طلب إحاطة لإنشاء معهد للرقص الشرقي ودينا ترحب للتدريس فيه

[icehearted girl]

تقدم نائب بمجلس الشعب بطلب احاطة بسبب انشاء معهد للرقص الشرقي تابع لوزارة التعليم العالي ويخضع

لإشراف ومتابعة وتمويل من المجلس الأعلى للجامعات.


واعتبر النائب ذلك سماحا بتخريج راقصات شرقيات يحملن مؤهلا جامعيا واعتبر أن طرح الفكرة "يعد في حد



ذاته جريمة لأن الجامعات لها مكانة لا ينبغي أن تقل".


وفي المقابل رحبت الراقصتان فيفي عبده ودينا بإنشاء المعهد واعتبرت الأولى انه سيعطي للرقص الشرقي قيمة


بينما أبدت الثانية استعدادها للتدريس فيه إذا طلبوا منها ذلك مؤكدة أنه خطوة مهمة لإنشاء نقابة الراقصات الشرقيات.
وقال النائب د.فريد إسماعيل في طلب الاحاطة الذي سيناقشه مجلس الشعب مع كل من رئيس الوزراء ووزير



التعليم العالي إن إنشاء معهد للرقص الشرقي تابع لأكاديمية الفنون يعني أنه تابع لمكتب التنسيق أيضًا ويمكن


للطالبات الالتحاق به بعد الثانوية العامة.


وتضامن مع طلب الاحاطة النائب المستقل جمال زهران الذي أكد أن وجود معهد بعد الثانوية العامة لدراسة الرقص

الشرقي أكبر إهانة للتعليم العالي والتعليم كله في تاريخ مصر متسائلا "هل كان عميد الأدب العربي طه حسين

يعرف عندما أطلق "صيحة التعليم كالماء والهواء" أن الوقت سيأتي وتدخل عوالم شارع محمد علي الجامعة

ليدرسن فنون هز الوسط والأرداف ويتخرجن راقصات جامعيات محترفات".

[abdalrahman2009]

ان لم تستحي فاصنع ما شئت

[icehearted girl]

بس يا تري اختبارات القدرات فيه هتكون ازاي؟؟؟


والعملي بتاعه هيكون في انهي ملهي ليلي؟؟؟


وهل هيكون تابع لتتعليم العالي..ام العاري؟؟؟


ولو ان من الافضل ان يكون تابعا لمركز الزلازل

[drhaytham]

اخصصصصصصصصصصصصصصصصصصص

[Jato.33]

أخيراً فكروا فينا وعايزين يخرجولنا راقصات شرقيات
بقالنا أد إيه بنطلب يوفرولنا خريجات متخصصات في هذا المجال الفذ والمطلوب من مختلف طبقات الشباب
لازم يشوفلهم حل عشان إحنا مش عارفين نعيش من غيرهم

ودول هياخدوا مجموع كام ؟؟؟

[icehearted girl]

لا انا اعتقد منعا للكوسة من الافضل يبدأو من المرحلة الابتدائية كتعليم فني متخصص زي الدبلومات كدا

ودول يكون ليهم الاولوية انهم يلتحقوا بالمعهد دا


وبدل مالواحد يقدم طلب عليه ورقة دمغة..يقدمه عليه ورقة بنكنوت

[M.Osman]

احنا في
ج ع ع

على رأي الأستاذ توت

[النوبي]

بالروح بالهز هنجيب منخيركو الارض

[SeiffoZ]

لو أقيم فعلا هتبقى مهزلة!

[Hosam_Optrawy]

وماله

عشان يبقى الموضوع مبنى على أسس ومبادئ

[sab3aawy]

وايه المشكلة
الرقص البلدى فن تاريخى من ايام الفراعنة، من ايام راقصة الدولة القديمة الفنانة:" هز-وسط-رع"
وحتى العصر الحالى الذى اصبح الرقص فيه اسلوب حياه يمارسه كل نجوم الاعلام والأقتصاد والسياسة ، من الرقص على كافة الأحبال الى الرقص على مشاعر رجل الشارع الى الرقص على التيارات السياسية ، كله رقص،
احنا اصلا بلدنا كلها بترقص على السلم ، لا اللى فوق شافوها ولا اللى تحت سمعوها

يبقى ايه المشكلة اننا نعلم الناس الأصول الكاديمية للرقص حتى يتم الرقص بكافه انواعه السالف ذكرها وفقا للأصول القياسية المتعارف عليها والاسلوب الاحترافى العالى الجودة

ويبقى عندنا شباب وبنات زى الورد مؤهلهم الدراسى: ليسانس رِقاصة(بكسر الراء) شعبة هز وسط ، منهم اللى هيشتغلوا بمؤهلاتهم فى الملاهى والمسارح والفنادق والخيم الرمضانية، ومنهم اللى هيتعينوا فى وضائف تانية كما هو الحال فى بلدنا لكن "مؤهلاتهم" دى هتخليهم يرتقوا فى سلم النجاح بسرعة الصاروخ، واللى غيرهم يعمله فى عشر سنين، هم يعملوه فى سنة واحدة ونص

سيبوا الناس تفتح المعهد ، خلينا نتعلم ازاى نعمل الحاجة الوحيدة اللى احنا فالحين فيها بشكل اكاديمى ومدروس

[Terrible_DaRsH]

و برده لو خرجنا رقاصات متعلمين هيروحوا يقعدوا على القهوة لانهم فى حالة ان اشتغلوا مش هياخدوا الاجر ( فلوس ) ..

و الا متبقاش مصر !

[نور القمر]

مش كفاية خلوا اللي يسوى واللي ميسواش بيعايرنا بشارع الهرم والفكرة الزفت اللي واخدينها عن الشارع وسكانه
كمان هايفتحولنا معاهد تعليم رقص علشان ما نقدرش نفتح عينينا في حد بعد كدة
وبدل ما بيقولوا على مصر بلد الازهر هاتبقه بلد الرقص والرقاصين رسمي

[moudy88]

ده على كده كباريهات شارع الهرم هتبقى تبع وزارة التعليم العالي

[هيثم]

حاجه حلوه خالص
ومش بعيد بعد شويه
يقننو بيع المخدرات ( اشمعنا هيا )