موضوع شدنى إنهاردة ..

[SeiffoZ]

لسه كنت بتفرج على فيلم Steel على Mbc2 ..

المهم شدنى موضوع جامد جدا فى الفيلم ده ..

الفيلم ه بيحكى عن أربعة أصحاب قرروا يسرقوا بنوك ..

المهم قدروا يسرقوا بإسلوب أكشن و من غير ما يصيبوا أو يقتلوا حد ..

طبعا وقعوا فى شوية مشاكل و قدروا يخدعوا الكل عشان يوصلوا مبتغاهم ..

و فى الأخر هربوا بالفلوس فى طائرة خاصة بعد ما ضحكوا على الشرطة و لبسوا الجريمة فى ضابط شرطة فاسد و

شوية مجرمين , و عاشوا عيشة الملوك فى ريو فى البرازيل .

اللى جذبنى فى الفيلم ده إنى بقيت إستغرب ليه الناس دى فى الأفلام بتمجد السرقة!!

يعنى مطلعنها على إنها شطارة و ذكاء و هم العيال الجامدة جدا ...

بالضبط زى أفلام كتير ...

زى Ocean's Eleven و سلسلته ...

و أفلام تانية بتمجد القتل و إنك تكون مخلص و معندكش رحمة ...

و الألعاب إللى بتمجد القتل و السرقة زى Hit man و GTA ...

ليه كده؟؟!!

هو ده إللى نفسهم يربوا جيلهم عليه ؟؟؟ ده بيفسر بردوا سياسة الإستعمار و إنهم يأخدوا حاجة مش بتاعتهم ..

على الرغم من وجود قوانين ... من وجود مدارس تحرص على تقوييم السلوك ...

و مع ذلك بردوا ... لو لاحظنا إن لو طلعوا عيال سرقوا حاجة فى فيلم يطلعوها عادى و كأن هو ده الطبيعى ...

فين بقى التقدم و الحضارة ...

الواحد إتلخبط ... ماباقاش عارف إيه صح و إيه غلط ...

و إزاى و إزاى ...

ربنا يتولانا برحمته !

كل مكان فى الأرض مش مظبوط ...

مافيش حته فى الكرة الأرضية سليمة ...

كل حتة بايظة ... رغم وجود الإسلام إللى لو مشينا بيه صح هنكون

الأحسن فى كل حاجة ...

شكل كده يوم القيامة قرب ...

أنا بس حبيت أقول وجهه نظرى لأن الموضوع ده ممكن يشد حد

بيحب يتفرج على الأفلام دى و بيتأثر بيها ...

رغم إن الواحد بيتفرج عليها من أجل التسلية فقط ...

و شكرا ليكو على حسن إستماعكم لنا على أن نتلتقى معكم مرة أخرى

[hossam_elwani]

عندك حق حاجة تلخبط بس عايز اقولك حاجة احنا عارفين ان الغرب مهتم جدا بالتقدم العلمى واى حضارة تهتم بالتقدم العلمى دون تنمية المبادىء والاخلاق الطيبة تهوى الى القاع وده المتوقع حدوثه لامريكا فى المستقبل القريب

[نور القمر]

والاغرب ان نوعية الافلام دي متقنة جدا ومؤثرة في المُشاهد لدرجة انك بتتفرج على الفيلم وبتتمنى نجاح الابطال في هدفهم سواء سرقة او غيره

[أحمد كمال]

والاغرب ان نوعية الافلام دي متقنة جدا ومؤثرة في المُشاهد لدرجة انك بتتفرج على الفيلم وبتتمنى نجاح الابطال في هدفهم سواء سرقة او غيره

و طبعا بيخليكي تتعاطفي مع الحرامي و تكرهي البوليس


و يبقى الحرامي دمه خفيف و ظريف

و البوليس رخم و دمه تقيل :(

[mahmoud_magdy]

حضرتك اتكلمت عن نقطه في بحر
في أغلب الافلام الامريكيه ان مكانش كلها لو اخدت بالك هتلاحظ انهم بيمجدو في نفسهم ( امريكان ) وتلاحظ انهم بيطلعوا ابطال وينقذوا العالم ويحمي الناس ..........الخ
في سبيل لما تلاقيهم بيتكلموا عن الاسلام مثلا بيطلعوا واحد لابس لبس عربي ( أصيل ) العباءه والعمه وراكب حصان او جمل وبيتكلم بطريقه غبيه كأنو وحش مثلا وبيطلعوا شكلو وحش واخلاقو وحشه
عكس الحقيقه تماما !!!!

[ابو حسين]

مشكوووووور

[Terrible_DaRsH]

ما هو لازم يكون حاجة بتشد غريزة فى البنى ادم .

يا فيلم رومانسي و يقلب باستهبال فى الاخر و كله بيتفرج علشان الاستهبال .

يا فيلم اكشن يطلع غريزة السيطرة على العالم و اثبات الذات .

يا فيلم دراما يحسس الواحد انه احسن واحد فى الدنيا كلهـــــا .

يا فيلم سباقات للمثلين من كوكب اخر .

يا كدا يا اما الناس مش هتتفرج على افلام و هتصاب بالممل :(

ده انا حتى بفكر اعمل فيلم يا راجل :)

[Ashraf_Ashraf]

على فكره على بابا كان برضوا حرامى ومع ذلك الناس مجدتوه واعتبره انسان كويس لانه مااخدش كل اللى فى المغاره
دا فكر الناس او ازدواجيه المعايير

[Imhotep]

زمان كان الخير لابد ان ينتصر فى النهاية....... وان ال bad guy اى الشرير لازم يتمسك مهما كان شاطر...... لكن يبدو انه الان الاتجاه الى ان ينتصر الشر و يهرب الشرير بالنقود..... ولكن نقطة مكملة للموضوع..... هى انه حينما يمس الموضوع الصراع بين رجل الشرطة النزيه- الذى يمثل القانون- و اللص فغالبا ما ينتصر رجل الشرطة..... مثل الفيلم الرائع Heat للعظيمين دى نيرو و ال باتشينو......
رجل الشرطة فى هذه الحالة رمز ينبغى الحفاظ عليه لانه يرمز للقانون الذى يهم الجميع ان يستمر يسود على الكل......

[Ahmed Samy]

العن من كده بقى ......

كان في فيلم فيه الأمريكان في العراق و كان فيه مشهد عن معركة بين الأمريكان (ابطال الفيلم) و العراقيين

و الفيلم شغال كان ابن اختي بيتفرج (10 سنين)

و وهو مندمج جدا

الاقيته بيقول لما الأمريكان يقتلو عراقي : أحسن , إديلو كمان

و لما يلاقي عراقي هايقتل امريكي ..يقول ..حاسب حاسب ..وراك


اتضايقت جدا

و مسكت الواد بعد الفيلم

و فتحتله فيديوهات مسجلها عندي عن غزة و ابوغريب و عمايل الأمريكان و البريطانيين في البصرة

لحد ما شيلت غسيل المخ من دماغه

..............
الأفلام دي سلاح فتاك

[SeiffoZ]

شكرا لتعليقاتكم كلكم ...

بس العالم بقى مايجيش يزعل لما الواحد يتأثر بالأفلام دى و ينفذها فى الحقيقة ..

خصوصا إنهم بيزينوا الموضوع قوى عشان تحسه حلو و شطارة و فى الأخر هتبقى الجامد و تأخذ أحسن بنت و كمان تروح تشترى Ferrari !!!

[Abo_Lina]

Steal or $teal
not steel