اسبانيا بتلعب بالعراق .

[Terrible_DaRsH]

اسبانــيا تلعب بالعراق فى ارض الملعب ..

44 دقيقة اسبانيا تهاجم و العراق تدافع و مشفتش لهم هجمة وحيدة حتى .

والله منتخبنا شرفنا فعلا . اكيد بعد الماتش ده هيعرفوا مين هو منتخب مصر , و ربنا يستر قدام ايطاليــــــــا لانى مش هتفرج على الماتش ده ( بلدى التانية ) :)

العراق ممكن تفجر مفاجاة ولا ايه ! و لا هتطلع بنقطة ثمينة و لا هتسلم !

برده دول عرب و نتمنى لهم الفوز .. تابعوا احداث المباراة .

[Terrible_DaRsH]

تابعوا المباراة على اللينك ده :-

http://www.livesporthd.com/tv3.html

[itsonlyme]

يا راجل، انت بتقارن بلد مستقرة زي مصر ببلد فيها فوضى تامة زي العراق.
كتر خيرهم انهم عندهم فريق كرة أساساً. ده غير انهم كسبوا بطولة آسيا!

ربنا يتوب على العراق من الفتن والاقتتال الطائفي والتفجيرات اليومية.
يا ريت يطلعوا بنقطة.

[Terrible_DaRsH]

للاسف يا فندم 1-0 لاسبانيا .

ان شاء الله نطلع تانى المجموعة و ناخد لهم حقهم من توريس الشرير و رفاقه . :)

[itsonlyme]

للاسف يا فندم 1-0 لاسبانيا .

ان شاء الله نطلع تانى المجموعة و ناخد لهم حقهم من توريس الشرير و رفاقه . :)

هههههههههههه.
ان شاء الله. بس نشوف هنعمل ايه مع الطلاينه الأول.

[Abo_Lina]

العراق ايه ده منتخب سيئ جدا
لعبو ماتش امام جنوب أفريقيا كان مهزلة بمعنى الكلمة..ماينفعش تنزل ماتش في بطولة زي دي و تدافع ٩٠ دقيقة..حتى لو خدت نقطة العالم مش هايحترم الكورة العقيمة..

على فكرة كل لاعبي المنتخب العراقي لا يلعبون في الدوري العراقي ..و يتمركزون في الدوري القطري أو الاماراتي..

[ams]

يا راجل، انت بتقارن بلد مستقرة زي مصر ببلد فيها فوضى تامة زي العراق.
كتر خيرهم انهم عندهم فريق كرة أساساً. ده غير انهم كسبوا بطولة آسيا!

ربنا يتوب على العراق من الفتن والاقتتال الطائفي والتفجيرات اليومية.
يا ريت يطلعوا بنقطة.

بس العراق خدت كاس اسيا و الحرب شغالة
غريبة قوى الحروب دى
بتصحى ناس و تموت ناس

[AshTurbo]

متفق معاكم تماماً أنه كان لعب عقيم وماتش عقيم 100% بس في نفس الوقت أسبانيا مصنف أول على العالم لما تجيب جول واحد في 90 دقيقة دة معناه أن الفرقة اللي قدامها أدت مجهود مش عادي بدليل أن لعيبة العراق جرت في الماتش دة أكتر من لعيبة أسبانيا على الرغم من طريقتهم الدفاعية واللعب على المرتدات وعلى الرغم من عدم أحرازهم لأهداف بس دفاعتهم قوية وتستحق الأحترام ومتنسوش أن الأهداف بتفرق في التأهل لنصف النهائي يعني ألاعب أسبانيا بطريقة هجومية هتكون النتيجة أن خط دفاعي هيبقى مكشوف والشباك بتاعتي هتتهلهل من كتر الأجوان.. في نظري المدرب حسبها صح ووظف اللاعبين حسب قدراتهم ورحم الله أمرء عرف قدر نفسة .

[Abo_Lina]

معاك حق في دي
دفاع العراق كلهم طوال القامة و لياقتهم ممتازة
دواليب

[AshTurbo]

الدفاع دة لو كان عندنا كانت النتيجة هتبقى 3-1 لصالحنا لأن البرازيل جابت 3 أهداف من ضربات ثابتة .

[Abo_Lina]

فعلا احنا مشكلتنا ثلاثي الدفاع ..و مشكلة صعبة بصراحة..
قدام البرازيل انت جايب ٣ اجوان ..لا يمكن تطلب من المهاجمين اكتر من كده..
كمان الحضري محتاج ينزل في الوزن
و اعتقد ان ليبي هايبدأ بكره ب لوكا توني لانه اكيد شاف الكرات العرضية بتسبب لينا ايه

[Busquets]

لو عندنا دفاع العراق

كان زمانا واخدين البطوله

مافيش عرضية وحده عملت شئ الا كورة

احتا 3 اهداف بنفس الشكل :)

ربنا يستر بكره

[Abo_Lina]

ده احنا لو في أسيا كنا رحنا كاس العالم ١٠ مرات على التوالي و ٥ مرات على التوازي..
السعودية كانت محتاجة تكسب كوريا الشمالية في السعودية علشان تتأهل مباشرة و فشلو ..و تأهلت الكوريتين..و السعودية هاتدخل ملحق..و إيران ودعت !

[Terrible_DaRsH]

بس يا ترى يا جماعة انتوا كنتوا بتفرقوا لاعبي الهجوم من الدفاع ازاى !!!

ده كان ناقص المدرب ينزل يدافع معاهم .

شوفوا مصر لما ادت البرازيل 3 و لعبت مباراة عالمية , جمهور جنوب افريقيا تحول من اللون الاصفر الى الاحمر و كلهم شجعوا مصر و افتخروا ان ده فريق افريقي .

[itsonlyme]

ده احنا لو في أسيا كنا رحنا كاس العالم ١٠ مرات على التوالي و ٥ مرات على التوازي..
السعودية كانت محتاجة تكسب كوريا الشمالية في السعودية علشان تتأهل مباشرة و فشلو ..و تأهلت الكوريتين..و السعودية هاتدخل ملحق..و إيران ودعت !

بسيطة، نطلب انضمامنا لاتحاد الكرة الآسيوي وخروجنا من اتحاد الكرة الأفريقي.
ما احنا الدولة الوحيدة الأفروآسيوية.