فسخ عقد فينجادا مع الاهلي!! ... مع الف سلامة

[Haitham10]

السلام عليكم ورحمة الله وبركاته

الحمدلله خبر يمكن يفرح كتير من الاهلاوية فينجادا باي باي

[gdwl]صدرت إدارة النادى بياناً يوضح فيه موقف البرتغالى فينجادا جاء نصه :

قررت إدارة النادى الأهلى بناءً على رغبة السيد / إدواردو فينجادا المدرب البرتغالى عدم استمراره فى توليه مهمة تدريب الفريق الأول لكرة القدم نظراً لظروف عائلية طارئة تمنعه من أداء عمله بالطريقة التى تحقق طموحات النادى الأهلى وجماهيره .

وإدارة النادى تعلن قبولها اعتذار السيد / فينجادا عن الاستمرار فى مهمته وتتوجه إليه بخالص التقدير للصعوبات التى تواجهه مع الدعوات له ولأسرته بالتوفيق .

وكان فينجادا قد أرسل خطاباً للكابتن حسن حمدى رئيس النادى ونصه كالتالى :

السيد / رئيس النادى الأهلى

نظراً للأهمية الكبيرة التى يحظى بها النادى الأهلى

نظراً لكل الاحترام الذى أكنه لهذا النادى الكبير

نظراً لأن الوظيفة هى أن أقوم بعمل كبير للنادى الأهلى ويجب أن أقدم هذا العمل مع تركيز تام .. الأيام الأخيرة كانت شديدة الصعوبة بالنسبة لى ولعائلتى ، لذلك نظراً لهذه الأمور الشخصية والمشاكل العائلية فلن أستطيع أن أطور وأعمل فى المستوى الذى يتطلبه النادى الأهلى .

أحتاج فى الفترات القادمة أن أقيم فى البرتغال بجوار عائلتى ، وهذا الأهم بالنسبة لى فبرجاء أطلب منكم بصداقة إلغاء الاتفاق الذى تم بيننا وبشكل متبادل .

أقدم كل إعتذاراتى بسبب المتاعب الناشئة عن هذه المسألة ، ولكنكم تستطيعون أن تقدروا وتفهموا مدى الصعوبة التى جعلتنى أطلب هذا الطلب .

أقدم إعتذارى أيضاً لمشجعى ومدعمى النادى الأهلى ، أتمنى وأنا متأكد أن النادى الأهلى سيجد خيار جيد لاستمرار طريق النجاح .


أتمنى لكم مستقبل عظيم


إدواردو فينجادا
[/gdwl]
والمصدر من موقع الاهلي الرسمي

ياريت آرائكم ايه ومين المدرب القادم والي يستحق تولي المهمة ؟

[jisso82]

مش عارف بس مفاجأة غير متوقعة يا رب بس ما نتدبسش فى حد أى كلام عشان التوقيت مع إنى نفسى فى مدرب هيخلى الناس كلها تشتمنى و تتخانق معايا من غير ما يفكروا بس أنا شايفه أحسن مدرب فى مصر دلوقتى و يستاهل يكون أول مدرب وطنى للأهلى بعد المئوية

[Tam]

بالنسبة لي كنت متوقع إن الموضوع دة مش هيتم..فينجادا للأهلي؟ما أظنش..
بس الجميل في الموضوع هي جملة عدم استمراره فى توليه مهمة تدريب الفريق الأول
هو كان بدأ يا عين أمه عشان يستمر؟

[bassem.naguib]

أنا شايف أن الأهلي يعتمد على أبنائه في المرحلة دي .. وأنا شايف أن أنسب واحد في الموقف ده هو فتحي مبروك .. والله مدرب قدير .. ومهدور حقة في الأهلي ومجهوده مش باين في قطاع الناشئين

[TaoTao]

مش عارف بس مفاجأة غير متوقعة يا رب بس ما نتدبسش فى حد أى كلام عشان التوقيت مع إنى نفسى فى مدرب هيخلى الناس كلها تشتمنى و تتخانق معايا من غير ما يفكروا بس أنا شايفه أحسن مدرب فى مصر دلوقتى و يستاهل يكون أول مدرب وطنى للأهلى بعد المئوية

مين؟ قوول وماحدش هايحدف طوب :)

[Haitham10]

مش قادر اوصفلكم سعادتي اصلا بالخبر دة لاني كنت مرعوب بقول هو الاهلي رايح علي فين ؟؟
عموما باين ان في ازمة مالية ملخبطة الدنيا شوية .. حد عنده فكره عن الانتخابات ؟ ومين يا جيسو المدرب مش هنحدفك بالطوب اوعي تقول ربيع ياسين ولا الجوهري هحدفك بإزازة

[bassem.naguib]

مش عارف بس مفاجأة غير متوقعة يا رب بس ما نتدبسش فى حد أى كلام عشان التوقيت مع إنى نفسى فى مدرب هيخلى الناس كلها تشتمنى و تتخانق معايا من غير ما يفكروا بس أنا شايفه أحسن مدرب فى مصر دلوقتى و يستاهل يكون أول مدرب وطنى للأهلى بعد المئوية

أوعى تقولي حسام حسن

[jisso82]

مين؟ قوول وماحدش هايحدف طوب :)

من غير ضرب
و لا عصيان

و لا كراسى

طارق العشرى و ما تقفلوش قبل ما أقول وجهة نظرى:

