اتمنظروا بفلوسكم

[nasr-eldeen]

لا مؤاخذة يا باشا .. اسمحلي اقوللك .. لو الرجالة لهم كلمة في البلد دي مكنش وصل الحال لكدة ... اسلوب المنظرة دة اسلوب حريمي بحت

هسأل حضرتك سؤال لما إبنك يشوف لعبة في يد صديقة أو إبن عمه أو قريب وبيكون عايز زيها مش برده حضرتك بتجيبها له حتى لو هو مطلبهاش علشان مش عايزه يحس إنه أقل من قرناؤه .

الموضوع مشابه هو الرجاله مش ملهمش كلمة ، لا هي وجهة نظر أخرى .
إن كل أم عايزة بنتها يجيلها أحسن حاجة ( يعني منظرة ) وطبعاً بتدخل لزوجها ( والد العروسة ) من نقطة الحنية أولاً ، ثم سرد تفاصيل الزيجات السابقة ثم فلانة أخذت مهر كذا وجابوا كذا وكذا وكذا ، وإنت واخد مهر أكثر وبعدين هو إحنا أقل من فلان وعلان وزيد وعبيد وهكذا ،ولا عايزنا نكون لبانه في بق البلد ويقولوا ده فلان خد مهر كذا وماجبش حاجة لبنته ، وطبعاً والد العروسة تحت هذا الضغط الشديد من الأم وطبعاً الأم بتوصي بنتها تزيد على الأب جرعة الحنان علشان الأب ( ميعصلجش ) معاهم .
فهو فعلاً الحريم هي المحرضة الأولى في ذلك بس مش معنى كدة إن الرجالة ملهاش كلمة في البلد بالمعنى المفهوم ( في الموضوع ده وبس أوافق معاليك على ذلك )

[نور القمر]

لا مؤاخذة يا باشا .. اسمحلي اقوللك .. لو الرجالة لهم كلمة في البلد دي مكنش وصل الحال لكدة ... اسلوب المنظرة دة اسلوب حريمي بحت

انا ليا تعليق على النقطة دي الموضوع مش موضوع رجال ملهمش كلمة الموضوع انها بتكون عادات وتقاليد المنطقة وصعب ان شخص يشذ عن القاعده
احنا عندنا في بلدنا في الصعيد وحتى اللي زي حالتنا وعايش طل عمره في القاهرة عندهم نفس المنطق وهو موضوع اشتراط الشبكة واقل بنت اللي هي فلاحة متقلش شبكتها عن 10 ألاف ويجيب منين دي مش مشكلة اهل العروسة وانشاله يبيع الدهب تاني يوم الفرح المهم انه يجيب الشبكة الكبيرة
وطبعا كل ما البنت كانت من اسره اكبر ومتعلمة اكتر واحلى وخطابها كتير قيمة الشبكة بتعلى
انا عارفه انكم هتقولوا دي بيعه وشروة والكلام ده
بس صدقوني يوم ما بتكون اسرة العروسة معتدلة في طلب الشبكة الناس تقول لاااااااااا كدة العروسة فيها إن
انا عارفه انه تفكير متخلف بعض الشيء بس دي عادات خلاص صعب تتغير
والموضوع ده بيقابل صعوبات كبيرة لو العريس مش صعيدي وجاي من الوجه البحري طبعا لو مكنش متفهم لعادات وتقاليد البلد وشاري البنت فعلا بيفلسع على طول

[ASKAFRAWY]

بيفلسع على طول

لازم يفلسع لان معظم الشباب بيكون غير مقتدر,يعنى لو العريس اهله على قد حالهم يعمل ايه عشان يتجوز!
وبعدين هو موضوع 10000 جنيه دة محسسنى انها تسعيرة!كانى رايح اشترى سلعة!
لكن الواحد يقول ايه بس فى العادات و التقاليد دى!هى العادات دى ملهاش دعوة بالازمة الاقتصادية و حال مصر اللى لايسر عدو ولا حبيب!
صحيح نسيت اسأل يعنى ايه بفلسع؟

[ahmedhashish]

