حد راح مرسى مطروح قريب؟

[OlaOsman]

كنت عايزة آخد فكرة عن الخدمات هناك. انا سمعت ان مافيش مياه شرب هناك، الكلام ده صح و لا لأ؟

كمان اللي عنده فكرة عن أسعار الشقق و الفنادق هناك ياريت يفيدني بيها و يا ترى الفندق أحسن و لا شقة ع البحر؟

شكرا جزيلا

[نور العمر]

احجزي في فندق مبارك يا علا جميل جدا هو قوات مسلحة وسعره كويس للمدنيين بردو 0464935125
احجزي في مبارك وليس أحمد بدوي
جميل وكبير وفيه بسين وقريب من البحر وفي منطقة حيوية

المياه هناك مش للشرب وده من زماااان جدا
بتشتري مياه معدنية
وبتطبخي بمياه معدنية بردو

رحلة سعيدة

[Abo.Omar]

فعلا زى ما نور بتقول بالظبط بس دلوقتى بقى فيه محطتين تحليه فى كليوباترا والتانيه مش فاكر فين بالظبط لكن الباقى كلللللللله فعلا بتضطرى تشترى معدنيه
بس ايه اخباره الطاعون هناك؟؟؟؟؟؟؟؟

[نور العمر]

هو أكيد فيه قلق من موضوع الطاعوون ده لان مطروح قريبة من ليبيا
ومنفذ تجاري للبلدين

ربنا يستر

والله انا مش مع المصيف السنة دي
اولا رمضان داخل في اغسطس
ثانية وقاية من الانفلوانزا
ووقاية من الطاعوون

نبقا نشتي في اسوااااان

[AboELsoud]

فندق مبارك فعلا من انضف الفنادق و احنا بنروح هناك على طول
المياه لازم معدنيه طبعا ....... و الفندق بيبيع هناك ازازه 10 لتر فمش لازم تشتري من بره

[dr.ayman]

لو سمحتوا يعنى الاسعار كام تقريبا ؟؟؟

[نور العمر]

لو سمحتوا يعنى الاسعار كام تقريبا ؟؟؟

بالنسبة لمبارك رقم التليفون فوق حضرتك ممكن تسأل
لانه بيختلف من سنة لسنة بالنسبة للمدنيين

[Dr_Ahmed_Abdelghany]

أناا لسه راجع النهارده من هناك
كنت نازل فى فندق اسمه باب البحر فى حى الفيروز واخد شقة فيه حجرتين على البحر مباشرة ، التكلفة كانت 160 ج فى الليلة ، لا توجد خدمات إضافية غير التنظيف والمصعد
الحركة فى البلد عادية ولا توجد أى إصابات طاعون ولا غيره
الماء نقى جدا خاصة فى الأبيض
الجو جميل جدا جدا
السينمات والملاهى والتسوق جميل جدا
المرور هناك يطبق القانون الجديد بحذافيره فيجب الانتباه

[icehearted girl]

الاسعار هناك يا علا مفيش ارخص من كدا بجد

بس المية لازم معدنية


لاتصلح للشرب مطلقا

هي بس الرخامة ف المشوار

[MoToRiZeR]

المكان جميل جداَ و الأسعار جميلة بس مياه الشرب لازم معدنية إحتياطياَ .
انا أهلي رايحين إنهاردة الفجر بس انا مش فاضي للأسف .

[umoussa]

كنت عايزة آخد فكرة عن الخدمات هناك. انا سمعت ان مافيش مياه شرب هناك، الكلام ده صح و لا لأ؟

كمان اللي عنده فكرة عن أسعار الشقق و الفنادق هناك ياريت يفيدني بيها و يا ترى الفندق أحسن و لا شقة ع البحر؟

شكرا جزيلا

الي أنا أعرفه إن فيه مقلة لب أبيض مشهورة أسمها نصر

مطروح دي أنا رحتها من 20 سنة وكانت رحلة عذاب لا مية ولا نور وناموس وحاجة......................................

[kemo0o]

الي أنا أعرفه إن فيه مقلة لب أبيض مشهورة أسمها نصر

مطروح دي أنا رحتها من 20 سنة وكانت رحلة عذاب لا مية ولا نور وناموس وحاجة......................................

فيه اكتر من واحدة اسمها نصر على فكرة

مطروح دلوقتي ممتازة بس مياة الشرب لازم مياه معدنية
الجو بتاعها رائع والبحر مافيش أحسن منه
انا بروح كل سنة في شهر 4 وبتكون فااااااااااااااااااااااااضية جدا جدا بس في الصيف هتكون زحمة قوي - بس يمكن الناس تخاف تروح عشان الطاعون

الاسعار بتاعت السكن معقولة واسعار الاكل زيها زي القاهرة مافيش فرق كبير
رحلة سعيدة ...

[OlaOsman]

شكرا جزيلا على الردود و على الاهتمام