عاوزة اناااام اسبوع

[MohaMed_Refaat]

والله يا نور انا اليومين دول عاوز اموت مش انام من كتر القرف اليومين دول عندى مشاكل بالكوم ومن اقرب الناس لى ... لما بقيت قرفان من عيشتى كلها
انا اسف انى طلعت من موضوعك بس حبيت افضفض شوية
بس تصدقى فكرتك جامدة جدا الواحد ينام اسبوع يفصل من القرف اللى اسمة الدنيا دية علشان الواحد يصحى فريش ويواجة مشاكلة .

[ashouhdy]

ترامادووووول !!!!!!!!!!!!!!!!!!!!!!!!!

اكيد بهذرر :)))))))

[Eng.Sameh]

أنتي تتفقي مع هجام يدخل عليكي البيت وانتي لوحدك .. طبعا هتتخضي .. بعدها يروح خابطك بنبوت على دماغك ، هيغم عليكي ، بعد اما تفوقي هتكوني فقدتي الذاكرة ، وتقعدي اسبوع بعيد عن الدنيا وبلاويها في عالم لوحدك وناسية كل حاجة ... من ضمن اتفاقك معاه انه هيجي تاني بعد الأسبوع ما يعدي وانتي طالعة سلالم بيتكم والدنيا ضلمة .. أن أن أن ... ويخضك تاني ، تروحي انتي واقعة وتنزلي على السلالم متقلبة وراسك تخبط في السلمة الأخيرة.. ويغم عليك تاني .. ولما تفوقي هتلاقي الذاكرة رجعتلك ... وأي خدمة

[أحمد سالم]

انا كمان والله نفسى بس مش اسبوع
نفسى افصل اكبر مده ممكنه
يعنى يتلجو جسمى كله بس يسيبو القلب شغال
لحسن ممكن لو القلب تلج وجينا نفكه من الثلج مايشتغلش تانى
واصحى بقى الاقى الدنيا اتظبطط
والاسعار رخصت والعربيات بقت فى الجمعيه
والروتين اتشال
والشرطه بقت فى خدمة الشعب
واعضاء المجلس اللى نايمين صحيو
و و و و و و و و حاجات كتير جدا
معلش انا ماقلتش حل لانى ببحث عنه ايضا

[bmw323]

ترامادووووول !!!!!!!!!!!!!!!!!!!!!!!!!

اكيد بهذرر :)))))))

تقصد دا

هههههههههههههههههههههههههههههههههههههههههههههههههه ههههه

شكلك خبرة على فكرة وشقى جدااا

بس فعلا فى أدوية بتخلى الواحد يدخل فى نوم عميق ولو ملكش نوم يخليك تنام
بس بلاش الحاجات دى

[Terrible_DaRsH]

الحمد لله من غير ادوية ولا اى شيء .

مش بصحى من النوم الا اذا كان ورايا مشوار او خارج او حاجة , غير كده ممكن انام اكتر من 25 ساعة و محدش يستغرب و لا يستعجب .!

[bee]

الموضوع بالنسبالي مختلف شوية بمعنى :
ممكن أغفل بس او اغمض عيني دقايق واقوم مرتاح جداااااااااا .. وممكن انام ساعات واصحى بأرق أكتر من قبل النوم .. الخلاصة إن الاهم من الشئ الإلمام بجوانبه .. يعني مش المهم اني انام المهم اني افهم انا مين وفين واولوياتي ومسئولياتي إيه ووقت ما أعرف ده .. هقدر اقلل الحمل الي عليا او ع الاقل هوزعه ومش هحتاج ((أفصِل)) كتير لان النوم وظيفته دلوقتي بالنسبالي إني أفصل شوية وأريح الموتور .. وده مش شرط يكون بالنوم ممكن بعمل حاجه بحبها بتغيير جو .. بطرق تختلف من حد للتاني .. فنصيحتي اعرف نفسك .. ورتب حياتك والباقي سهل لو بتحب النوم هتنام لو عايز تريح هتريح .. وفي جميع الاحوال تغيير الجو هو الحل الامثل لمشاكل كتير ..

