لما كملتة لقيتة طبيعى جدا جدا وحقيقى ... وعادى جدا انة يقول الكلام دة مش جديد عليهم
يعنى انا مش مترجم بس عندى لغة مش بطالة وكتير من اللى مكتوب فى الترجمة اتقال فعلا ( اللى لحقت افهمة واترجمة لنفسى يعنى)

[Hegazio]

يا جماعة ما تعتبرونيش انهزامي ولا حاجة .. بس قيام دولة فلسطينية علي جزء من أرضها المغصوبة ده أفضل شيء ممكن نصل إليه بالمفاوضات .. غير كده . هي الحرب
و حلو قوي الحل ده في الوقت الحالي . الناس هناك و حتي هنا تشم نفسها شوية و يرجعو يشدو حيلهم تاني . و بعدين نبقي نحاربهم .. و حنحاربهم و حيساعدنا الشجر و الحجر بإذن الله .. بس مش النهاردة !

[ehabbasha30]

يا جماعة ما تعتبرونيش انهزامي ولا حاجة .. بس قيام دولة فلسطينية علي جزء من أرضها المغصوبة ده أفضل شيء ممكن نصل إليه بالمفاوضات .. غير كده . هي الحرب
و حلو قوي الحل ده في الوقت الحالي . الناس هناك و حتي هنا تشم نفسها شوية و يرجعو يشدو حيلهم تاني . و بعدين نبقي نحاربهم ..!

تفتكر ان الحل دة هيرضى اسرائيل
اشـــــــــــك
دول بيخططوا لدخول مصر لتحقيق مبدأهم ... ان ارضهم من النيل للفرات
مستحيل يوافقوا على ان فلسطين تشاركهم الارض (من وجهة نظرهم طبعا)
وهم عارفين اية اللى بيستفز العرب وبيعملوة عشان نغلط ونكون احنا الغلطانين امام العالم وهم المظلومين ولهم حقوق ضايعة ........... سياسة يهود

[abzoabzo]

يا جماعو احنا مش فالحين اللى فى التصقيف

[Fouad Ezz]

هو ده الطبيعى
المشكلة إن إحنا متصوريين ان الناس دى ممكن في يوم من الأيام تتعاطف معانل لدرجة إنه تحل لينا مشاكلنا وإحنا قاعدين مسترييحين .....

بنظرة موضوعية مقارنة ,,,,,,
إسرائيل (( إللي هي الحليف الإستراتيجى للولايات المتحدة))) مش مستنية حد يحللها مشاكلها ... عمالة تفرض حلول علي أرض الواقع ومين بيساعدها ؟؟ (هي) بتساعد نفسها تقدم تعليمى وعلمي وتكنولوجي وحربي ,,,, وحتى مع الإتفاق مع أراء بعض الناس إن كل ده مساعادات خارجية ... بس برضوا هما بيتقدموا

[Drift_Lover]

الخطاب مش متفبرك ولا حاجه... احنا اللي للأسف هل خداعنا.
وفي موضوع سابق كان تقريبآ بعنوان تحية لأوباما.
ذكرت كلام الله في الآيه الكريمه.
﴿وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللّهِ هُوَ الْهُدَى وَلَئِنِ اتَّبَعْتَ أَهْوَاءهُم بَعْدَ الَّذِي جَاءكَ مِنَ الْعِلْمِ مَا لَكَ مِنَ اللّهِ مِن وَلِيٍّ وَلاَ نَصِيرٍ﴾
ولم أصدق كلام اوباما. وليس تشكيكآ في مصداقيته في فن الخطابه بقدر ماهو أيمانآ بكلام الله.
﴿وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللّهِ هُوَ الْهُدَى وَلَئِنِ اتَّبَعْتَ أَهْوَاءهُم بَعْدَ الَّذِي جَاءكَ مِنَ الْعِلْمِ مَا لَكَ مِنَ اللّهِ مِن وَلِيٍّ وَلاَ نَصِيرٍ﴾

انا دلوقتي أيقنت ان الامريكان فعلا اختاروا من يرأسهم إختيار أكثر من موفق...
وعرفت كيف وصل أوباما للسلطه في أمريكا.

ودعونا لا ننسي من هو المنافق.
إذا حدث كذب
وإذا وعد أخلف.
وإذا إؤتمن خـــــــــــــان.

كــــــــذاب - لا عهد له - خــــــــــائن

[Lion_Heart]

الاهداف السياسية و الاسترتيجية ثابته و لكن باختلاف الوجوه و طرق الحديث و اسلوب التنفيذ و ساعته , فهناك متحدث يحدثك بحلو الحديث و الينه و هو يخفى بين طيات ملابسه خنجر مسموم بسم مدقع مستعد لغرسه فى قلبك فى اى لحظة و اولئك هم شر الناس و امكرهم , مش زى العبيط بوش اللى كشف كل اوراقة و فضح نفسه على طول الخط .

[الطنطاوي]

عادي جدًا

الرجل بيطبق مبدأ ما يطلبه المستعمون

واحنا صقفنا له علشان قال لنا اللي احنا طلبناه

هو شايف إن الخطابات أرخص بكتير من الحروب وهاتحقق نفس الهدف

ياليت قومي يعلمون

[ehabbasha30]

ان كنت لا تعلم فتلك مصيبة ... وان كنت تعلم فالمصيبة اعظم


واضح جدا ان مصيبتنا هى الاعظم ... لاننا كلنا عارفينهم ونواياهم واسلوبهم ومع ذلك صدقنا وصفقنا وهللنا
زى ما نكون عاوزين نقنع نفسنا بالعافية ان الناس دول بيحبونا

يارب لا نلدغ من نفس الجحر للمرة الاربعين