أُحبك ...........

[نور القمر]

بالعكس سهل جدا التعبير عن مشاعرك لواحد صاحبك
انتهز فرصة موقف كويس عمله معاك وعبرله عن مشاعرك
اول مرة بس بتكون صعبة علشان مش متعودين عليها بعد كدة الامور بتكون اسهل

[sherif_84]

انا عن نفسى متعقد من الكلمة دى لانى جربتها مرتين والنتيجة فشلت بس بصراحة ياجماعة الكلمة دى ماتنفعش الا مع البنات بس يعنى انا مثلا حبيت واحدة بنت زميلتى او قريبتى فاقولها بحبك انما حكاية الاباء والامهات والاولاد فهى فعلا زى مازميلنا أحمد اتفضل وقال بتبقى تصرفات وأفعال,
ربنا يسهل وأقولها ثالث مرة يااارب بس هى تبقى مقتنعة ( :

[SHNORY]

علي فكره بقي
كلمه احبك سهل جدا انها تتقال زيها زي اي كلمه
المهم هو الكلمه دي بتتقال لمين
وايه المشاعر اللي بينهم
ممكن نظره عين تقول معاني الحب اللي في الدنيا كلها
ممكن احساس باللهفه والواحد بيقول للطرف التاني انت كويس او انت فين او وحشتني
ابتسامه
مسكه ايد
احتضان
حتي لو صباع لمس صباع
حاجات كتير اوي ممكن تعبر عن معاني الحب
المشاعر بتبقي عامله زي الصوره
مجرد احساس بيغني عن الف جمله
بس المهم الكلمه بتتقال لمين وهو مشاعره ايه

[SHNORY]

انا عن نفسى متعقد من الكلمة دى لانى جربتها مرتين والنتيجة فشلت بس بصراحة ياجماعة الكلمة دى ماتنفعش الا مع البنات بس يعنى انا مثلا حبيت واحدة بنت زميلتى او قريبتى فاقولها بحبك انما حكاية الاباء والامهات والاولاد فهى فعلا زى مازميلنا أحمد اتفضل وقال بتبقى تصرفات وأفعال,
ربنا يسهل وأقولها ثالث مرة يااارب بس هى تبقى مقتنعة ( :

علي فكره يا باشا الحب كله تصرفات وافعال
ولو بدات بالكلمه مع واحده حيبقي مصيرها الفشل
انما لو فيه افعال متبادله ومشاعر واحاسيس من بعيد لبعيد
وبعد كده يحصل قرب جميل ظاهره الصداقه وباطنه الاعجاب
وبعد كل ده تيجي تقولها بحبك بس دا بعد ما تتاكد من مشاعرها
اكيد حتلاقي رد

[Mahmoud Saloum]

يا أخت نور القمر الحب احساس بيتحس يعنى ايه؟ يعن الحب هو شعور بالرغبة فى التواصل والارتياح التام والاستعداد للتضحية ببعض الاشياء لارضاء المحبوب كل ذلك يتحول من شعور الى احساس بالحب. وبمجرد هذا التحول يشعر المحبوب مباشرة بحب محبه لان الحب لا يمكن كتمانه و توجد افعال تدل وتبرهن عليه. ربنا قال فى محكم التنزيل اعوذ بالله من الشيطن الرجيم"قُلْ إِن كُنتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ وَاللَّهُ غَفُورٌ رَّحِيمٌ (31) آل عمران
يعنى الافعال هى الدالة والمبرهنة على الحب مش الكلام. كمان كلمة احبك لما بتكتر على اللسان بتفقد معناها وبيقل الاحساس بها. كمان لما الواحد يقول احبك يبقى وصل للنهاية هيقول ايه بعد كده. احلى احساس بالحب بيكون لما تتلاقى العيون و ينطلق بريق الحب فى صمت ليضيئ القلوب بدون ان يتحرك اللسان. وفى الاخر يا نور البنات بالذات المفروض ميطلبوش يسمعوا الكلمة دى ليه؟ لأن الواحد لما بيقولها بيكون الرد من جنسكم اللطيف: "ما بناخدش غير كلام" " اه شغل الاسطوانة" "يبقى اكيد عايز حاجة قول قول بدون مقدمات" "الحب افعال مش كلام" "ودى اصرفها منين" واخيرا "حب ايه اللى انت جاى تقول عليه لما تجيب الخاتم اللى اتفقنا عليه تبقى تتكلم عليه ايه ايه".

[shok]

انتوا بتتكلموا على اية ؟ اية الى حصل لنا

[الريس]

ببساطة
I aveo too

[نور القمر]

واضح ان في اعضاء كتير قرأوا الموضوع بدون تركيز
انا مش بتكلم على علاقات الحب بين الرجل المرأة على وجه الخصوص في موضوعي لكن لا ننكر انها جزء من علاقات الحب المتعددة في حياة الانسان
انا بقول نعبر عن مشاعرنا لكل المحيطين بينا والقريبين من قلوبنا زي اخواتنا واصدقائنا والام والاب اولاً طبعا
انا والدي توفى بعد صراع مع المرض معرتش له عن حبي له الا مرة واحدة وهو في اشد حالات مرضه وكنت شايفه نظرات سعادة وامتنان على وجهه الله يرحمه
وديما عني احساس بالندم كبير فوق ما تتصوروا اني مكنتش بعبر له ن حبي اكتر وفي كل دقيقه وكل ثانية
وبحاول اعوض احساسي بالندم ده مع امي ومع اخواتي واي حد قريب من قلبي حتى الشغالة لا اخجل من التعبيرعن حبي ليها مدام بحبها فعلا

[amrico]

الى كل من يحبني

انا احبك

[eng.octooo]

الحب موجود بس العرب بيتكسفوا يظهروة ظنا منهم انهم كدة نزلوا شخصية الرجل العربى القوية

[medo55]

ممممممممممممم لو صاحبي قالي انا بحبك

( أحبك الله الذي أحببتني فيه )

مره واحده قالتلي بحبك ,,,, رد فعلي عليها كان ( أد ايه ... لقيتها تنحت وسكتت ) ههههههههههههههههههههههههههههه

انا اصلا ماكنتش متخيل منها كدا لانها كانت علاقة زملاء , ومش حاسس اي حاجه من ناحيتها

[medo55]

مكررررررررررررررر

[Eslam.Elrefaey]

حلوة (وأنا كمان) لأى حد طبعا لأ