وفاة مايكل جاكسون بسكتة قلبية!!

[Abo_Lina]

بمناسبة الموضوع ده و هدية ل tyler durden باشا ( منفسكش تشوف مدام حمدية ؟ ههههههه )
هدية للمصريين اللي عاصروا الأغاني الأجنبي قبل ظهور الإنترنت و الدش

شايف المذيعات كانوا عاملين ازاي
قارن بقى مع أي مذيعة تافهة فارغة الرأس بتقدم برنامج فيديو كليب دلوقتي


بس و الله كان البرنامج ده له متعته الخاصة و كنت ببقى قاعد مبسوط اوي و متابع باهتمام..
و فرحان إني قدرت أسهر كده

شعور مفتقده دلوقتي مع وجود الكثير من قنوات الأغاني

[Abo.Omar]

انا لله وانا لله راجعون
الله يرحمه

[هيثم]

شايف المذيعات كانوا عاملين ازاي
قارن بقى مع أي مذيعة تافهة فارغة الرأس بتقدم برنامج فيديو كليب دلوقتي


بس و الله كان البرنامج ده له متعته الخاصة و كنت ببقى قاعد مبسوط اوي و متابع باهتمام..
و فرحان إني قدرت أسهر كده

شعور مفتقده دلوقتي مع وجود الكثير من قنوات الأغاني

تخيل فى مصر كلها
مكانش فيه الا هو و برنامج العالم يغنى
سهره الحد
كانت بتبقى سهره ممتعه قدام التليفزيون
مش النهارده مليون قناه و ما تلاقيش حاجه على مزاجك تتفرج عليها

[M.almaghraby]

والله قلبتوا المواجع.....

مش عارف متضايق جدا جدا ان ايام زمان عدت بسرعة كدا

[M.almaghraby]

great song for micheal

http://www.youtube.com/watch?v=euc93KImtKI

[M.almaghraby]

http://www.youtube.com/watch?v=JVZkhBL679U&feature=related

[Abo_Lina]

Earth song لما بسمعها بحس إن شعر راسي بيقف بجد

[M.almaghraby]

اغنية وهم ,, بسمعها من وانا في ابتدائي و عمري ما نستها او زهثت منها... و الريمكس بتاعها رائع

شكرا يا مايكل عاللحظات الحلوة دي و ربنا يغفرلك

[MoToRiZeR]

فعلاَ the earth song خاصة الجزء السريع فيها يخلي الواحد جسمه يقشعر كل مرة يسمعها .

[Abo_Lina]

أغنية عبقرية بمعنى الكلمة و لا يمكن يغنيها حد غير M J
يا سلام على الجيتار وهو (بيتكلم) مع مايكل في الكوبليه الثاني من الاغنية قبل ما يقول What have we done to the world? و يفضل مكمل معاه
تحس إن الجيتار بيحاوره و بيواسيه

[M.almaghraby]

اغنية تحفة........... و ليها هدف و رسالة....

و history كمان انا بموت فيها و دايما حاططها فالعربية الريتم بتاعها سريع جدا كانه trance بس مش اي ترانس طبعا

[Abo_Lina]

ده الفرق بين فنان عادي و فنان عبقري
احنا بنتكلم في أغاني بقالها ١٠ او ٢٠ سنة و كل ما تسمعها تحسها بإحساس مختلف و تكتشف فيها حاجة جديدة

[MoToRiZeR]

و كمان الكليب بتاع thriller سنة 82 ( من 27 سنة )
كان الأول من نوعه في عالم الفيديو كليب و فتح سكك جديدة للإبداع بالنسبة للمخرجين في الكليبات .

[M.almaghraby]

كمان الكليب بتاع thriller

الالبوم الذي حقق اكبر مبيعات في ناريخ الفن العالمي

65 الف البوم حسب موسوعة جينيس

[Abo_Lina]

فعلا ال ميك أب الي مايكل كان حاطه في أخر thriller ينفع في أجمد أفلام الرعب الحالية..