اسعار فنادق الاسكندرية ؟

[BomBom]

حد ياجماعة يعرف اسعار الغرفة الدبل بفنادق الاسكندرية ثلاث نجوم او الاربع نجوم ، و ايه احسن فندق في كل فئة من دول ؟
وسؤال اخير هو الافضل اني استأجر شقة مفروشة و لا انزل في فندق ؟ علما بأني هقعد اربعة ايام بس.

[AshTurbo]

دي صفحة فيها معظم فنادق أسكندرية بالعناوين وأرقان التليفونات ممكن تتصل بالفندق اللي يعجبك وتسأل عن الأسعار طبعاً شيراتون وهيلتون وهلنان دول على أختلاف أسمائهم 5 نجوم أما الباقي ممكن تلاقي 4 أو 3 نجوم :

http://alex4all.com/guide/tour/indexTour.php?id=11&offset=30

.. بالنسبة للشقق في زي مانت عاوز وحسب فلوسك في عندك ميامي وسيدي بشر وخالد أبن الوليد دي مناطق بيجي فيها كل المصييفين وبيتراوح اليوم فيها في الصيف مابين 100 جنيه و 500 جنيه طبعاً 500 على البحر مباشرة وطبعاً حسب فرش الشقة ومساحتها وكمان حسب الشهر اللي ناوي تنزل فيه وفي كمان عندك المعمورة ممكن تنزل وتدور هتلاقي أسعار حلوة يعني أعتقد أن الشقة المفروشة أفضل من الفندق من حيث السعر وإن شاء الله تقضي أجازة ممتعة في أسكندرية .

[SHNORY]

حد ياجماعة يعرف اسعار الغرفة الدبل بفنادق الاسكندرية ثلاث نجوم او الاربع نجوم ، و ايه احسن فندق في كل فئة من دول ؟

وسؤال اخير هو الافضل اني استأجر شقة مفروشة و لا انزل في فندق ؟ علما بأني هقعد اربعة ايام بس.

حضرتك نازل لوحدك ولا معاك افراد
والزياره شغل ولا جاي تصيف ؟؟
لو جاي تصيف يبقي شقه ودي اسعارها من اول 70 جنيه الي ما شاء الله
الفنادق ممكن تشوفهم في الدليل ده

http://www.discoveralex.com/Directory/SearchResults.asp

وتتصل بيهم تسال علي الاسعار وتحجز قبل ما تيجي
ولو فيه اي استفسار الاسكندرانيه كلهم معاك

[Terrible_DaRsH]

لو عايز شقة انا اعرف سمسار ممتــاز ..

[A.Saad]

الشقة ارخص
الفندق خدمة احسن وامان اكتر

[BomBom]

شكرا حقيقي لكل الردود ، و انا نازل مع العيلة شغل و منها فسحة برضه