Tweet
و الله لو كانوا الفراعنة يعرفوا اللي بيحصل في الأهرامات دلوقت ما كانوا بنوها وكان خوفو ضرب أي حاجة و مات overdose وريح نفسه، المفروض أن تكون زيارة الهرم جميلة و سلسة فمنها زيارة لأجدادك و منها تنشيط لسياحة بلدك الداخلية و واجب وطني بدلاَ من الذهاب لأماكن يذهب ربحها لمؤسسات أجنبية .. ولكن ليه تنبسط لو ممكن نطلع عينيك !؟ .. أول حاجة بمجرد ما تعدل نفسك من الرماية علي دخلة الأهرامات .. سيفاجأك أشخاص إنتحاريون يعملون في مجال الخيل و التنظيم الخاص لزيارة الهرم لن يتوانوا عن إنهم يعملوا أي حاجة عشان يوقفوك .. أول خدعة سيوهموك إنهم تبع إدارة الهرم و يقولولك "تذااااكر تذاكر".. تاني خدعة هيقولك "ركنة الملاكي هنا خش خش" في إشارة لمدخل الإسطبل بتاعه و طبعاَ لو أول مرة تروح و متعرفش و دخلت فاكر إن ده الجراج يا ويلك يا سواد ليلك !! اما إذا إنت ناصح و عرفت تفلت من أول خدعتين هيقف قدام العربية و يرمي نفسه و لن يفلح معه غير إنك تخبطه بالعربية بالمعني الحرفي للكلمة عشان يبعد ! دخلنا الهرم وعدينا البوابة الحمد لله و وقفنا في نقطة التفتيش ... دي إجراءات أمن و مفيهاش حاجة بس ليه نظرة حرامي الغسيل اللي بينظرها أفراد الشرطة !؟ لماذا لا يتم التعامل معك كمواطن شريف رايح يتفرج علي أثار بلده .. فللوهلة الأولي أشعرني الشخص اللي وقفني إني متبلغ عني إني مهرب سلاح ولا حاجة! المهم تم تفتيش العربية و ركنت و قطعنا التذاكر و كله تمام .. و إحنا عالباب .. إيه ده ستاند كاميرا ؟ ده له تذكرة !! قلتله الكاميرا نفسها ملهاش تذكرة .. و الحامل له تذكرة !!؟؟ قاللي أيوة يا أستاذ .. بعشرين جنيه .. قلت طيب ماشي قاللي بس يعني لو قدرتنا ممكن نعمل معاك واجب! .. رحت قطعت تذكرة أكرملي .. دخلت .. و انا بعدي من بوابة كشف المعادن .. طلعت الموبايل و المفاتيح و الذي منه .. و كان معاهم كام جنيه معدن .. بمجرد ما حطيتهم برة الجهاز موظف الأمن حط إيده عليهم و قاللي "إيه يا باشا مفيش حاجة علينا كدة ؟؟" .. فمديت إيدي أخد فلوسي و لقيته إحتجز إتنين جنيه بصوابعه و بيقول "طب يعني صبح علينا!" و المرة دي سبتهم و مشيت مش إستسلام و لكن من هول الصدمة و انا مش مصدق اللي بيحصل أكني داخل وكر أبو دومة مش الأهرامات! أول ما حطيت رجلي عالرملة و دخلت لقيت واحد لابس جلابية و عمة و ماسك حصان بيقولي "الباشا مصري! والله حبايب قلبنا و ولاد بلدنا ... الركوبة من هنا لحد أبو الهول و البانوراما بمية جنيه بس عشان خاطرك ب 80 جنيه و عشان إنت إبن بلدنا هحسبهالك ب 60 مع إن والله ما بطلع الفرسة دي بأقل من 50 لأي حد!" لسة هقوله مش عايز حصاا ... قاللي يا أستاذ ده عشان خاطرك و الله هو انا ليا بركة إلا إنت؟! هات 35 جنيه وحلال عليك الرحلة .. المهم أخد خمسة و عشرين جنيه و أكدلي إن السعر ده معزة شخصية منه ليا بسبب أخلاقي و ذوقي ذائعي الصيت! من خلال بحثي علي النت في جغرافيا المكان عرفت إن كان فيه مقبرة معينة لأحدي الملكات و ممكن تنزلها .. فقلتله وديني المقبرة اللي عند إستراحة الملك .. قاللي مفيش مقبرة هنا .. مفيش إلا مراكب الشمس في الحتة دي و إستراحة ال.... قلتله يا عم إزاي مفيش مقبرة .. قاللي يا باشا مفيش انا مش عارف إنت بتتكلم عن إيه .. المهم قفشت وقلتله يا توديني يا هات فلوسي وأمشي .. أتاري إيه بقي؟ البهوات بتوع الأحصنة هناك مقسمين الهرم مناطق .. كل واحد له منطقة يشتغل فيها ولا يتعدي علي منطقة غيره .. لذلك لو أثار موجودة خارج المربع بتاعه فذلك يلغي وجودها من الأساس! مفيش أثار موجودة غير في المنطقة بتاعته غير كدة الفراعنة معملوش حاجة ! رحنا عند المقبرة .. حبيت أدخلها .. البيه اللي واقف عالباب شاورلي علي لوحة "ممنوع دخول الكاميرات" بإبتسامة من الودن للودن .. و قاللي بس عشان إنت إبن بلدنا هنسيبك يا عم تصور اللي إنت عايزه بس "قدرنا" برضه! كأني داخل أصور مقبرة خالته مثلاَ ..كملت الجولة وتوقفت في النهاية عند "أفا" أبو الهول بالحصان بعدما سمعت صوت بيقول "قدها و قدود يا بطل هتقدر عليها أيوة يا سلطان إطلع!" في محاولة منه لتحفيز حماره المسكين في مطلع رملي مخليه يطلع في الروح .. و ما أن وصل إلينا قام مطلع إزازتين بيبسي معرفش منين و نبهني إن حماره "سلطان الغرام" بعافية شوية اليومين إنما العادي بتاعه بياخد المطلع ده عالرابع ! المنظر من عند أفا أبو الهول يجعلك تري ما يراه أبو الهول .. و هو منظر للقاهرة بزحامها وعشوائياتها و كركبتها وعدم تناسق مبانيها .. للأسف قعدة أبو الهول مش مطلة علي أي حاجة كويسة في القاهرة ! لذلك أتساءل لو كان يعلم منذ ثلاثة ألاف عام إنه بدل من أن يطل علي الأهرامات فقط ليحرسها فسيطل معها علي العشوائيات و الفوضي وإنعدام الجمال و الذوق و سيكون الدخول إليه بهذا النظام .. تفتكروا كان وافق علي شغلانة حارس الأهرامات دي!؟ أشك ! وقالك سياحة داخلية!
-
[COLOR="gray"]
[CENTER]Leadership is based on inspiration, not domination[/CENTER][/COLOR] -
ارخض واجدع واكرم انك تسافر بره
ياراجل دا انت بتصيف فى اسكندريه او الساحل اغلى من انك تروح تركيا بالطياره
او شوف عروض ركات السياحه السفر بالاقامه بالطياره بكام
وشف عندنا الساحه الداخليه كام
اللى بتدفعه فى ليله او 2 فى شرم يسفروك لبنان اسبوع -
شر البلية ما يضحك
انا فطسان من الضحك - بقى هى دى مصر !!!!!!!!!!!![CENTER]سبحان الله وبحمده سبحان الله العظيم
لا تظلمن إذا ما كنت مقتدرا --------- فالظلم يرجع عقباه الى الندم
تنام عينك والمظلوم منتبه --------- يدعو عليك وعين الله لم تنم
[/CENTER]Comment
-
دى سياسة عليا
عشان اللى يروح مرة ميروحش تانى
والبلد تفضى للاجانب دة اذا كان فية اجانب[CENTER][URL="http://www.nilemotors.net/Nile/156437-a.html"][COLOR=#810081][SIGPIC][/SIGPIC][/COLOR][/URL][/CENTER]
[CENTER][COLOR=#810081][URL]http://www.nilemotors.net/Nile/156437-a.html[/URL][/COLOR][/CENTER]
[CENTER][FONT=Tahoma][SIZE=6][COLOR=royalblue][B]اكثروا من الإستغفار[/B][/COLOR][/SIZE][/FONT][/CENTER]
[CENTER][FONT=Tahoma][SIZE=6][COLOR=#4169e1][B]فكل ابن آدم خطاء وخير الخطائين التوابون[/B][/COLOR][/SIZE][/FONT][/CENTER]Comment
-
الناس دى بتهرج وهما لو اخدوا بالهم من شوية حاجات صغيرة السياحة الداخلية دية حتكون فيها مكسب ليهم اكثر من السياحة الخارجية
حد يعلق على الكلام ده
4 ايام فى مطروح - فندق سان جيوفانى - غرفه مزدوجة - فطار +عشاء = كام ؟؟؟؟؟؟؟؟؟؟؟؟؟؟؟؟؟؟؟؟؟
1300 * 4 = 5200 جنيه !!!!!!!!!!!!!