ما شاء الله مدرب عنده فكر بجد ما تحسش إنه كفتجى زى أغلب المدربين.
المدرب الوحيد اللى قدر يلعب ب 4 4 2 صريحة ولأ و كمان خد بيها أقوى دفاع.
صحيح عنده عناصر كويسة مساعداه بس كام واحد من الحرس فى المنتخب.
الماتشين بتوع إنبى بالذات من غير ما حد يتكلم على الجون اللى ماتحسبش فى الماتش بتاع ال 4/2 كانوا غاية فى الروعة إنبى العنيد بيتغلب رايح جاى و باسكور و الماتش الأول ما كنش له تواجد تماما و اتغلب 3/صفر مع إن أنور سلامة مدرب كويس برده.
ماتشاته السنة اللى فاتت و السنة دى إلى حد ما فى بطولة الكونفيدرالية بتقول إنه مدرب شجاع ما بقاش يهمه اللعب خارج الأرض زى جوزيه.
اللى تابع ماتشات حرس الحدود فى الدورى السنة دى كان هيشجع الحرس بعد الأهلى مباشرة لأن باستثناء سوء حظ و بعض الهفوات كان بيقدم أداء قوى جدا و بشكل جمالى و عمل اسم بجد.
حاسس إنه ممكن يعمل معجزة مع الأهلى و إسمه يخلد جنب المدربين العظام

[jisso82]

ده واضح كده إن اسم المدرب أفقدكم النطق أنا آسف عموما

[Tam]

بصراحة..أنا شايف إن عندك حق..الراجل جريء وفعلا مدرب كويس وخامة كويسة..غير إننا مش لازم يعني نجيب المدرب عنده 60 سنة عشان يبقى خبرة!
بس برضه نفسي أعرف..ليه مش حسام البدري؟؟

[M.almaghraby]

بصراحة..أنا شايف إن عندك حق..الراجل جريء وفعلا مدرب كويس وخامة كويسة..غير إننا مش لازم يعني نجيب المدرب عنده 60 سنة عشان يبقى خبرة!
بس برضه نفسي أعرف..ليه مش حسام البدري؟؟

في اتجاه فالاهلي انو يمسك علي فكرة

[hoky]

انا شايف ان احسن مدرب ممكن يجيي الاهلي الفترة دي هو فاروق جعفر ومعاة احمد رمزي

[Haitham10]

انا شايف ان احسن مدرب ممكن يجيي الاهلي الفترة دي هو فاروق جعفر ومعاة احمد رمزي

انت نسيت حمادة امام مدرب عام ؟
الي ملهمش فيها بيشجعوا مصر .. واحنا معاهم

ماعلينا

طارق العشري جرئ وله شخصيه بتظهر في الملعب وانا بحب الناس الجريئه الي زي كدة بصراحه وياتامر حسام البدري خبره كبيره بس مينفعش لوحده عشان اكيد هنزعل اوي منتا عارف الشعب لو اتغلب ماتشين ولا نتايج قلت هيتكل علي الله وساعتها يبقي لا طولناه مدرب عام ولا مدير فني ودة قصدي

[jisso82]

طارق العشري جرئ وله شخصيه بتظهر في الملعب وانا بحب الناس الجريئه الي زي كدة بصراحه وياتامر حسام البدري خبره كبيره بس مينفعش لوحده عشان اكيد هنزعل اوي منتا عارف الشعب لو اتغلب ماتشين ولا نتايج قلت هيتكل علي الله وساعتها يبقي لا طولناه مدرب عام ولا مدير فني ودة قصدي

+100000000000000000000
كلام مظبوط و خصوصا اللى علمت عليه بالأخضر أكبر مشكلة بتواجهنا فى مصر ثقافة التشجيع السيئة يعنى ماتش المدرب يبقى عبقرى زمانه و فى اللى بعده يبقى أسوأ مدرب جه مصر و مالوش فكر إطلاقا.
أنا و الله جوزيه كان صعبان عليا جدا لأن حتى أخطاؤه المتعمدة كانت مفروضة عليه عشان النتائج.
يعنى مثلا سياسة الدفع بالناشئين بشكل أكبر مش كانت هتتسبب فى خسارة لمدة موسم أو موسمين معظم أو يمكن كل الألقاب!! هل الناس كانت هتسامحه و تقوللوا خليك لما النتائج تتحسن طبعا لأ ده كان بمجرد إنه يخسر فى موسم واحد أكتر من بطولة كان هيمشى علطول و يجيبوا غيره و لما بيقارنوا بينه و بين حد زى السير أليكس فيرجسون رغم إنه برده ما بيعتمدش على ناشىء مانشستر إنما الرجل بقاله 20 سنة مدرب معدل بطولاته مع مانشيستر أقل بكتير من جوزيه ده كان بيقعد بالأربع مواسم ما يجيبش بطولة واحدة و حتى المثال اللى موجود دلوقتى فى الأرسنال فينجر بقاله موسمين و يمكن تلاتة كمان ما جبش بطولة واحدة عشان بيعمل إحلال و تجديد فى الفريق. يبقى المشكلة مش فى سياسة جوزيه المشكلة الحقيقية فى ضعف ثقافتنا احنا فى التشجيع و فى تقييم المدرب لو قدرنا نبقى زى الناس دى و نصبر عشان المستقبل مستحملين إننا نخر ج من مواسم بدون بطولات عشان نجيب أكتر قدام يبقى نحاسب المدرب إنه بيرهق اللعيبة و ما بيدفعش بناشئين.

[CryptonX]

ازمة مالية يبقى واحد مصري

ارشح طارق العشري

--

رغم ان في اخبار ان الاهلي بيفاوض ريكاردو البرازيلي مدرب الاسماعيلي الاسبق .