قانون الاجازات الجديد

[Samah AbdAllah]

سياسة الإجازة 'المرضية'

المــــرض

لن نقبل أي عذر من الطبيب للإثبات عن مرضك. نحن نؤمن أنه إذا استطعت الذهاب إلى الطبيب فبإمكانك المجيء إلى العمل






العملية الجراحية

نحن لن نسمح بهذا بعد الآن، ونأمل أن لا تفكروا في إجراء أي عملية جراحية. نحن نؤمن أنه طالما كنت موظفا عندنا فأنت بحاجة إلى كل ما تملك من أعضاء ولن تفكر في إزالة أي منها.






حالة الوفاة

إذا لم تكن أنت المتوفى والإجازة مرتبطة بحضور جنازة قريب لك فالعذر مرفوض لأنك لن تستطيع عمل أي شيء له. ونحن واثقين لوجود شخص أخر يمكن أن يحل محلك لحضور المأتم، ولكن في حالة أن يكون المأتم مساء، نحن يسعدنا أن تعمل خلال فترة راحة الغداء وندعك تستأذن قبل ساعة من موعد انصرافك. مع التأكد أن العمل سوف يستمر دون أي مشاكل بغيابك.

وفــــاتــــك

في هذه الحالة سوف نقبل عذر غيابك ولكن نحن نطلب إبلاغنا على الأقل قبلها بأسبوعين. لأننا نشعر أنه من واجبك أن تدرب بديلك



نحن نقدر تعاونك معنا الادارة

[amrico]

ياخبر ابيض

الكلام ده بيتطبق في اي شركة ولا مصلحة؟

شكرا على الموضوع

[M.Mostafa80]

ههههههههههههههههه
دا عند مين القانون ده أعتقد أنو واحد مخو رايح منو بس أفتكر انى كنت بشتغل فى مكان قبل كدا صاحب الشغل كان مفوت وبيتكلم فى حاجات زى دى كدا أننا قبل ما نتعب نبلغه هههههههههههههههه طبعا ماكملتش سنتين فى المكان وكنت نافد بجلدى منو ربنا يشفى أصحاب العمل

[ainshouka]

مش غريبة ولا مستبعدة ان كنا بنسمع عن طلبات غريبة زى ( هاتلنا اثبات ان حضرتك عايش ) و ( ان ابوك هو ابوك) وفيه واحد عمل كشف طبى ان ابوه معاق وهو مصاب بامراض الدنيا كلها ولما راح الكومسيون ووقف قصاد الدكتور قاله بتشتكى من ايه قاله نفسى تعبان ومكتوم ومش قادر اخده قاله هات لنا اثبات بكده

[نور العمر]

ما شاء الله
طب مفيش نظام نص الوقت

[Samah AbdAllah]

عند مامتى فى الشغل الاجازة العارضة اللى المفروض معمولة عشان الناس لما يحصلها ظرف مفاجئ تاخدها لا عندهم لازم يقدموا قبلها ان هيحصلهم ظروف مفاجئة وعاوزين اجازة عارضة

[ASKAFRAWY]

وفــــاتــــك

في هذه الحالة سوف نقبل عذر غيابك ولكن نحن نطلب إبلاغنا على الأقل قبلها بأسبوعين. لأننا نشعر أنه من واجبك أن تدرب بديلك



نحن نقدر تعاونك معنا الادارة

دى ادارة ايه دى بس الحاطة النظام الجميل دة!!!
وياترى ابلغ مين فى حالة الوفاة بقى وادرب بقى زميلى قبل الوفاة ولا بعد الوفاة ولا اخوا معايا التربة ادربه!!!

[salsola]

دى تبقا كارثة ومحدش يشتغل احسن

[jisso82]

بصراحة أنا مش عارف أرد بس أان اتخانقت قبل كده بسبب استعباط شركة سابقة فى موضوع الأجازات ده
طبعا شركات كتير بيستهبلوا و بيحسبوا أيام الأجازات الرسمية اللى فى نص الأجازة من ضمن رصيد أجازاتك و تتخصم منك
يعنى زى اللى ياخد مثلا من الأربعاء للأحد فيه فى النص جمعة و سبت الشركة تعمل عبيطة و مالهاش دعوة و بدل ما يتحسبه 3 أيام يتحسبه 5. شركتى اللى فاتت بقى كانت أشطر بكتير لو انت رجعت الشغل فى يوم أجازة تتضاف لأجازاتك يعنى لو واخد مثلا من الخميس للخميس فى العادى المفروض يبقوا 6 أيام بمثال الاستعباط السابقة هيبقوا 8 أيام بنظام الشركة اللى عايز أقولكم عليها هيبقى 10 أيام ليه بقى عشان بيحسب غير الجمعة و السبت اللى فى النص كمان الجمعة و السبت اللى فى الآخر و لما اتخانقت قالولى أصل الشيرمان ما بيححبش حد يستغل الأجازة بالمنظر ده و الحركة دى بتنرفذه جدا و مش عايز خالص حد ياخد أجازة قبل أجازة رسمية.

[أحمد كمال]

قالولى أصل الشيرمان ما بيححبش حد يستغل الأجازة بالمنظر ده و الحركة دى بتنرفذه جدا و مش عايز خالص حد ياخد أجازة قبل أجازة رسمية.

و ما قلتلهمش اياكش التشيرمان هو و البورد يولعوا؟

[أبو صلاح]

ياساتر يارب
ربنا ما يحكمك على ولايا

[احمدعبدالعزيز]

يعنى من الاخر مفيش حاجه اسمها اجازه

[seaman]

الموضوع ده منقول وكان لازم تنوهى يا بسكوته

[abzoabzo]

غير مسموح بالمرض خارج الاجازات السمية


ولو جالك ايدز تتعالج منه جمعة وسبت وحذارى تقفل تليفونك فى الاجازة السنوية

للاسف الكلام ده بيطبقك عندنا وليك 3 مرضى خلال السنة وعلى مزاج الحسابات يحسبوها او لا لا لا لا لا

[abzoabzo]

غير مسموح بالمرض خارج الاجازات الرسمية


ولو جالك ايدز تتعالج منه جمعة وسبت وحذارى تقفل تليفونك فى الاجازة السنوية

للاسف الكلام ده بيطبقك عندنا وليك 3 مرضى خلال السنة وعلى مزاج الحسابات يحسبوها او لا لا لا لا لا