ازاى تجنن المشرفين؟؟؟؟

[Samah AbdAllah]

ازاى تجنن المشرفين؟؟؟؟


الطريقة دى تجيب الضغط لاي مشرف بأي منتدى بالعالم ...........نبدأ


اكتب الموضوع في قسم غير القسم المناسب ليه خالص

مثال : اكتب موضوع اجتماعى في ورشة نايل موتورز

ويفضــل لو تكتـب عليه (( ارجــوا التثبيـت ))



او خـذ لك موضـوع جـديد من أي قسم انسخـه واكتبـه بإسمك مره ثانيه في نفس القسم

ويفضــل تكتب عليـه ((( فكــره جديــده )))


وماتنساش الاخطاء اللغوية تخلى المشرفين يلفوا وراك فى كل مشاركة يصلحوا اخطاءك

اهو يشتغلوا شوية ضريبة الاشراف بقا


لا تشارك في أي منتدى ولا ترد على أحد .. وبعدين أطلب من

الإدارة تحطك مشرف وكل يوم ارسلهم انك مظلوم و محدش مقدرك





اكتب موضوع في منتدى الشكـاوي والإقتراحــات (( إلحقوني ياناس )) طبعـا بيجيك المشرف طاير

واكتب في الموضوع (( خلاص لحقوني غيرك قبلك )) هههههههههههههههههه




شكّك في أي موضوع يـطرح في المنتدى .. في كل موضوع قل (( كأني شايفه في قسم ثاني))





ادخل على أي موضوع مثبت ... وأكتب عليه للرفع




حاول ترد على المواضيع القدييييييمة ( شيل التراب من عليها )

والجديده خليها تنزل




شوف لك مشرف .........كل يومابعتله رسائل خاصه تقـوله
ايه رأيك فيالموضــوع ده ... حـاسس انه مش حلو احذفه الله يخليك ,, ولا الموضـوع ده رهيـب ثبته الله يخليك,,

دى تغنيــك عن كل الوســائل اللي راحــت ونسبة نجاحها مليون بالمية و مطرود باذن الله تعالى


جربوها و قولولي

مفيناش من زعل

ولو حد عنده افكار تانية ما ينساش يقولهالنا

[abf-nassar]

بصراحة افكار ممتااااااااااااااازة
ههههههههههههههههه

[SHNORY]

وفيه فكره تانيه
انك ممكن تقري قواعد المنتدي
فمثلا فيه قاعده بتقول انك متكتبش بالفرانكوا
فانت بدل ما تكتب بيه تروح كاتب بالارابكوا
(ذاي ويل تيك لونج تايم تو ريبيلد نيو رولز)
وبدل ما تكتب بالاحمر تروح كاتب بالروز
يلا ادي طريقتين جداد اهم ربنا ما يحرمكم مني

[solyahmed]

كأني شايف الموضوع ده قبل كده. هههههههه

[solyahmed]

موضوع هايل ارجو تثبييت. أنا بعمل بنصيحك اهو

[Abo.Omar]

shnory و Baskota
شكلكو مش هاتعمرو كتير فالمنتدى هنا
ههههههههه

[Samah AbdAllah]

كأني شايف الموضوع ده قبل كده. هههههههه

موضوع هايل ارجو تثبييت. أنا بعمل بنصيحك اهو

لا انت تعمله فى الناس مش فيا

شكلى هبعت رسالة عالخاص للمشرف اطلب منه حذف الموضوع

[mahmoud_magdy]

والمشرف دلوقتي يدخل ويقول الموضوع يتقفل
لان ده مش موضوع يتحط في الاجتماعي
ويدي بسكوته انذار
للرفع

[نور العمر]

ههههههههههههههههههههه
عاوزين لستة باسماء المشرفين
عشان نجننهم رسمي
وقدام كل مشرف القسم بتاعه

[نور العمر]

الجزء الثاني
ازاي تجنن ادارة المنتدى

ههههههههههههههههههههههه

[Samah AbdAllah]

shnory و baskota
شكلكو مش هاتعمرو كتير فالمنتدى هنا
ههههههههه

ليه بس هو انا لسة قولت حاجة

قول كل اللى فى نفسك وكل مرة المشرف يديك تنبيه بالاحمر ويمسح كلامك

ولو موضوعك اتقفل وعشان ماينفعش ترد عالمشرف ولا تشارك تانى فى موضوع اتقفل

تقوم عامل موضوع جديد وتقوله انت قفلت الاولانى ليه ده موجود فى منتديات كتير ومفيهوش خروج عن الادب

يروح قالفهولك برده

تروح عامل موضوع تانى فى الاستفسارات وتسألهم انتوا قفلته الموضوع ليه
ولو قالولك المشرف عمل الصح

تقوم انت تقدم فيه شكوى وتقول ده مستقصدنى عشان مش بشارك فى موضوعاته ومش بشكره على كل كلمة يقولها

ولو حد سألك فى التحقيق مين اللى قالك تعمل كده اوعى تقول بسكوتة عشان ساعتها هتطرد انت وبسكوتة قولهم كريم منير

ومطرود مطرود ان شاء الله

[Ahmed Selim]

فى واحد صاحبى متعرفوهوش هيدخل كمان شوية يقول

يا جماعة بجد حرام اللى بتعملوه ده

السيرفر مش مستحمل أصلاً الحمل اللى عليه و أنتو هنا كاتبين مواضيه ملهاش لازمة..........هو السيرفر ناقص

أرحموه شوية

و بعد كده هيكلم نفسه و هو ماشى و يقول " هو أحنا كان أيه اللى خلانا نعمل منتدى أجتماعى أصلاً "

[Samah AbdAllah]

فى واحد صاحبى متعرفوهوش هيدخل كمان شوية يقول

يا جماعة بجد حرام اللى بتعملوه ده

السيرفر مش مستحمل أصلاً الحمل اللى عليه و أنتو هنا كاتبين مواضيه ملهاش لازمة..........هو السيرفر ناقص

أرحموه شوية

و بعد كده هيكلم نفسه و هو ماشى و يقول " هو أحنا كان أيه اللى خلانا نعمل منتدى أجتماعى أصلاً "

عارفاه عارفاه

بس هو مش بيدخل الاجتماعى كتير ربنا يبعده عنه انهاردة

ده انا بفكر افتح الملعب تانى ونعمل ماتش كورة جديد خلى الاعضاء تلعب وتتسلى هو كله زيت وشحم

[EslaM_NagY]

للرفــــــــــــــــــــــــع

[solyahmed]

لا انت تعمله فى الناس مش فيا

شكلى هبعت رسالة عالخاص للمشرف اطلب منه حذف الموضوع

ما هو انا معرفش اي مشرف و مامعرفش اسماء المشرفين يا ريت تكملي جميلك و تيدينا قائمه باسماء المشرفين

لا ماتفهمونيش غلط علشان اشكرهم طبعا