[eng.octooo]

ممكن تاخدوا الاولاد وتروحوا المصيف مشعارف بس دة ممكن يكون احسن لانهم هايرجعوا من البحر وعاوزين يناموا صح ولا ؟

[abzoabzo]

الواحات هى الحل

[أبو عبدالله]

سُئل الامام احمد :
متى الراحة يا ابا عبدالله ؟
فقال :
عند أول قدم تضعها في الجنة

قال
شيخ الإسلام ابن تيمية رحمه الله تعـالى ..

( إن فـي الـدنيا جـنـة مـن لـم يدخـلـها لـن يدخـل جنـة الآخـرة )

عليكي بكثرة الذكر

[blazer]

سُئل الامام احمد :
متى الراحة يا ابا عبدالله ؟
فقال :
عند أول قدم تضعها في الجنة

قال
شيخ الإسلام ابن تيمية رحمه الله تعـالى ..

( إن فـي الـدنيا جـنـة مـن لـم يدخـلـها لـن يدخـل جنـة الآخـرة )

عليكي بكثرة الذكر

+99999999
حاولى تروحى مصيف لو حتى يومين من غير الاولاد

[نور العمر]

حلم صعب المنال
انا آخر مرة عملتها ..... كان قبل ما اتجوز واخلف
حتى زوجتي مرة كانت في المستشفى وواخدة بنج كلي
طلعت عمالة تخرف طبعا من تأثير البنج في مرحلة الافاقة
تخيلي بتخرف تقول اية ؟؟؟

محمود عنده امتحان يوم الاربع .... حل امتحانات وزاكر يا محمود
ابراهيم فين انا عاوزة ابراهيم
فين ولادي ....هما اتغدو ولا لسة

...
يعني حتي البنج مش نافع ... برضه بنبقى شايلين هم العيال
...
م الآخر
اللي عنده عيال مش بيرتاح يا نور

يعني مفيش فايدة :K_crying[1]:

[نور العمر]

انا بسرب العيال واطفي النور واشغل التكييف لو صيف ولو شتاء ادفا كويس واناااااااااااااااااااام
بقوم حاسة اني مرتاحة نفسيا
حاولي تسربي العيال عند حد من قرايبك

صعبة دي
مفيش حد بيستحمل ولاد حد
بفكر منوم لينا احنا التلاتة
وننام مع بعض ونصحى مع بعض
عشان ما انامش قلقانة عليهم
ياللا .... يا مسهل

[نور العمر]

واللة يا نور انا اليومين دول عاوز اموت مش انام من كتر القرف اليومين دول عندى مشاكل بالكوم ومن اقرب الناس لى ... لما بقيت قرفان من عيشتى كلها
انا اسف انى طلعت من موضوعك بس حبيت افضفض شوية
بس تصدقى فكرتك جامدة جدا الواحد ينام اسبوع يفصل من القرف اللى اسمة الدنيا دية علشان الواحد يصحى فريش ويواجة مشاكلة .

يا مفرج الكروب فرج عنا جميعا يا ارحم الراحمين

[نور العمر]

أنتي تتفقي مع هجام يدخل عليكي البيت وانتي لوحدك .. طبعا هتتخضي .. بعدها يروح خابطك بنبوت على دماغك ، هيغم عليكي ، بعد اما تفوقي هتكوني فقدتي الذاكرة ، وتقعدي اسبوع بعيد عن الدنيا وبلاويها في عالم لوحدك وناسية كل حاجة ... من ضمن اتفاقك معاه انه هيجي تاني بعد الأسبوع ما يعدي وانتي طالعة سلالم بيتكم والدنيا ضلمة .. أن أن أن ... ويخضك تاني ، تروحي انتي واقعة وتنزلي على السلالم متقلبة وراسك تخبط في السلمة الأخيرة.. ويغم عليك تاني .. ولما تفوقي هتلاقي الذاكرة رجعتلك ... وأي خدمة

ده فيلم رعب
وكمان انا خبطة واحدة اودع الدنيا
مش اودع الذاكرة
ودي تبقا فيها شبهة انتحار
لإني عارفة
لا لا لا بلاش
خالينا بعيد عن الموضوع ده