المطاعم المفتوحة فى مساكن شيراتون

[mohamed]

السلام عليكم
يا ترى فى اعضاء راحوا منطقة المطاعم المفتوحة اللى فتحت فى مساكن شيراتون يا ريت اللى راح يقولى هى نظامها ايه وايه احلى المطاعم اللى هناك
وشكرا

[ABDULLAH AHMED]

تصدق المطاعم دي بيني وبينها 5 دقايق بس لحد دلوقت ما رحتهاش بس ان شاء الله قريب حروح هناك

انا صاحبي راح هناك وقالي في مطعم برجر تقريبا الوجبة بحاجة وعشرين وقالي المطعم اكلو حلو

وفي كافيهات حلوة

واحنا تحت الخدمة يا باشا

[badblood]

ممكن العنوان

[mohamed]

المطاعم دى ورا البنزينة اللى يمين الكوبرى اظن كده يا ريت لو فيه اسماء للمطاعم الكويسة والمنيم تشارج بتاعها لو سمحتوا

[El.Hossieny]

و انا بضم صوتي ليك يا باشا ... يا ريت لو حد يقدر يوصفلنا المكان بالظبط و المطاعم الموجودة و الاسعار ...... و شكرا مقدماً

[هيثم]

السلام عليكم
يا ترى فى اعضاء راحوا منطقة المطاعم المفتوحة اللى فتحت فى مساكن شيراتون يا ريت اللى راح يقولى هى نظامها ايه وايه احلى المطاعم اللى هناك
وشكرا

المطاعم اللى حضرتك تقصدها هيا اللى موجوده خلف لابوار ولا ديه حاجه تانيه

[mohamed]

بالظبط كده يا ترى محدش يعرف حاجة عنها

[marsguy]

أنا أعرف مطعمين بس

آخر مره رحت هناك كان من شهرين كده

المطعمين هم:

burger joint وده طبعاً باين من إسمه إنه بتاع برجر

البرجر بتاعه طعمه حلو بصراحه بس في النهايه هو برضه junk food

المطعم التاني هو: مكاني

وده كافيه ومطعم وفيه سوشي كمان وأعتقد إنه بيعمل حفله كل أسبوع

بس هو من الأماكن اللي جوها مش مريح كده ، بصراحه أنا ماحبش أقعد فيه.

[aratux]

همة مطعمين يا مارس
مكانى و الست حسنية (فى نفس المكان) و انت بتطلب المنيو اللى انت عايزها من الجرسون
هوة مكان لذيذ جدا و قعدة فى الهوا و نظام الكراسى إنها واطية و مريحة فى القعدة
بص, هوة الجو عامل شوية زى نظام شرم و أكله حلو قوىىىىىىىىىىى
برضه فيه كافيهات كتير و فيه مكان فيه لعب أطفال لو معاك ولادك و عايز تخلص من الصداع

[aratux]

كل خميس و جمعة و سبت بعد الساعة 8 بالليل عندهم فرقة غربى لايف

[mohamed]

شكرا يا شباب على المعلومات الهايلة دى بس يا ترى رينج الاسعار ايه؟؟؟؟

[ahmedetch]

انا سمعت ان الاسعار غالية و المينيمام تشارج 75 و 95 جنيه