بقع الزيت في الشارع

[BassamHafez]

خلوا بالكوا قوي يا جماعة وانتو سايقين لان انا ملاحظ في الفترة الاخيرة دي ان الشوارع بقى فيها بقع زيت منتشرةبشكل غريب في كل الشوارع او ميه خفيفة اللي هي ممكن تزحلق العربية

انا قولت اقولكم عشان انا كنت هتزحلق في بقعة زيت ولما بقيت اركز في الشارع لقيت الموضوع ملفت للنظر

[Imhotep]

واحد قريبى كان لسه هيتقلب من على كوبرى غمرة بسبب بقعة زيت...... ربنا يستر

[BassamHafez]

واحد قريبى كان لسه هيتقلب من على كوبرى غمرة بسبب بقعة زيت...... ربنا يستر

الموضوع ده فعلا واضح

فعلا حاجة غريبة انتشار الموضوع ده في الشوارع

انا برضو بنت خالتي عملت حادثة من يومين بسبب بقعة زيت

حسبي الله ونعم الوكيل في البلد اللي ملهاش حاكم دي

[icehearted girl]

في شارع بمشي منه ماشاء الله ولا كاني في دريم بارك


كله ورش وحارتين بس

بس الجدع يمشي جنب اي عربية

نو وااااااااااي لازم هيخبطها

دنا حتي بفكر كل ميجيلي اكتئاب اروح الزحاليق دي

الغريب بقي اني بشوف ميكروباصات معدية بسرعه ولا بتتزحلق ولا اي حاجة

انا اول مرة اعدي منه كنت سرحانه وكنت عاوزة ادخل شمال

والعربية فعلا حودت شمال

استغربت اوي بعدها لاني مكنتش ماسكة الدركسيون اساسا

فهمت بس ساعتها المصيبة

[أحمد كمال]

كنت سرحانه وكنت عاوزة ادخل شمال

والعربية فعلا حودت شمال

استغربت اوي بعدها لاني مكنتش ماسكة الدركسيون اساسا

فهمت بس ساعتها المصيبة

انا ضحكت لحد ما دمعت ...... هاهاهاهاهاهاها العربية فعلا حودت بس اانا ما كنتش ماسكة الدركسيون هاهاهاهاهاها

[lancerevolution]

خلى بالك كمان و أنت خارج من البنزينة تمشى شوية براحة عشان العجل بيبقى علية زيت و جاز و بنزين و الحاجات الحلوة الى بتبقى على الأرض دى و بتخلى الكاوتشات بتزحلق فمشيك براحة بيقلل فرص الزحلقة دقيقتين لحد لما الكاوتش ينشف

[ahmedhilmy]

ربنا يسترها معانا جميعا بجد في بلدنا الحلوة دي

[ahmad alshaaer]

انا وانا راجع من اسكندريه على كوبري العامريه نزول وفي الملف وفوجئت انه في زيت وكان معايا كل الاسره والعربيه جات تتزحلق فمسكت نفسها والله انا مش عارف ايه سبب انها مالفتش
طبعا الاول ستر الله علينا



واعتقد ان بعد ربنا ان العربيه فيها ebd لكن هو هل ممكن يمسك العربيه كده ؟

تحياتي

[medo55]

تفتكرو بقع الزيت دى مقصوده ؟؟؟؟؟

[BassamHafez]

تفتكرو بقع الزيت دى مقصوده ؟؟؟؟؟

انا اعتقد انه اهمال اكتر من انه يكون مقصود

يعني عدم العنايه بالتانكات اللي بتنقل المواد دي والتاكد من عدم وجود تسريب فيها ما بقاش موجود اصلا

ده الواحد ساعات بيبقى ماشي ورا عربيه فيها ميه وعماله الميه تنزل منها بشكل ملفت يعني على ما هاتوصل المكان اللي هي رايحاه هتكون خلصت وده بيحصل مع بعض العربيات اللي بتنقل زيوت برضو

وبما ان احنا عندنا كل المسئولين نايمه على ودانها وارواح الناس رخيصة والجنيه غلب الكارنيه على رأي اللمبي يبقى المعادلة كده اكتملت (اهمال + فلوس + مسئول غير مسئول = فساد شامل)

[BassamHafez]

في شارع بمشي منه ماشاء الله ولا كاني في دريم بارك


كله ورش وحارتين بس

بس الجدع يمشي جنب اي عربية

نو وااااااااااي لازم هيخبطها

دنا حتي بفكر كل ميجيلي اكتئاب اروح الزحاليق دي

الغريب بقي اني بشوف ميكروباصات معدية بسرعه ولا بتتزحلق ولا اي حاجة

انا اول مرة اعدي منه كنت سرحانه وكنت عاوزة ادخل شمال

والعربية فعلا حودت شمال

استغربت اوي بعدها لاني مكنتش ماسكة الدركسيون اساسا

فهمت بس ساعتها المصيبة

عموما حمدالله على سلامتك وخللي بالك المرة الجاية لأن الموضوع فعلا ملحوظ