عاوز مساعدة من الاخوة الاعضاء

[Mido80]

السلام عليكم جميعاً اعضاء وعضوات المنتدي. انا بقالي فترة بعيد عن المنتدي لظروف عملي بس اليوم لما رجعت مكتبي تاني كان لازم ادخل واشوف الناس الحلوة اللي وحشوني كتير وكمان لاحظت ان فية اعضاء جدد كتييييير ما شاء الله.

المهم انا نازل اجازة لمدة شهر بداية من 12/07/2009 القادم بأذن الله ومحتاج أأجر سيارة كرولا او لانسر تكون حالتها نظيفة ويستحسن لو تكون اوتوماتيك. فيا ريت لو اي حد من الاعضاء الكرام يقدر يساعدني في الموضوع دة سواء لو حد عندة مكتب او يعرف حد عندة مكتب بيأجر وبأسعار مناسبة.

شكراً جزيلاً...

[أبو إياد]

حدد المده والميعاد وانا اقدر اجيب لك سياره لانسر اوتوماتيك من واحد موثوق فيه

[Mido80]

الف شكر يا محمد باشا علي تجاوبك مع الموضوع. انا يا سيدي نازل يوم الخميس 9 /7/2009 وعاوزها بداية من الجمعة 10/7 او السبت 11/7/2009 الي 6/8/2009 يعني حوالي 23 يوم

[أبو إياد]

انا اتصلت بيه وقالى لو اوتوماتيك يبقا لانسر او النترا
لانسر 2008 او النترا 2009
لانسر = 160
النترا = 200
100كم والزياده بخمسون قرش

وتوصل بالف سلامه

[Ahmed Selim]

تجربه ايجار سيارة من Europcar

تجربه ايجار سيارة للمرة التانيه من Europcar

مع كامل أحترامى للأستاذ محمد عزت طبعاً

هى الشركة ممكن تكن أغلى شوية بس لو لا قدر الله العربية عملت حادثة...هتدفع 300 دولار بس.......حتى لو توتال لوس total loss يعنى بصراحة هتبقى ماشى و مش قلقان و دى لوحدها بفلوس و بتبقى غير محددة الكيلومترات.

العربية كان مأجرها 10 أيام ب 220 جم اليوم.......يعنى أنت المفروض تاخدها أرخص لأنك هتاخدها 23 يوم.

[dode2002]

تجربه ايجار سيارة من europcar

تجربه ايجار سيارة للمرة التانيه من europcar

مع كامل أحترامى للأستاذ محمد عزت طبعاً

هى الشركة ممكن تكن أغلى شوية بس لو لا قدر الله العربية عملت حادثة...هتدفع 300 دولار بس.......حتى لو توتال لوس total loss يعنى بصراحة هتبقى ماشى و مش قلقان و دى لوحدها بفلوس و بتبقى غير محددة الكيلومترات.

العربية كان مأجرها 10 أيام ب 220 جم اليوم.......يعنى أنت المفروض تاخدها أرخص لأنك هتاخدها 23 يوم.

انا اساسا مبرجحش فكره التأجير انما لو بالشروط دي يبقي مفيش مشكله
لان الي بيقلقني من مواضيع التأجير الشيكات ووصلات الامانه ومشكله لو خبط
وبعدين بتيقي ماشي قلقان خليك في الحل ده احسن حتي لو اغلي بس تبقي ماشي مستريح ومفيش قلق ووجع دماغ

[أبو إياد]

ياباشا صدقنى انا لما اتصلت وسالت سالت اللى اعرفه لكن انا عن نفسى عمرى مأجرت عربيه رغم انى كان عندى مكتبين ايجار من قبل وسيبت المجال ده لكن انا طبعا ليا علاقتى من مكاتب كنت بتعامل معاها واى عميل كان بيتعامل معايا باعرفه على المكاتب المحترمه دون اى فروق اسعار او عمولات
بدليل ان فتره شهر 7 عربيه لانسر استحاله تقل عن 200ج حتى لو 30 يوم
والنترا لا يمكن تقل عن 250ج وسعر الكيلو متر الزياده بيبداء من واحد جنيه ويصل الى 1% من قيمة الايجار واذا وجدت السياره اساسا.

والراجل قالى على الاسعار دى على اساس انى اطلع عموله ليا لكن طبعا علشان انا سيبت المجال ده مش هاخد ولا عموله وحاجه بالعكس انا هاكون سعيد لما احس انى خدمت واحد محتاج مساعده او استفسار مش اكتر ,خصوصا انه من نايل موتورز .

وطبعا فى شركات ليموزين كتير غير المكاتب ولو شركة ليموزينه يبقى avis افضل شركه بصراحه تاخد منها عربيه .

[Mido80]

انا اتصلت بيه وقالى لو اوتوماتيك يبقا لانسر او النترا
لانسر 2008 او النترا 2009
لانسر = 160
النترا = 200
100كم والزياده بخمسون قرش

وتوصل بالف سلامه

طب مش ممكن بدل الانسر 2008 لانسر 2004 او 2005 او 2006 يعني سعر خفيف شوية يعني في حدود 100 او 120 جنية وكمان يا ريت لو يلغي موضوع العداد (100كم) فقط والزيادة ب 50 قرش دي.

[أبو إياد]

اقل موديل للانسر موجود 2007 وسعرها هايكون 150 ج

وبالنسبه للكيلو متر انت هتاخد العربيه 23يوم ياعنى من حقك 2300 كم

ياعنى لو عملت فى يوم 300 كم مش هاتعملهم كل يوم

ولو الفرق مش كبير مابيكونش فى مشاكل