تاخد مليون دولار؟

[mobitic]

طب لو بعت الجنسية بتاعتى هتبقى إيه
يعنى هارفع علم مين
أصل أنا دلوقت مصرى بس لو بعت مش هابقى مصرى
ولا هيبقى ليا جنسية تانية لأنى مجرد مهاجر
وبعدين مليون دولار مبلغ قليل قوى قوى
مع انى بخاف حتى اكتبه بس مش امسكه لا سمح الله
وبعدين تعالوا نحسبها بطريقة تانية
هوا حقنا من اللى اتباع وصل كام لحد دلوقت بس اكيد اكتر من مليون دولار بحوالى 245 جنيه مثلا .
يبقى فى الحالة دى الصح انى ادور على اللى خد حقى وآخده منه ومحدش يقولى ازاى بس على الأقل احسن من انى ابيع بلدى وميبقاش ليا بلد ولا انتماء
صعبة قوى دى
يلا هانقول ايه
الصبر مفتاح الفرج

[abzoabzo]

انا موافق من بكرة لو حبيت ياباشا
اهو الواحد يخلص من التعذيب اليومى ده

[نور القمر]

البلد كلها مساويء وعيوب ومتعبه وتخنق في كل حاجة ومفيش امل انها حالها يتعدل قريب او على جيلنا
لكن بالرغم من كل ده مبعهاش ولا بكل مال الدنيا
كفاية ان فيها ذكريات طفولتي وف ترابها مدفون فيها اصولي وجذوري
واللي جرب الحياة برة بلده هايعرف ان الفلوس مش كل حاجة

[Imhotep]

اهى كلها فضفضة بنستريح بيها شوية...... انا من الناس اللى متاح لى اختيار الهجرة لو حبيت لكن لغاية دلوقتى معنديش الرغبة امشى فيه...... بسبب كل ما قاله من لم يرغبوا فى اخذ نصيبهم من البلد و الرحيل..... كلنا نعلم ان المستقبل ان سار على نفس وتيرة الحاضر فالعاقبة لن تكون جيدة ابدا..... لكن الامل فى الله سبحانه و تعالى اللى كلنا ماشيين بستره و نسعى لرضاه على قدر استطاعتنا كبشر...... ربنا موجود

[abzoabzo]

الواحد مش عايز يركب ب ام ولا فيلا فى مارينا
نفسى احس بالامان
يوم ماتعب اتعامل كانسان
الاقى شرطة تحمينى وتحمى ممتلكاتى
مش بالطجية فى كل مكان ويم منتعب منلقيش عربية تشيلنا وطرق ما اروعها وقوانين تسد النفس كل يوم على الفطار

[هيثم]

لن افعل ...............

[E30power]

سهل جداا
اة ابيع ونص بس اخد كل اهلى معاياا والناس الى باعوا معايا فى المنتدى وبالفلوس نأجر مدينة ايجار جديد على ادنا
ونبقى احنا الحكومة
ونبعد بقى عن الزحمة والتلوث والغش وش بتوع المروررررر

واخد توكيل من هيونداى علشان اعلم غبور الادب........معلش حالة نفسة:):)

[M.Osman]

انا موافق
و هعيش في أحد الدول التالية:
استراليا
كندا
ماليزيا

[lancerevolution]

دا سؤال أكيد هاخد الفلوس و هخلع
يا فكيك

[E30power]

انا موافق
و هعيش في أحد الدول التالية:
استراليا
كندا
ماليزيا

هو صحيح بيقولوا..
ان ماليزيا ملهاش اى اجراءات للسفر ؟؟؟؟!!!

[bishoy02010]

سهل جداا
اة ابيع ونص بس اخد كل اهلى معاياا والناس الى باعوا معايا فى المنتدى وبالفلوس نأجر مدينة ايجار جديد على ادنا
ونبقى احنا الحكومة
ونبعد بقى عن الزحمة والتلوث والغش وش بتوع المروررررر

واخد توكيل من هيونداى علشان اعلم غبور الادب........معلش حالة نفسة:):)

ههههههههههههه جامد الكومينت ده ههههههههههههههه

[Mzeid]

ههههههههههههههه
أنا هعمل مزاد على ebay ..



لا طبعا لو كلكم بعتم أنا مستحيل أبيع ..
مش هقول لكم علشان أنا اتربيت و اتعلمت و شربت من مية نيلها الملوثة ..

لآ .. لأن مصر هي وطني ..

[amrico]

انا مش هبيع عشان اسباب

لأني مضطر مبيعش لأني عارف اني عمري ماهكون مواطن درجة أولى في اي بلد تانية

دا طبعا بالرغم اننا كلنا او معظمنا مواطنين درجة عاشرة في بلدنا لكن المساواة في الظلم عدل

واكيد اهلي الموجودين في مصر

كنت احلم اني اكون مواطن مسلم في دولة تانية
بس زي ماقلت في موضوع تاني قبل كدا: ان الإنسان يكون مصري دا إبتلاء من ربنا وربنا يصبرنا عليه

في ملحوظة لاحظتها لما بسافر لأي دولة

لما بروح دولة اوروبية بلاقي في المطار مدخل خاص لمواطنين الدولة ودول الإتحاد الأوربي

في امريكا هاتلاقي مدخل خاص للأمريكان والكنديين وفي كندا بالعكس

في دول الخليج هاتلاقي مدخل خاص لدول التعاون الخليجي

نفهم من كدا ان في احترام للمواطن في معظم دول العالم وتفضيل ليه على الغريب وراحته اهم من اي حاجة ومن اولويات الدولة

لكن في مطار القاهرة كله مع بعض ماشي معترضناش اهم ضيوفنا برضه لكن اللي بيغيظ تلاقي كام واحد شغلتهم ياخدوا جوازات الأجانب وتلاقي الواحد فيهم داخل على شباك الجوازات ب 10 او 15 جواز مع بعض للأجانب طبعا عشان يخلصوهم بسرعة وآخر ناس هما المصريين برضه

بكرر تاني الجنسية المصرية إبتلاء وللأسف معنديش بديل غيرها وعشان كدا مش هابيع رغم ان كل حاجة بتتباع فعلا