مبروك يا فندم كسبت عربية bmw

[fox3d]

حلم يرواد الملايين من المصريين فى الفوز باحد جوائز شركة فودافون فى اخر عروضها وهى 50 سيارة BMW 116
انا عندى احساس ان الموضوع ده شاغل تفكير كتير من الناس بطريقة مش معقولة لدرجة ان فى ناس بتدعى فى الصلاة بالفوز بالعربية الموضوع ده تحول عند بعض الناس لمرض .



الحمد لله ان مش فى العرض ده

[Samah AbdAllah]

هههههههههههه
فكرتنى بعتولى مسج ولا عبرتهم

وبيقولك تحت رعاية وزارة الشئون الاجتماعية

مبروك على اللى هيكسب

[Samir Elshahawy]

في أعلان علي نجوم أف أم بقول فيه مدير الدعاية بتاعت أحدي الشركات لصاحبها أنهم يعملوا جائزة عربية و علشان الشركة ماتتكبدش مصاريف زيادة في ظل الازمة العالمية من ورا موضوع الجائزة ده يخلوا أبن أخت سعادته هو اللي يكسب العربية و يبقي فلوس الشركة ماراحتش بعيد ......

الي عملاء و مستخدمي فودافون .... أحلموا احلموا

[M_Nabil]

لو حد كسب ياريت يقول لنا :))

[NaderNabil]

فعلا الموضوع ده شغلني بدرجة مش قليلة :)

و قعدنا نتفق انا و خطيبتي هانعمل بيها إيه....هي عايزة تركبها و انا عايز أبيعها و أفكها بعربيتين ليا و ليها و الباقي أجهز بيه الشقة :)

و الغريبة ان قعدنا وقت طويل قوي نتخانق و نشرح وجهات نظر لبعض...مع ان الموضوع بعيد قوي يعني :)

بس يالا أهي حاجة تشغلني و تشغل باقي الشعب شوية بدل الهم اللي إحنا فيه :)

[Ahmed Selim]

في أعلان علي نجوم أف أم بقول فيه مدير الدعاية بتاعت أحدي الشركات لصاحبها أنهم يعملوا جائزة عربية و علشان الشركة ماتتكبدش مصاريف زيادة في ظل الازمة العالمية من ورا موضوع الجائزة ده يخلوا أبن أخت سعادته هو اللي يكسب العربية و يبقي فلوس الشركة ماراحتش بعيد ......

الي عملاء و مستخدمي فودافون .... أحلموا احلموا

اللى بيشتغل فى المجال بتاع فودافون عارف أد أيه هما شركة محترمة.......

عموماً أنا متأكد من صحة الأعلان من مصدر مقرب منى داخل الشركة......و السحب بيتم عن طريق الكمبيوتر randomly و لو طلع رقم التليفون اللى الكمبيوتر اختاره من موظفى فودافون بيختارو رقم تانى.

طب أقولك على حاجة كمان محدش يعرفها.....غير برضه اللى شغالين فى المجال ده.
عارف فودافون بتعمل أيه للموزعين بتوعها كل سنة ؟
رحلة مدفوعة التكاليف لفردين من كل شركة توزيع....مرة لبنان....مرة سنغافورة.....مرة البرازيل....و هكذا
و السنة دى بمناسبة المسابقة بتاعة ال 50 عربية عملو للموزعين جوايز عربيات برضه......بس مش 116.........X3

[samo9992003]

ياجماعه لو اى حد كسب اى حاجه من اى حته ياريت يقولنا كسب ايه ومنين

[zidaneelwaly]

انا الخط بتاعي اتصالات بس لو في يوم كسبت عربيه bmw هاعد بيها اسبوع اتمنظر علي المنطقه و ابيعها بعد كده و اجيب مازدا 3 و بالباقي اتجوز بيه

[fox3d]

كلام احمد مظبوط وانا متاكد منه علشان انا شغال فى شركة فودافون انا مندهش من بناء الاحلام على الاوهام اللى بقى فينا كشعب !؟؟

[alisleman]

لا يا جماعة هى شركة محترمة اه 50 واحد هيكسبوا بس مين اللى هيكسب
اكيد قرايب قرايب البيه المدير

[fox3d]

من شروط المسابقة ديه ان اللى يكسب لا يكون موظف فى الشركة او احد اقارب الموظفين حتى الدجة الثانية .

[zidaneelwaly]

هيا الحدايه بقت بتوزع كتاكيت و لا ايه دي الميزانيه تتخرب بتاعت الشركه يعني لو افترضنا العربيه ب 300 الف يبقا ال 50 عربيه ب
15 مليون جنيه و كل ده عشان عيون الشعب المصري ياه ياه البلد لسه بخير ياناس

و كمان كل ده في الازمه العالميه يعني اي شركه تتمني تكسب اي جنيه
اتمني ان تكون حوار حقيقي عشان انا مش مصدق و ممكن والدي و والدتي يكسبو عشان هما فودافون

[Samir Elshahawy]

المشكلة الاعلانات اللي من النوع ده بتعلم الناس الكسل و الشباب بدل ما يدور علي شغلانة يتعب فيها علشان يكسب منها و يبني مستقبله بجهده و عرقه, لأ يقعد أمام التليفزيون في الكوفي شوب و يبعت للمسابقات و يتصل علي زيرو ...... ماعرفش كام و يستني ان حد يتصل بيه يبلغه أنه كسب تي شيرت ورق !!!!!
بالذمة ده كلام

[Rsarabia]

15 مليون مش كتير
الشركة عاملة ارباح السنة اللى فاتت فوق الاتنين مليار

[إبراهيم.صادق]

هيا الحدايه بقت بتوزع كتاكيت و لا ايه دي الميزانيه تتخرب بتاعت الشركه يعني لو افترضنا العربيه ب 300 الف يبقا ال 50 عربيه ب
15 مليون جنيه و كل ده عشان عيون الشعب المصري ياه ياه البلد لسه بخير ياناس

ياباشا أيه يعني 15 مليون في الدعاية لشركة مكسبها فوق الــ6 مليار جنيه سنوياً؟!
أقل إعلان بيعملوه في الأهرام مثلاً بيتكلف فوق الربع مليون جنيه غير بقى إعلانات الراديو والتليفزيون يعني الرقم ده مش كبير قوي بالنسبة لمصاريف التسويق والإعلان