أفلام الصيف .... هي كلها كده

[kemo0o]

يعني كانت السينما مكان الواحد يروح ساعات يفك فيه عن نفسه بعد ضغط الامتحانات ... احيانا مع اني مش محبي السينما اصلا بس اصحابي كانوا بيضغطوا عليا لدرجة انهم ساعات بيدفعوا لي عشان ادخل ...

المهم انا مش عارف ليه صفة النكد والحزن ماشية في افلام الصيف ده زي مايكونوا مستكترين علينا الضحك ؟؟ هل فعلا زمن الضحك انتهى !!
يعني بداية فيلم عمر وسلمى يعتبر من الافلام اللي ممكن تضحك فيها ولكن فيلم بدون هدف تحس انه مبني على مافيش >>> زي مايون الفيلم طلع صدفه

بوبوس ......... تاااااااااافه لابعد الحدود وغير المتوقع من عادل امام

بدل فاقد ... لسه ماشفتوش ومش نااااااااااااااوي

ابراهيم الابيض -- مش عارف اصلا ايه الفيلم ده ؟؟ عليه العوض ياسقا الفيلم كله قتل ودم وحاجة تقرف .. يعني الجزيرة كان ممتااااااز جدا جدا انما ده ؟؟

وامبارح قلنا نجرب الفيلم اللي ممكن يكون فيه حاجة تفرح او تضحك ودخلنا فيلم الفرح وللاسف ولا فيه حاجة من الفرح

الفيلم كلة نكد في نكد ....... والنهاية بتاعته خلصت في 3 دقايق والتترات النهائية نازلة .....

ومازال الامل متعلق بأجمد حلمي فهل ياترى هيخيب ظننا ويتبع الاساوب الجديد في السوق -- أسلوب الغم والنكد والحزن ؟؟؟

-- دي وجهة نظر شخصية واحترم جميع وجهات النظر --

[pharonicking]

كلها افلام تعبانة وبلا هدف"""

[M.Osman]

انا عايز اقول لحلمي بلاش ستايل أسف عالإزعاج تاني ..شكراً

[M.almaghraby]

افلام هابطة اساسا

[kemo0o]

انا معاكم انها افلام هابطة ومالهاش طعم
بس انتوا عارفين لو هابطة وممكن تضحكك كانت تبقى مقبولة شوية
انما نكد وغم وكمان افلام تي كلام اهو ده اللي مش ممكن ابدا

[itsonlyme]

أنت فاتك اكتر فيلم نكد في ال 15 سنة اللي فاتو من عمر "الصحوة السينيمائية المصرية المعاصرة".

دكان شحاته، رغم ان الفيلم عجبني (بغض النظر عن هيفاء)، لكن أحلى تعليق سمعته على الفيلم انه "ملطمة".

بعدين مش كلا الأفلام دي هابطة. دكان شحاته، ومهما كان موقفك من أخلاقيات خالد يوسف، استحالة يتصنف على انه فيلم هابط.

فيلم الفرح ناجح نقدياً وجماهرياً. فيلم يخلو من الاسفاف بعكس ما توحيه اعلاناته.

عادل امام مش غربب عليه التفاهة. عادل امام عمل كل أنواع الأفلام.

من فيلم سياسي سودوي قاتم زي "احنا بتوع الأوتوبيس" لفلم هابط زي "رسالة الى الوالي" أو "التجربة الدنماركية".

[itsonlyme]

كلها افلام تعبانة وبلا هدف"""

حضرتك شوفت اي فيلم فيهم أو على الأقل سمعت رأي شخص شاف الفيلم وتثق فيه وفي رأيه؟

[Bossy_Fadl]

بدل فاقد ... لسه ماشفتوش ومش نااااااااااااااوي

ليييييييييه مش ناوي

انا في رايي بدل فاقد من افضل افلام الموسم

فعلا ما كان عندي ادني نيه اني ادخله بس تحت ضغط اللي كانوا معايا دخلته و فعلا خرجت مستمتعه جدا

ما بدي احرق الفيلم لكن التصوير و المونتاج فيه تحفه بمعني الكلمة و كان محتاج حرفيه عاليه عشان يطلع بهالشكل

لازم تشوفه لتفهم انا شو قصدي بس عشان ما احرقهوش عليك

أنت فاتك اكتر فيلم نكد في ال 15 سنة اللي فاتو من عمر "الصحوة السينيمائية المصرية المعاصرة".

