سؤال مهم للشبـــــاب: ممكن تخلي أختك تسوق ؟؟

[M.Osman]

متشكر ليكوا اوي يا شباب على آرائكم الغالية
كدا أنا هتفق مع الوالد و الوالدة (مع ان كدا كدا كلامهم هو اللي كان هيمشي)... إن شاء الله هعلم اختي السواقة بنفسي و إنشاء الله ربنا يسترها

و حسبي الله و نعم الوكيل في المجتمع الذي اصبح لا يطاق

[Haitham10]

هما الشباب ديه بتعتمد على ان البنات اللى سايقين بيبقوا خايفين فبيرخموا عليهم فى السواقه و يزنقوا عليهم فده اللى اخلانى اراعى وانا بعلم اختى السواقه انى اعلمها تسلك من اى حد يرخم عليها و هى سايقه و تخلى عندها ثقه فى نفسها متخفش من اى حاجه و الموضوع ده الحمدلله خلصها من شباب كتير رخمه و كانوا بيحاولا يضايقوها و هى سايقه هو انا مش هقولك ان الموضوع ده ناجح بنسبة 100% و لكن على الاقل خلصها شويه من رخامة الناس يعنى اهم حاجه لازم تراعيها وانت بتعلم اختك السواقه انك تعزز ثقتها فى نفسها جامد علشان ممتلبخش من اى حاجه و تعرف تتصرف قصاد اى موقف و نصيحه متوديش اختك تتعلم فى مدرسة سواقه علمها انت بنفسك احسن من ميت مدرسه

شكرا ياكنج علي الافادة وشكرا لصاحب الموضوع علي طرحه وربنا يسترها علينا

[Imhotep]

الحافظ هو ربنا و لو الانسان استسلم للخوف مش هيعمل حاجة فى حياته..... ادوها الثقة و الجرأة تقابل المواقف و تتعلم و تكتسب خبرة بالحياة و الناس وفكرة ان حد يكون معاها دى ممتازة و هتطمنكوا الى حد كبير.....