مدارس المستقبل للغات

[ramyfawzy]

انا رحت قدمت لأبني (احمد) في مدرسة المستقبل التجريبي للغات (اللي في شارع الطيران) وقالولي النتيجة هتبقى في شهر 7
رحت من يومين عشان اشوف الاخبار لقتهم معلقين كشوفات فيها اسماء المقبولين
بس اللي محيرني جدا جدا ان لقيت اول الكشف مواليد شهر 12 سنة 2003 واخر الكشف مواليد شهر 6 2004
يعني كده اقل طفل هيخش kg1 هيبقى عنده 5 سنين ونص واكبر واحد هيبقى عنده 6 سنين الا شهرين
بالذمة دا كلام
يعني دول عقبال مايخشوا اولي ابتدائي يبقى عندهم 7 سنين ونص او 8 سنين - طب ازاي ؟؟؟؟؟
حد يفهمني النقطة ديه

[ecybrarian]

حد يعرف فين مدارس المستقبل دي. ااقصد فين غير في شارع الطيران

[ahmedhilmy]

حد يعرف فين مدارس المستقبل دي. ااقصد فين غير في شارع الطيران

لو حضرتك من سكان المقطم زي اللي مكتوب في البروفيل يبقي اقرب حاجة ليك هي مستقبل المعادي و دي ورا كارفور بس في مشكلة ان المدرسة دي حاليا تابعة لمحافظة حلوان بالتالي حضرتك متقدرش تقدم فيها لازم بقي تشوف حاجة مدينة نصر لاني التقديم بيبقي لقاطني المحافظة بصرف النظر عن محل السكن

[ecybrarian]

شكرا لردكم السريع يا استاذ احمد..اللذيذ في الموضوع إن انا ما غيرتش بطاقتي للمقطم (يعني لسه بطاقتي مدينة نصر على عنوان الوالد)

[kh_talaat]

حد يعرف فين مدارس المستقبل دي. ااقصد فين غير في شارع الطيران

إتفضل حضرتك

مدرسة المستقبل / المجاورة الخامس-التجمع الاول - القاهرة الجديدة

مدرسة مستقبل الشروق / اسكان الشباب 100 - مدينة الشروق

مدرسة سوزان مبارك / المنطقة الصناعية العباسية - الوايلى

مجمع مدارس الملك فهد / ش الخليفة القاهر - مدينة نصر

[TaoTao]

طب مافيش في أكتوبر أو الشيخ زايد؟
وجزاكم الله كل خير ع الموضوع المفيد ده

[ecybrarian]

"مجمع مدارس الملك فهد / ش الخليفة القاهر - مدينة نصر" المدرسة دي اقرب لعنواني في البطاقة (خلف الحديقة الدولية) بس سمعت انها بالوساطة مش بس السن

[kh_talaat]

"مجمع مدارس الملك فهد / ش الخليفة القاهر - مدينة نصر" المدرسة دي اقرب لعنواني في البطاقة (خلف الحديقة الدولية) بس سمعت انها بالوساطة مش بس السن

والله معنديش فكره ولكنه امر مألوف في بلدنا ، بس أنا ليا واحد صاحبي كان راح يقدم لأبنه هناك وقالي ان عليها ضغط كبير

[D . a .\ AYMAN]

حد يعرف فين مدارس المستقبل دي. ااقصد فين غير في شارع الطيران

ده موقع مدرستين منهم

http://www.elmostakbalschool.com/main.html

http://www.futureschool-edu.com/

[ahmedhilmy]

طب مافيش في أكتوبر أو الشيخ زايد؟
وجزاكم الله كل خير ع الموضوع المفيد ده

هو مع شديد الاسف عدد المدارس التجريبية في الجيزة اقل بمراحل من القاهرة ده بالاضافة ان مفيش مدار س مستقبل في الجيزة خالص بس علي حد علمي في واحدة تحت الانشاء