حلقة القاهرة اليوم عن ماتش ( امريكا ومصر )

[Hondawy_2008]

المنتخب يمتنع عن التدريب وابو تريكة يهدد بالاعتزال حتى يعتذر عمرو اديب

http://www.masrawy.com/news/egypt/sp...onal_accu.aspx

ميمتنعوا عن التدريب ولا يغوروا في ستين داهية دول طلعوا رابع المجموعة ده العراق أشرف مننا على الأقل خدوا تالت مجموعتهم وانشاء الله هناخد رابع المجموعة في تصفيات كاس العالم ومش هنخش كاس الأمم بلا قرف

[Drift_Lover]

ميمتنعوا عن التدريب ولا يغوروا في ستين داهية دول طلعوا رابع المجموعة ده العراق أشرف مننا على الأقل خدوا تالت مجموعتهم وانشاء الله هناخد رابع المجموعة في تصفيات كاس العالم ومش هنخش كاس الأمم بلا قرف

لو امتناعهم عن التدريب دلع. او ليه علاقه بالمبارة الهزليه الأخيرة (يبقي زي مانت بتقول يروحوا في ستين ...)

لكن لو امتناعهم عن التدريب وقفة احتجاج علي إتهامهم من بلدهم في شرفهم. فانا واحد من الناس معاهم.


الأداء في المباراة كلنا متفقين انه كان مهزلة فعلآ... ولابد ان يتم عقاب كل من شارك فيها من أول حسن شحاته واغلب لاعبين المبارة . وحتي رئيس البعثه.

ولكن هذا لا يمنع تكريم الحضري.
هذا لا يمنع رفضنا للمساس بكرامة المصريين واتهامهم بدون وجه حق او دليل.

[nano1980]

ميمتنعوا عن التدريب ولا يغوروا في ستين داهية دول طلعوا رابع المجموعة ده العراق أشرف مننا على الأقل خدوا تالت مجموعتهم وانشاء الله هناخد رابع المجموعة في تصفيات كاس العالم ومش هنخش كاس الأمم بلا قرف

انت ليه مصر تضحك علي نفسك .........انت كنت متخيل انك حتعمل اكتر من كده تبقي بتحلم
وبعدين شوف العراق عملت ايه مع مين وشوف انت فريقك عمل ايه مع مين.......

ومش معني انك متغاظ من الفريق وكان نفسك يكمل البطوله يبقي توافق ان حد يخوض في الشرف واعراضهم
معني كده ان انت كمان بتخوض معاه ومحدش معاه دليل علي ده
اهدي ياعم وبلاش تحرق دمك علي كوره ومنها تغلط وترتكب ذنب زي الاهبل عمرو اديب.....الي مفيهوش غير صوت عالي ولسان طويل وياريته في الحق
عايز تشتم الفريق علي ادائه كلنا معاك
لكن نهلل لاي واحد يخوض في الاعراض ........
بلاش .............دي اخرها كوره .............لعبه يعني ...........مش اكل عيش لينا ولا لولدنا
وسيبك انت ...........محدش واخد منها حاجه

[jisso82]

حلوة أوى كلمة إن اللعيبة زعلت عشان حد اتكلم فى حقها و ما زعلتش إنهم زعلزا 80 مليون مصرى
كلام غير مسئول و لو سألت أى مواطن فى مصر تكسب كاس العالم و توافق أتهمك فى شرفك رده هيكون إيه
و نفترض ليه يا جماعة ما المثال قدامنا فى كاس العالم السابقة زين الدين زيدان اتطرد فى آخر الماتش و خسرت فلانسا المباراة النهائية لكأس العالم ليييييييييه عشان تطاول لاعب سافل على زيدان فى شرفه و الكلمة المؤكدة اللى اتقالت إن ماتيرازى جذب زيدان من الفانلة و زيدان قالله خلاص هقلعهالك بعد الماتش إذا كنت عايزها أوى كده رد الحقير ماتيرازى كنت أفضل قميص أختك و ده مكتوب فى كتاب ماذا قلت لزيدان بقلم ماتيرازى نفسه. فخرج زيدان عن شعوره و اتطرد فى آخر مباراة دوليه له و خسرت فرنسا كاس العالم مش خسرت التأهل للتصفيات و ماحدش اتكلم على غلط زيدان لأن أى حد فى مكانه كان يمكن عمل أكتر من كده ده شرف يا جماعة يولع المنتخب و يولع كاس القارات و يولع كاس العالم و لا إن حد يتكلم فى الأعراض و عن شرف ناس بالبساطة دى.