يا جماعة محدش يسلف حد انا حاسس نور بتتكلم عنى مش عن صاحبتها انا اصحابى مستلفين منى اللى عايز يفتح مشروع وبعد ما كسب استخسر يرجعلى فلوسى لحد دلوقت وواحد تانى فضل يرجعلى الفلوس بال 100 وال 50 جنيه وضاعوا منى (نظام استخسار مش زنقة ) واخر واحد جاى يقولى اخويا عايز يشترى ارض (خلاص حتشل) وكله باسس ان انت ازاى تحوش 6000 جنيه ازاى يعنى الخدامين (انا) يبقوا معاهم فلوس والصراحة انا كمان استاهل المفروض اكدب (ابوا اكدب) دى ناس متستاهلش من الاخر
متقولش معاك فلوس .......... متقولش معاك فلوس
متبقاش حمار (زييى) انا اتعقدت خلاص

[blazer]

اللى صاحبتك كانت بتعمله كان غلط بس الحمد لله انها تداركت الموضوع قبل ما (لا قدر الله) انها تحتاج فلوس فى يوم من الايام و تكتشف انها سلفت الناس كل الفلوس اللى معاها و متلاقيش المبلغ اللى هى محتاجاه
السلف يبقى فى حاله من حالات الضروره القصوى فقط !
واعتقد ان الانسان الكويس عمره ما يطلب انه يستلف الا فى حالات نادره جدا (يحسبهم الجاهل اغنياء من التعفف)

الموضوع ده فكرنى بحديث شريف عن موضوع السلف ده والحديث بيقول :-

روى جابر بن عبد اللَّه رضي اللَّه تعالى عنهما عن رسول اللَّه صلى اللَّه عليه وسلم أنه قال "ما فتح الرجل على نفسه باب مسألة إلا فتح اللَّه عليه باب الفقر ومن يستعفف يعفه اللَّه ومن يستغن يغنه الله، لأن يأخذ أحدكم حبلا فيعمد إلى هذا الوادي فيحتطب فيه ثم يأتي سوقكم هذا فيبيعه بمدّ من تمر خيرا له من أن يسأل الناس أعطوه أو منعوه "

ياريت كل الناس يعملوا بما جاء فى الحديث الشريف

[نور القمر]

لازم يفلسع لان معظم الشباب بيكون غير مقتدر,يعنى لو العريس اهله على قد حالهم يعمل ايه عشان يتجوز!
وبعدين هو موضوع 10000 جنيه دة محسسنى انها تسعيرة!كانى رايح اشترى سلعة!
لكن الواحد يقول ايه بس فى العادات و التقاليد دى!هى العادات دى ملهاش دعوة بالازمة الاقتصادية و حال مصر اللى لايسر عدو ولا حبيب!
صحيح نسيت اسأل يعنى ايه بفلسع؟

فلسع يفلسع فعلعستاشن يعني ذهب ولم يعد يعني نفد بجلده منهم
انا قلولت لكم هتقولوا بيعه وشروة وقولتكم الاسرة اللي بتتساهل في زواج بنتها بيخلوا سيرة بنتهم على كل لسان
طبعا 10 الاف مش تسعيرة على مر الزمن لكن الحد الادنى للشبكة 75 جرام دي للغلابة والفلاحين بما يعادل 10 بسعر الدهب الحالي وملهمش دعوة الدهب بيغلى ولا بيرخص المهم الحد الادنى من الجرامات

[نور القمر]

يا جماعة محدش يسلف حد انا حاسس نور بتتكلم عنى مش عن صاحبتها انا اصحابى مستلفين منى اللى عايز يفتح مشروع وبعد ما كسب استخسر يرجعلى فلوسى لحد دلوقت وواحد تانى فضل يرجعلى الفلوس بال 100 وال 50 جنيه وضاعوا منى (نظام استخسار مش زنقة ) واخر واحد جاى يقولى اخويا عايز يشترى ارض (خلاص حتشل) وكله باسس ان انت ازاى تحوش 6000 جنيه ازاى يعنى الخدامين (انا) يبقوا معاهم فلوس والصراحة انا كمان استاهل المفروض اكدب (ابوا اكدب) دى ناس متستاهلش من الاخر
متقولش معاك فلوس .......... متقولش معاك فلوس
متبقاش حمار (زييى) انا اتعقدت خلاص

وهم بيستحلوا الفلوس دي على نفسهم ازاي !!!!!!!!!!

