معلومة أول مرة أسمعها بخصوص الجنيهات المعدن!

[aif]

السؤال هو ؟ هل بدأت الناس تقبل على تداول الجنيه المعدنى ؟

لأن فى الصيف الماضى كنت اواجه صعوبة فى تصريفه

اكيد ح تلاحظ فرق في اثناء الاجازة دي يا دكتور ... الناس بتتعامل بيه عادي
لأن الحكومة اصبحت لا تطبع الجنيهات الورق ... وكل يوم بينقرض الورق شويه .... يعني الناس ليس امامهم خيار
....
على فكرة الخمسة جنيهات المعدنية في الطريق ... يمكن في خلال عام او عامين
وكمان ال500 جنية الورق ....

[NaderNabil]

السؤال هو ؟ هل بدأت الناس تقبل على تداول الجنيه المعدنى ؟

لأن فى الصيف الماضى كنت اواجه صعوبة فى تصريفه

الفترة اللي كانت العربية بتتصلح فيها...كنت مقضيها ميكروباصات و مترو

الجنيه الفضة مكانش بيفارق جيبي...و بكميات...كنت بمشي أشخلل...الجنيه الورق فعلاً بقي في طريقه للإنقراض...
و ياعيني علي سواق الميكروباص لما نص الأجرة تجيله فضة :)

[جمال]

فعلا انا النهارده لقيت معايا جنيه معدنى مكتوب عليه 2005 و شكله فعلا مختلف عن الجنيه اللى مكتوب عليه 2007 ده الجزء الصحيح فى القصة
اما عن القيمة و باقى القصة ف محتاجة تأكيد

[sha2e]

اعتقد ان دى اشاعه مطلعاها الحكومه عشان الناس تتهافت على الجنيهات المعدنيه
بعد ما كان ناس كتير ترفض التعامل بها
أكيد دول اول ما هيسمعو ان ممكن جنيه يبقى بتلاته جنيه هيرفض التعامل الا بالجنيهات المعدنية
وهوا ده الشعب المصري :)

[homme49]

كان عندنا ايريال في الفترة دي كان بيستقبل بعض قنوات الشوتايم ..
و محدش يسألني و يقولي إزاي ..

أقول لك إزاى ممكن ده يحصل
لو أحد الجيران المشتركين فى الشو تايم أراد أن يخدم جيران آخرين بإشراكهم معه فى المشاهدة فكان يعيد بث الإرسال الواصل له من خلال ما يسمى بالفيديو سيندر و هو جهاز صغير يركب على مخارج الفيديو أو التلفزيون و يبث فى مدى قطره مائة متر و تستطيع إلتقاطه على قنوات اليو إتش إف فى التلفزيون

[sab3aawy]

السبيكة ذات اللون الفضى المستخدمة فى العملات اسمها كوبرونيكل(نحاس+نيكل) وتتميز بقدر لا بأس به من الصلادة وعدم القابلية للصدأ وعمره الطويل ولا يوجد فيها اى فضة وانما تتكون فى الأساس من النحاس +النيكل وقد يكون فيها نسبة من الحديد او المنجنيز وقد لا يكون فيها وهو ما يفسر انجذاب بعض العملات للمغناطيس وبعضها لا

للمزيد عن الكوبرونيكل

http://en.wikipedia.org/wiki/Cupronickel

، اما السبيكة ذات اللون الذهبى فتسمى براس brass وهى مكونة من النحاس والزنك وتتميز بلمعة عالية وصلادة مناسبة وعدم الصدأ

المزيد عن البراس

http://en.wikipedia.org/wiki/Brass

اما السبيكة ذات اللون الأحمر (لاتوجد فى العملات المصرية حاليا وان كانت توجد فى العملات الصغيرة لدول كثيرة) فهى البرونز والتى تتكون اساسا من النحاس مع القصدير واحيانا يضاف لها بعض نسب بسيطة من الالومنيوم والفوسفور والسيليكون

http://en.wikipedia.org/wiki/Bronze

فى مصر تقوم بانتاج العملات مصلحة سك العملة والموجودة فى منطقة البعوث بالدراسة امام اتحاد الشرطة الرياضى ، مع العلم ان عملية الانتاج فى مصر تقتصر على (سك العملة) يعنى وضع نقشة العملة على قرص العملة الخام ، والتى تتم بواسطة ماكينات السك وهى عبارة عن مكابس ضخمة تقوم بضغط اسطمبة مصنعة من معدن عالى الصلادة على شكل صورة مجسمة مقلوبة لنقشة العملة على القرص الخام لكى تنحفر النقشة على القرص بواسطة الضغط، لكن اقراص العملة الخام تستوردها مصر من دول عديدة منها المانيا وانجلترا والسويد واليابان وكوريا وشيلى حيث يتم تصنيع اقراص العملة وفقا لمواصفات وطلبات كل دولة مستوردة، يعنى الجنيه الأبيض فى اصفر ده بييجى زى ما هو كدة من برة لكن املس بدون نقشة، يدخل مصلحة سك العملة تتدق عليه النقشة فيتحول من قرص عملة الى جنيه ويخرج للتداول

وبالتالى الموضوع مافيهوش اى فضة من اى نوع ، قديما كانت العملات من الفضة والذهب ، لكن العملات الفضية حاليا هى عملات تذكارية تصنع من البداية من فضة بعيار عالى ولا تستعمل فى التداول حاليا لكن كمجرد تذكارات ومثلها العملات الذهبية التى تستخدم للادخار لا للتداول،

[NaderNabil]

جريدة الأهرام


44801السنة 133-العدد2009اغسطس413 من شعبان 1430 هـالثلاثاء


خدعة الجنيه المعدني!

عندما ظهر الجنيه المعدني إلي النور واجه رفضا شديدا من المواطنين وسائقي الميكروباص.. ولكن شائعة طريفة أطلقها أحد الخبثاء تسببت في قلب الأوضاع وأصبح البعض يسعي إلي الحصول علي الجنيهات الذهبية.. الشائعة المبتكرة هي أن الجنيه الصادر عام2005 يحتوي علي نسبة كبيرة من الفضة وأنه يمكن بيعه بعشرة جنيهات.. والغريب أن كثيرين قاموا بجمع هذه الجنيهات ولكنهم لا يجدون أحدا يشتريها, ولكن الذي حدث بالفعل أن الجنيه الفضة لم يعد يلقي معارضة مثلما كان يحدث.. حقا رب ضارة نافعة ؟

[sha2e]

اهو كلامي طلع صح
زي ما انا قولت بالظبط