دكان شحاته، رغم ان الفيلم عجبني (بغض النظر عن هيفاء)، لكن أحلى تعليق سمعته على الفيلم انه "ملطمة".

بعدين مش كلا الأفلام دي هابطة. دكان شحاته، ومهما كان موقفك من أخلاقيات خالد يوسف، استحالة يتصنف على انه فيلم هابط.

فيلم الفرح ناجح نقدياً وجماهرياً. فيلم يخلو من الاسفاف بعكس ما توحيه اعلاناته.

عادل امام مش غربب عليه التفاهة. عادل امام عمل كل أنواع الأفلام.

من فيلم سياسي سودوي قاتم زي "احنا بتوع الأوتوبيس" لفلم هابط زي "رسالة الى الوالي" أو "التجربة الدنماركية".

الله ينور علي حضرتك

مش راح زيد علي كلامك

[OlaOsman]

أما عن عادل إمام.. فهو ده عادل إمام.

و أما عن أفلام الصيف فالملاحظ و بشدة هو غياب الأفلام الكوميدية و لأول مرة عن الموسم الصيفي، يمكن عشان قطبي الكوميديا محمد سعد و محمد هنيدي ما نزلوش بحاجة الصيف ده.

في انتظار نزول فيلم احمد حلمي، يمكن يعمل حاجة وسط غابة الكآبة و الدم و العنف اللي الأفلام فيها دي.

[aliabutaleb]

بس انا شايف الفرح مش بالسوء ده والله يا جماعة :)

[amrico]

طيب ياجماعة رشحولي فلم ينفع لعائلة انها تدخله ومعاهم اطفال بدون اي إحراج

[M.ABDEEN]

الافلام دلوقتي نوعين
1- كوميدي بهبل وعبط واستخفاف بالاخرين وبلا هدف او فائدة
2- افلام فيها شوية خلاعة واباحية لجذب الجمهور وبرده بلا هدف
وفي كلا الحالتين هما المستفيدين بتخسر وقتك وفلوسك وتاخد ذنوب

[Terrible_DaRsH]

انا مقاطع الافلام المصرية كلها .

كان اخر فيلم دخلته بدون رقابة و شكرا على كدا كــــــفـــــــايــــة افلام مصرية .

الافلام الكوميدية عبارة عن شوية بهلونات بيعملوا اى حاجة علشان الناس تضحك و خلاص و احمد حلمى لو معملش اعلان عن فيلمه الجديد برده الناس هتدخله و هى مغمضة عنيها يا كدا يا ميبقاش الشعب ده مصري .

فى مصر الناس بتدخل السينما علشان الممثل مش الفيلم .

[abzoabzo]

فيلم احمد عز
جامد جدا


تدخله مع خطبتك \ زوجتك \اطفالك مفيهوش مواقف جارجة وقصة مدروسة والعبط اللى موجود فى الافلام العربى

من مدمن افلام سيبك من الافلام الكسر اللى حضرتك ادبست فيها

[Samah AbdAllah]

بدل فاقد فيلم رائع بجد وجميل واحمد عز دايما بيقدم افلام جميلة الفيلم قصته قدمت بنفس التيمة من قبل فى السينما لكن معالجته مختلفه

دكان شحاتة فيلم ابعد ما يكون عن الاغراء وعن كل اللى اتقال عنه واى حد اتكلم عنه مثل هذا الكلام ماشفش الفيلم وماشى ورا الفرقعة الاعلامية

الفرح مشوفتوش وماتعودتش احكم على اى فيلم ماشوفتوش
بوبوس مشوفتش حتى اعلانه

بس لولا اختلاف الاراء لبارت السلع