طيب انا مرة والله واحد قريبي انا عارفه انه مديون لناس تانية من فترة طويلة و سافر اعارة 4 سنين ومسددش اللي عليه وكان عايز مني 5000 علشان يني حتة ارض عنده
حد شاف استهبال اكتر من كدة!!!!!

[Lord_Fouad]

استاذ نصر الدين ... و استاذة نور القمر
عاداتنا و تقاليدنا اذا كانت ماترضيش ربنا تبقى باطلة ... هل كل لما البنت تبقى اهلها ناس كويسين يبقى مهرها اغلى و شبكتها اغلى ؟؟؟؟ هل هذا منطق معقول ؟؟؟؟ طب ايه رأيكم في خير النساء السيدة فاطمة الزهراء ؟؟؟ حد عارف جهازها و مهرها و شبكتها كانوا ايه ؟؟؟؟ خاتم حديد شبكة ... و درع سيدنا علي مهرا ... و حصيرة و مخدة محشوة فروع شجر جهاز ... حد عنده بنت اشرف منها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ياريت الناس تفوق من الغيبوبة لان النتيجة بتبقى وحشة اوي ... و كل ماواحد هيكسر عادات و تقاليد خاطئة كل لما جزء من المشكلة يتحل و كل لما مكانته عند ربنا بتزيد ... هل من مبادر ؟؟؟

[nasr-eldeen]

ربنا يسهل ونكون نحن البادئين .
أنا عمي الله يرحمة أول واحد في البلد لما زوجته توفيت لم يقم لها صوان أو مقرئين والحمد لله مش بخل ولا قصر يد بس حب يبدأ والناس إتكلمت كتير في الموضوع ده وهو كان وقتها عمدة البلد أيام ما كان فيها عمدّية ومن ساعتها العادة بتاعة الصوان دي إختفت ومحدش بيعملها والكل بيدعي له الآن .
وإن شاء الله هحاول أعمل موضوع الإقتصاد والتيسير في الزواج مع إبنتي ياسمين هانت وهي عندها سنتان ونصف وربنا يسهل .
بس اللي أنا شفته فعلاً إن ناس كتير حاولت إنها تجيب كتير ماشي بس حاولت إنها تنقل الحاجه بدون زفة ولكن لاقت مقاومة شديدة من أهل العريس وام العروسة .
ودامت دياركم عامرة بالأفراح

[3mr Farrag]

السلفه ديه انا شايفها حاجه فاشله ....
لأن بصراحه معظم الللي بيستلفوا بيبقوا معنهمش دم و مش بيرجعولك فلوسك....
انا بحاول ابطل اسلف حد مش علشان الفلوس....
لأ علشان كتير اسلف ناس و مش بيرجعوا الفلوس ... فيخلوني مش طيق خلقتهم

و كتير بيستلفوا و بعديها تلاقي معاه فلوس عيني عينك و مايدكش فلوسك....

انا مش عارف الناس ديه عليشه ازاي و طايقه نفسها

[ابو حسين]

اولا يكون ليا الشرف انى اول حد يرد على موضوعك

لكن مش غلطانة لان فى الزمن ده بقى صعب ان حد يجمع قرشين علشان يدبر بيهم حاله

انما فى ناس بتستلف فلوس علشان المنظره وطبعا ده ميكنش ثواب ولا اجر انا امتى اسلف حد لو محتاج بجد وعاوز فلوس لمرض او يعمل عمليه او مشكلة فى بيته انما علشان فرح ويعمله هنا ولا هنا ولا مصبف لا طبعا صابحتك صح وانتى صح

بلاش بقا كل واحد باصص فى اللى فى ايد اخوه وكل واحد بيحقد على فلوس التانى الناس بقت نفوسها مريضة بجد ومبقش فى عقل ولا تفكير

[ahmedhashish]

وهم بيستحلوا الفلوس دي على نفسهم ازاي !!!!!!!!!!

طيب انا مرة والله واحد قريبي انا عارفه انه مديون لناس تانية من فترة طويلة و سافر اعارة 4 سنين ومسددش اللي عليه وكان عايز مني 5000 علشان يني حتة ارض عنده
حد شاف استهبال اكتر من كدة!!!!!

'[overline]طبعا يا نور طول ما فى ناس ممكن يبنى على حسابهم ويعيش سفلأة يبقى يغرم ليه ويبنى على حسابه ............. على رأى خلة القلة (ناس معندهاش دم صحيح)[/overline]