[mshamy]

أنا شايف إنه كان من الخطأ الجسيم من جانب المدعو عمرو أديب الإستشهاد بصحافة جنوب أفريقيا لتفسير أسباب هزيمة الفريق المصري و التي هي بالفعل هزيمة قاسية بعد الأداء الرائع أمام ابطال العالم ....وشايف إن الراجل حب يعمل "فرقعة إعلامية" علشان البرنامج بتاعة بس للأسف الشديد إنقلب السحر على الساحر
كان من الأفضل و الأشرف له إستخدام قناته الإعلامية للدفاع عن أبناء وطنه و صورتهم و محاولة إبراء ساحتهم أمام العالم و توضيح تقصير الإجرآت الأمنية في جنوب أفريقيا بدلا من التشهير بإخوانه المصريين ...
لا أدري كيف كان بهذه السذاجة في التعامل مع المسألة.....لكن الحق مش عليه ....الحق على من سمح له بالجلوس خلف ميكروفون يصل صوته للقاصي و الداني...و فعلا "فضيحتنا بقت بجلاجل" بس مش بسبب الخسارة و لكن بسبب الفاشل المدعو عمرو أديب - والله خسارة فيه الإسم-

ولا أجد ما اقوله له إلا الآتي:
[/quote]السلام عليكم ورحمه الله وبركاته...

قال تعالى: "إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّهُ يَعْلَمُ وَأَنْتُمْ لَا تَعْلَمُونَ"

تفسير ابن كثير رحمه الله تعالى

هَذَا تَأْدِيب ثَالِث لِمَنْ سَمِعَ شَيْئًا مِنْ الْكَلَام السَّيِّئ فَقَامَ بِذِهْنِهِ شَيْء مِنْهُ وَتَكَلَّمَ

فَلَا يُكْثِر مِنْهُ وَلَا يُشِيعهُ وَيُذِيعهُ

فَقَدْ قَالَ تَعَالَى " إِنَّ الَّذِينَ يُحِبُّونَ أَنْ تَشِيع الْفَاحِشَة فِي الَّذِينَ آمَنُوا لَهُمْ عَذَاب أَلِيم "

أَيْ يَخْتَارُونَ ظُهُور الْكَلَام عَنْهُمْ بِالْقَبِيحِ

" لَهُمْ عَذَاب أَلِيم فِي الدُّنْيَا" أَيْ بِالْحَدِّ وَفِي الْآخِرَة بِالْعَذَابِ الْأَلِيم "

وَاَللَّه يَعْلَم وَأَنْتُمْ لَا تَعْلَمُونَ "

أَيْ فَرُدُّوا الْأُمُور إِلَيْهِ تَرْشُدُوا

وَقَالَ الْإِمَام أَحْمَد حَدَّثَنَا مُحَمَّد بْن بُكَيْر حَدَّثَنَا مَيْمُون بْن مُوسَى الْمَرَئِيّ

حَدَّثَنَا مُحَمَّد بْن عَبَّاد الْمَخْزُومِيّ عَنْ ثَوْبَان

عَنْ النَّبِيّ صَلَّى اللَّه عَلَيْهِ وَسَلَّمَ قَالَ

" لَا تُؤْذُوا عِبَاد اللَّه وَلَا تُعَيِّرُوهُمْ وَلَا تَطْلُبُوا عَوْرَاتهمْ

فَإِنَّهُ مَنْ طَلَبَ عَوْرَة أَخِيهِ الْمُسْلِم طَلَبَ اللَّه عَوْرَته حَتَّى يَفْضَحهُ فِي بَيْته " .[u

[Abo_Lina]

بلاش .............دي اخرها كوره .............لعبه يعني ...........مش اكل عيش لينا ولا لولدنا

هو ده الكلام
اللاعب ده إنسان ممكن يجي في يوم يكون تعبان مجهد أو في ال off day بتاعه..ماينفعش نتعامل معاهم كروبوتات مادام فازوا على ايطاليا يبقى لازم يكسبوا أمريكا و إلا يبقوا زبالة و مالهمش لازمة..

