شهدت منطقة حلمية الزيتون بمحافظة القاهرة واقعة غريبة للغاية

[evoo90]

افتكرت اللى بالى بالك
فيحاء فيحاء فف ي ااااااااااااه هو روميو ده كان عبيط ولا ايه
هههههههه
بس هو لسه فى حب كده؟

[Sharky]

أنا عايز اعرف هى دى حتبقى اخر خناقة له مع مراته

و لا كلها كام شهر و ينسى الموضوع و يتخانق تانى
ساعتها بقى حيصالحها إزاى بقى ؟؟؟

[OlaOsman]

أنا عايز اعرف هى دى حتبقى اخر خناقة له مع مراته

و لا كلها كام شهر و ينسى الموضوع و يتخانق تانى
ساعتها بقى حيصالحها إزاى بقى ؟؟؟

مظبوط

[elassar2010]

انا شفت جزىء من الحلقة الى سمعتة ان الخناقة كانت على مصروف البيت يعنى مافيش فلوس!!!
جاب فلوس الاعلان دة ازااااااااااااااااااااااااااااى

[kh_talaat]

الصراحه راجل فُضحي

[Osama_I]

على كده انا بعد اللى عملته فى مراتى المفروض أعملها لوحة فى استاد القاهرة .....
على فكرة المفروض مراته مكانتش تقبل بحاجة زى كده لأن هى كده بتهين جوزها قدام الناس.
ثم المفروض المشاكل الزوجية تتحل بيين الزوجين بدون علم أى مخلوق.
ثم بعد 10 سنين دى أول مرة يزعلها؟؟؟؟؟

[Mzeid]

طيب ليه لازم يعرف الحي كله انه زعلان مع مراته و يعملوا فضايح ..
إذا بليتم فاستتروا ..
ربنا أمر بالستر ..

[YaSSerwIN]

اية دة اية دة من الحلمية ومشوفتهاش ازاى
دة كان فين الكلام دة

[هيثم]

فكرت كتير
و لم اجد سبب كافى لهذا الهجوم
الرجل لم يخالف شرع الله
ولا اعراف المجتمع
ولم يسبب اى ايذاء

هو حر يعمل االلى هو عايزه

هو عشان الفكره فيها حته غربى
تتهاجم كده

[M.Osman]

شكله عارف معتز الدمرداش ... و قال يعمله فقرة إعلامية وهمية!!

[نور العمر]

امس كنت بشاهد برنامج 90 دقيقه ووجدت شئ اعجبنى جدا
وهو زوج يصالح زوجته بكتابة يافطه لها طولها 12 متر وعرضها 7 متر ليكتب فيها الاعتذار
ويقول لها سامحينى ومش هعمل كده مرة اخرى وان هو مش هيئدر يعيش من غيرها
الزوجه ريهام والزوج ايهاب
منطقة حلمية الزيتون بمحافظة القاهرة واقعة غريبة للغاية ، عندما رفع رجل لافتة اعتذار لزوجته في الشارع يبلغ طولها 12 مترا وعرضها سبعة أمتار ، تختلط فيها عبارات الحب بوعود الحياة
الزوج استعان بمجموعة من العمال في رفع اللافتة المكتوبة باللغة الانجليزية ، كما استعان بفرقة موسيقية لتعزف أشجى الاغاني الرومانسية بمجرد إطلال الزوجة من شرفة المنزل.
الزوج استعان بمجموعة من العمال في رفع اللافتة المكتوبة باللغة الانجليزية ، كما استعان بفرقة موسيقية لتعزف أشجى الاغاني الرومانسية بمجرد إطلال الزوجة من شرفة المنزل.
الواقعة شهدت تجمع عدد من الصحفيين وكاميرات الفضائيات بدعوة من الزوج إيهاب معوض الذي يعمل مهندس ديكور ، وذلك ليكون الاعلام شاهدا على "أغرب صلح زوجي في التاريخ" ، كما وصفه الزوج
عن الزوج قوله: "زي ما أنا زعلتها أمام عائلتها ، قلت لازم اعتذر لها بس أمام الملايين".
وكانت مشادة كلامية بين إيهاب وزوجته ريهام تصاعدت إلى خصام ثم طلب للانفصال ، وكان تفسيره لتمسكها بطلبها هو أنه جرح مشاعرها أمام أفراد أسرتها وأمام ابنيهما ، ففكر في الطريقة التي يصالحها بها ثم هداه تفكيره إلى عمل لافتة الاعتذار أمام البيت حتى يفاجئها حين تدخل الشرفة.

وبعد "حفل الاعتذار العلني" استقبلت ريهام زوجها بعبارة واحدة: "أنا مش محتاجة كل ده. بس أوعدني ماتعملش كده تاني".


فعلا احنا محتاجين الجو ده والرومانسيه ديه خصوصا فى رتم الحياة السريع اللى خدنا من كل حاجه حلوة ونسانا اداميتنا
ربنا يهني كل زوج وزوجته ويسعدهم


ممنوع الكتابه باللون الاحمر حيث انه مخص لمداخلات الاداره فقط
مشرف عام 1

[kloda]

حتاخد علي كدة و لو زعلها تاني حتتعود علي انو هو الي بيصالحها مش هي
و كمان بيبتكر اساليب
و الله راجل اهبل مش حتحترمة بعد كدة

[أبو صلاح]

مهو طبعا البنات والستات لازم يعجبهم الكلام ده
طبعا انتي كنت بتتمنى تكوني مكانها صح ؟

[أبو صلاح]

حتاخد علي كدة و لو زعلها تاني حتتعود علي انو هو الي بيصالحها مش هي
و كمان بيبتكر اساليب
و الله راجل اهبل مش حتحترمة بعد كدة

مع احترامي لرايك يا سيدي
الموضوع رومانسي تماما بغض النظر عن الاحترام
والراجل هو اللي ابتدى الاهانة ليها قدام الناس وقدام ولادها
وقرر برضه انه يصالحها قدام الناس
وبعدين موضوع الصحافة والاعلان اللي هو استدعاهم مين فينا ميتمناش الشهرة خصوصا لو كانت بالطريقة الرومانسية دي

[A_H_M_A_D]

لو كل واحد زعل مراته عمل كده كان زمان الشوارع كلها يفط و لا الإنتخابات
و كانت كل الفرق الموسيقية اللي في البلد مش حاتلاحق على الشغل