كلمـــــــــــه لايكتبها الكمبيوتر

[nasr-eldeen]

كلمـــــــــــه لايكتبها الكمبيوتر سبحان الله

--------------------------------------------------------------------------------

سبحان الله لم يستطع علماء شركة مايكروسفت

الاجابه على هذا الموضوع فى البدايه, ولكن اخيرا عرفوا الاجابة

وان لم يعرفوها فهم ممن جحدوها واستيقنتها انفسهم

نجي للموضوع

جرب روح لسطح المكتب واضغط بالزر الايمن بالماوس

بيطلع قائمة اضغط على جديد(( مجلد))

بعدين بيطلعلك اسمه {مجلد جديد.... "new folder"


ثم حاول تغيير اسمه ل "con"

يرفض الجهاز ان يقبل هذا التغيير

ولكن لماذا؟؟؟

الاجابة ان الله هو الذى يقول للشي ((كُن)) فيكون سبحان الله!!!!!!!؟؟؟؟؟
منقول.....

يا أخي الفاضل اللغة العربية هي لغة القرآن وهي لغة أهل الجنة إن شاء الله اللهم اجعلنا منهم .
يعني من الأولى لو كااااااااااااان الكلام اللي سيادتك نقله صح إن الكمبيوتر ميكتبهاش باللغة العربية لكن معاليك كاتبها باللغة العربية و بالتشكييييل كمان .
ده جانب عقلي والإخوة الأعضاء فندو الجانب العلمي .

كُن كُن كُن كُن كُن كُن كُن كُن كُن
تقبل مني إعتذاري لو أسئت

[ashouhdy]

الاسلام برىء من الخذعبلات دى !
ونشكر صاحب الموضوع على النقل عشان نعرف الناس العبيطة اللى فاكرة اننا كدة حنصدق و نرفع راية الاسلام عالية و نكون ميت فل و عشرة
بالذمة بدل ما نقنع الناس بالعلم و اخلاق و سماحة وطيبة و جمال دينا جايين يقولو con و فن و بن و قهوة و شاى و حاجات عبيطة
تخلف و جهل و عبط ...................

[E30power]

اعصابكوا عليا يا جمااااااعة صدقونى ولا اعرف الكلام دة كلة والله اول مرة اشوفه واسمع الحكاية دية وقلت انقلة مش اكترر ولا اقل
دة انا حاسس انكوا كمان شوية هاين عليكوا تقيموا عليا الحد زى شجرة الدرر
اية كلكوا عليااا ولا ايةةةةةةةةةةةةة

[asbeats]

اعصابكوا عليا يا جمااااااعة صدقونى ولا اعرف الكلام دة كلة والله اول مرة اشوفه واسمع الحكاية دية وقلت انقلة مش اكترر ولا اقل
دة انا حاسس انكوا كمان شوية هاين عليكوا تقيموا عليا الحد زى شجرة الدرر
اية كلكوا عليااا ولا ايةةةةةةةةةةةةة:_alshmokh11:

مفيش حد بيهاجم بشكل شخصي على الإطلاق,على العكس الناس بتشكرك ان حضرتك نقلت للناس الموضوع عشان هما يحذرونا منه,وانا بصراحة اول ما قرأت الموضوع جربتها واستغربت بس كنت متأكد ان للموضوع تفسير غير اللي مكتوب لأن الدين اعظم وأشمل واعلى من الحاجات دي وغيرها...

رجاء من الاخوة الأعزاء (((التلطف))) في عرض وجهة النظر لأن ده من هدي رسولنا الحبيب(صلى الله عليه وسلم)

[Pharaoh]

سبحان الله لم يستطع علماء شركة مايكروسفت

الاجابه على هذا الموضوع فى البدايه,

سبحان الله فعلا
بس هو مين اللى سالهم
وسال مين فى ميكروسوفت
وانت عرفت ازاى ان فلان دة رد بانه ميعرفش
وحتى لو هى اعجاز الهى...طب اية معنى انه ميكتبش كلمه "كن"؟ اشمعنا يعنى
اكتبها فى فايل ورد يا اخى

بقينا اضحوكة عالميه
لان حضرتك ناقل الخبر من مكان ما و جبته هنا و هناك

هنا فى ناس مشغله مخها
لكن هناك يمكن لا

يبقى نشرنا الجهل و خلينا العالم يضحك علينا

يارب
ارحمنا

[Dr. Elsaadani]

واللى يقولكم على طريقة كتابة con او اى شىء اخر

كاسم ملف او فولدر او لاى شىء عاوزينه

الملف اللى انا مرفقه اسمه con

وبالمثل ممكن اعمل فولدر باى اسم اريده

الكمبيوتر ما هو الا الة تنفذ ما تريدون

لكن يجب ان تعرفوا كيف!

[MoDyBeNz2008]

مساء الخير جميعا

لنتعرف اولا على con

con
هي اختصار
consol device


وهو من الاسماء المحجوزه من قبل نظام
dos

لانه يرتبط بصوره مباشره بأوامر التحكم فى النظام

وليس الوندوز كما يزعم البعض

وبرده ياغالى فى اسماء كتير متقدرش تكتبها
وهى محجوزه للدوس برده

جرب تنشئ مجلد بالاسماء دى

2- السلسلة plt1 وحتى plt9

3- السلسلة com1وحتى com9 وهذه الأسماء هي اسماء المداخل التي يتعامل بها
الكمبيوتر مع الأجهزة المرفقة به كالطابعة والماسحة الضوئية وغيرها.

فجميع تلك الأسماء لن يقبل النظام تسميتها نهائباً الا بطريقة خاصة في ال dos
أرجو أن تكونوا قد استفدتم


ومع ذلك ممكن حضرتك تنشئ ملف بأسم con
كالتالى
قم بانشاء الملف عادى
واثناء تسميته اضغط على زر alt
مع الارقام التاليه 0160 بالترتيب من لوحة الارقام و ليس لوحة الحروف
ومن ثم قم بتسمية الملف

بس كدة دة السبب و الحل :)

[Dr. Elsaadani]

مساء الخير جميعا

بس كدة دة السبب و الحل :)

واسهل من كده داخل الويندوز

[Dr_Ahmed_Abdelghany]

الموضوع - مع ثقتى فى حسن نية كاتبه - يزدرى عقولنا ويسئ لإسلامنا

[Dr. Elsaadani]

الموضوع - مع ثقتى فى حسن نية كاتبه - يزدرى عقولنا ويسئ لإسلامنا

فعلا لا علاقة بين كن فيكون و اختصار con

[أبو صلاح]

الاعضاء قاموا بالواجب وزيادة