[Busquets]

طب و الحل ايه دلوقتى لما مسكوا السارقين و اعتذروا للمنتخب

عمرو اديب هيعتذر!!!!

الفكرة فى طريقة الحوار و اسلوبه الاستفزازى

يعنى دا بيتلكم فى شرف ناس!! ومحموق اوى كأنه كان معاهم فى الاوضة!

بصراحة اسلوب مستفز و كل واحد فينا لو حط نفسه مكان المنتخب هيحس بنار جواه

الظلم وحش !! و حرام نظلم حد

والله عيب الناس اللى تقول يتفلقوا و يعتزلوا يا جدعان ناسيين الفرحة اللى سببوهالنا! لعبوا بـ 300% من مستواهم عشان يشرفونا و مافيش اى حاجة! خسروا ماتش و عملو ماتشين وصلونا العالمية و بنشتمهم

انا فعلا متعصب بسبب الكلام على لاعبين من صحف جنوب افرقيا الى عايزه تخلص من التهم عشان منظرها

و اهم مسكوا الحرامية !! ورونى عمرو اديب هيعمل ايه

[kemo0o]

عمرو اعتذر يا جماعة خلاص
انا بتفرج على الحلقة الان

[MoToRiZeR]

و الله لو راح لحس جزمة حسن شحاتة .. الراجل ده خلاص وقع من نظري و من نظر ناس كتير
و إمبارح هو كتب شهادة وفاته الإعلامية بنفسه و وقع عليها بلسانه الزفر .

إلي مزبلة الإعلاميين يا أديب .

[Terrible_DaRsH]

انا متابع الحلقة ..

بس يا جماعة لما بيكون فى حد بيحاسب الوزراء زى عمرو اديب ابقوا اتكلموا .

[Busquets]

عايز اعرف بس قال ايه

لو حد شافه انهاردة يقول بس ايه اللى قاله!!

عشان دا انسان خسارة فيه اشتمه

[Terrible_DaRsH]

وضح سبب نرفزته , و قال ان مصر مفيهاش غير كرة قدم فيمنفعش نظهر بالمستوى الزبالة ده .

[kemo0o]

عمرو اعتذر عن كل اللي قاله امبارح وقال انه مستعد يبوس دماغ اللاعيبة وحسن شحاته بس قال مش هيبطل ينقل اخبار الجرائد

الراجل اعترف بخطأة وقال لو اي حد كان مكاني وشاف الماتش وقرا الجرايد في نفس الوقت كان هيعمل اكتر من كده

[Terrible_DaRsH]

اتفرجوا على شوبير احسن يا جماعة .

شوفو الاعلام على حق .

على الحياة 2 الان .

[Samir Elshahawy]

بصراحة انا مستغرب جدا من موقف الكثيرين و موقف الاعلام اللي ماعندوش حاجة يقولها و لا يعملها غير تهييج الناس و خلاصز

مش هو ده المنتخب "أحفاد الفراعنة" قاهر بطل العالم و اللي نفس الاعلام قال فيه قصايد شعر , سبحان الله أيه يعني لما نتغلب حتي 6 - 0 نقوم نقلب كده 180 درجة

بصراحة انا من زمان قوي و أنا غير متابع للتلفزيون المصري بكل قنواته و لا أحترم أي أعلامي مصري خاصة بعد حادث غرق العبارة 98 الذي كشف لي عن جهل الاعلام المصري و تحيزه و أثارته للجماهير بدون وجه حق , و كل يوم بيمر بتتأكد لي النظرية دي و بتثبت و الحمد لله أني كنت بره مصر وقت الكلام الفارغ ده ما أتقال بدل ماكان يتحرق دمي و ما أعرفش أرد عليه

حسبي الله و نعم الوكيل في كل من يظلم الناس