حاجة تغيظ وتحرق الدم
[SIZE=3][COLOR=navy][gdwl]
[SIZE=3][COLOR=navy]سبحانك اللهم وبحمدك ، أشهد أن لا إله إلا أنت أستغفرك وأتوب إليك[/COLOR][/SIZE]
[/gdwl][/COLOR][/SIZE][SIZE=4][COLOR=navy][/COLOR][/SIZE]
[SIZE=4][COLOR=navy]مـحـمـد الـطـويـل - إسـكـنـدريـه[/COLOR][/SIZE]Comment
-
ماهو علشان انت مصري ده حصل معاكالمشاركة الأصلية كتبت بواسطة motorizer مشاهدة المشاركة
مبالاك الاجنبي بيعملوا معاه ايه لو جاي لوحده من غير مرشد سياحي وحراسة
والله دي مسخرة
وآثار بتختفي وآثار بتظهر عادي كل حاجة يعني
ده ممكن يخفوا هرم من التلاثة ويقنعك انه مش موجودComment
-
الأسعار دي للفرد ولا العائلة و لا إيه بالظبط؟؟؟المشاركة الأصلية كتبت بواسطة mido777 مشاهدة المشاركة
حتي لو عائلة...الغردقة أرخص من كده أساساً:)
انا فاكر من حوالي 8 سنوات طلعنا مطروح إسبوع كامل و أجرنا شقة و ميكروباص خصوصي....إتكلفت كلها 950 جنيه لل4 افراد!!!!![CENTER][SIGPIC][/SIGPIC][/CENTER]Comment
-
يا جدعان مرة كان واحد صاحبي زوجته امريكية مسلمة (مايبانش انها امريكية عشان الحجاب)
راحوا ما دخلوهمش
مشيوا و هما ماشيين سمعوهم بيتكلموا انجليزي
قالوا لي هي اجنبية؟
قال لهم اه
قالوا له معاها الباسبور
قال لهم اه
وريهولنا؟
وراه لهم
دخلوهم !!!!!!!!!!!!!!!!!!!!!
بيقول لي كانت مذهولة
بتقول له انا في بلدك و انا اللي دخلتك ؟؟؟؟!!!!!!!![SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]
[URL="https://goo.gl/30fu9U"]Registered Migration Agent - MARN 1575106[/URL]
[/COLOR][/CENTER][/SIZE]Comment
-
مكرر بالخطأ[SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]
[URL="https://goo.gl/30fu9U"]Registered Migration Agent - MARN 1575106[/URL]
[/COLOR][/CENTER][/SIZE]Comment
-
زيارة الأماكن الأثرية ......... كلها نصب في نصب ..... و بتبقى مُحاط بشوية نصابين عايزين يأخدوا أي مليم منك لأي حاجة ...
إن كان أهرامات ...... أو الأقصر ..........
[img2]http://i59.tinypic.com/2vxpukz.jpg[/img2]Comment
-
لا بجد موضوع رائع ونبهنا لحاجات كتير ..
تصور انا بقالي في مصــر 7 سنين وعمري مارحت الاهرامات ولا اي معلم سياحي ... فقط بمر عليها مرور الكرام من بره كده انما عمري مادخلت اي منطقة سياحية في مصر[CENTER]
[U][B][COLOR=DarkRed]Toyota[/COLOR] for City ... [COLOR=Blue]Nissan[/COLOR] for Track ... [COLOR=Magenta]Honda[/COLOR] for Tunning
[COLOR=Purple]Mac[/COLOR] for Graphics ..[COLOR=DarkOrange]Linux[/COLOR] for Servers .. [COLOR=DarkRed]Windows[/COLOR] for Solitaire
[/B][/U]
[SIGPIC][/SIGPIC]
[/CENTER]Comment
-
[CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]Comment
-
كويس انك حذرت
انا كنت ناوي آخد الأولاد وأروح الهرم
كدة هاخدها من قاصرها وأروح سيتي ستارز أكرم لي
:)محمد عيسى
[URL="https://www.dropbox.com/link/21.1fWqGm2yPG"]دعوة دروب بوكس[/URL]Comment
-
يا جماعه مصر وصلت الي حاله مزرية من العشوائية ودا بسبب قله موارد المواطن داخل الدولة وعدم الاهتمام بالفرد او الجماعه يعني البلد رايحه في داهيهComment
-
دى مسخرة وفى الاعياد المصرببن ممنوعين طيب لية دة عيدهم ولا عيد الاجانب
ههههههههههههههههههههههههههههههههههههههههههههههه
وانا حصلت معايا موضوع قريب من كدة بس اخدنا حقنا
اخر مرة رحت فيها كان مع واحد صاحبى ودخلنا وياسلام على الناس الى حوالينا (تامر حسنى وسط معجبينة) لا قصدى انا وصاحبى وسط الناس بتوع الخيول
وكل واحد يقول سعر لحد ما كان فية ناس عرب داخلين طبعا المعجبين مشيوا وراهم
ودبسوهم
بجد حرام الى بيحصل دة
ولازم فى المناطق الاثرية دى يكون فية مكتب بيحصل رسوم الخيل وبيشرف عليها( يعنى خيول الحكومة)
وبعد ما تاخد تذكرتك (الى بسعر محدد) تروح وتاخد لفتك
وعلى حسب وقتك الى انت حجزتة
كدة هاننظم الموضوع دة وجبنا دخل زيادة وعائد كبير جدا كل يوم (قصدى كل ساعة)
(اية رايكم فى الفكرة دى ههههههههينفع اشتغل فى وزارة الاموال العامة)[CENTER][B] :penguin4: [/B][B][SIZE=4]
[/SIZE][/B][/CENTER]Comment
Comment