استفسار عن فلاتر المياه المنزلية ...

[kareem_Ashmawy]

الســلام عليكم ورحمة الله و بركاته
كنت عايز أركب فلتر لمياه الشرب فى البيت
فلو سمحتم لو حد يعرف أنسب نوع و أسعارهم بتبقى فى حدود كام
و أحسن مكان مضمون الواحد يجيب منه
و شكرا جزيلا

[أحمد كمال]

باشا احسن حاجة انك تجيب فلتر Reverse Osmosis

يعني بينقي المياه بانه يزقها بقوة دفع اكبر من القوة الناتجة عن الضغط الأسموزي عبر غشاء

ده بيطلع المياة كريستاااااال

زي الفل

عندي بقاله سنة و نص أو سنتين

ماركة أمريكي اسمها Water World

ليهم وكيل اسمه شركة النقية

رقم المكتب بتاعهم ضاع من عندي بس معايا رقم موبايل مدير المبيعات 0106092796

مكانهم في مدينة نصر بس بيروحوا أي مكان

الجهاز شامل التركيب و ضمان سنة 1500 جنيه

و الصيانة السنوية شاملة تغيير الشمعات و قطع الغيار و الانتقالات (4 زيارات - زيارة كل 3 شهور) ب 300 جنيه سنويا

انا اصلا بانسى اتصل و هما اللي من نفسهم كل 3 شهور بيتصلوا يحددوا الميعاد

درجة رضائي عن الجهاز و الشركة و الخدمة 11 من 10

و موفر جدا عن المياه المعدنية و انقى منها

لان بعد اول سنة ما تعدي

هيبقى التكلفة التشغيلية 300 في السنة

يعني 25 جنيه في الشهر

يعني تمن كرتونة مياه ما تكفيش الاسرة يومين :)

[أبو صلاح]

بص ياباشا احسن مكان تجيب منه بسعر كويس هو بي تك

وهتستعجب من حاجة غريبة جدا
احنا كنا بنشتري واحد للشركة من عندهم البائع قالنا ان الفلتر 3 مرحلة ده للاستحمام تخيلو ؟؟؟؟؟؟؟؟؟؟
المهم احنا جبنا ال 3 مراحل والله من تاني يوم اول مرحلة دي بتبقى شفافة علشان تعرف معاد تغيير الشمعة لقينا بقت بني غامق

بس اعتقد افضل شيء انك تجيب 7 مراحل ده للشرب
هو هيكون غالي حبتين بس معلش

[النوبي]

بالفعل التلات مراحل دول للاستحمام حتي علشان كده بتكون المياه طعمها غريب شويه
لو عايز تشتري اسمه تانك بس نصيحه خليك في السبع شمعات

[أبو صلاح]

بالفعل التلات مراحل دول للاستحمام حتي علشان كده بتكون المياه طعمها غريب شويه
لو عايز تشتري اسمه تانك بس نصيحه خليك في السبع شمعات

ده بيدل على اد ايه الميه عندنا نقية لانها بتحتاج ل 3 مراحل تنقية قبل الاستحمام
يعني علشان تتشرب محتاجة على الاقل 15 مرحلة

[kareem_Ashmawy]

الف شكر يا رجالة
ربنا يكرمكم