ما وراء الطبيعه حقائق واساطير (الجزء الاول)

[evoo90]

السلام عليكم

مبدئيا كده الكلام ده كله مش متأكد منه 100% بس اللى متأكد منه ان مافيش حد اكتشف الحقيقه لحد دلوقتى وكل اللى هيتقال فى المواضيع والاساطير مجرد افتراضات وشويه اثباتات

موضوعنا الاول عن مثلث برمودا - مثلث الرعب - جزيره الشيطان - مثلث الشيطان - بحر الشيطان - مملكه الشيطان - مقبره الاطلنطى
دى اسامى كتييير جدا للمكان ده اللى كلنا نعرفه بأسم

مثلث برمودا

علماء قالوا ان فى مخلوقات فضائيه هى اللى مسيطره على المكان ده
وعلماء تانين قالوا ان ده ظاهره من ظواهر الطبيعه الخارقه والانس والجن مالوش دخل بيها
وعلماء قالوا ان فى المنطقه دى غرقانه احدى جزر اتلانتس ودى قوه عظيييمه من اختراع اهل اتلانتس
وعلماء قالوا ان دى مملكه الشيطان والجن

الحقيقه ان الذعر والقلق ابتدأ بعد انتهاء الحرب العالميه التانيه بكام شهر
يوم 5 ديسمبر عام 1945 م خرج السرب 19 طيران امريكى بقياده (تشاريز تايلور) مهمه تدريبيه عاديه خالص كان السرب بيتدرب على المناورات والقصف وكان تشارليز بيرسل ملاحظاته للقياده اول بأول وفجأه استلم برج المراقبه رساله استغاثه من تشارليز وكان نص الاستغاثه:
تشارليز: هناك شيء عجيب يحدث.. لم نعد على ما يرام.. لا يمكننا أن نرى الأرض.. بل لايمكننا حتى أن نرى الأفق..
برج المراقبه : ماذا تعنى ماذا يحدث هناك؟
تشارليز : ليست أدري.. المحيط لا يبدو كما اعتدنا رؤيته .. وكل شيء يتعطل.. البوصلة
والدفة.. كل شيء. ... النجده..........
اخر كلمات تشارليز تايلور مع برج المراقبه وبعد كده اتقطع الاتصال مع القياده
فورا اصدرت القوات الجويه والبحريه امر بالبحث عن السرب خرج الطيران الحربى والمدمره مارتن للبحث عن السرب مع اعلان حاله التأهب فى البلاد على اساس انهم كانوا فاكرين ان حد بيهاجمهم
وكان مصير فريق البحث ده الاختفاء برضه من غير انذارات ولا استغاثات!!!
برمودا مثلث وهمى فى مياه المحيط الاطلسى ومن هنا ابتدأ القلق والذعر فى العالم بعد تسجيل عدة اختفاءات واستغاثات اشهرهم كانت سفينه شحن اسمها مارين طولها 141 متر وركابها 309 راكب وكان وزنا 19 الف طن !!! وكمان طائره عسكريه طاقمها 6 افراد وشايله 25 راكب..
اللى كانوا يلحقوا يستغيثوا كلهم كانوا بيذكروا ان غيوم بتحيط بيهم سواء سفن او طائرات وبيتحول لون الغيمه للون الابيض الحليبى ومجال الرؤيه مستحيل ...
بعد كده العلماء ابتدوا يفكروا ويدورا على سبب او تفسير للى بيحصل وطبعا كانت كل التفسيرات خاطئه ..
بعضهم قال انها ظاهره طبيعيه عاديه مثلا خلخله هواء ثقب اسود فى البحر موجات كهرومغناطيسيه وحاجات تانيه كتير بس قالوا ان لو كده يبقى المفروض يظهر اى بقايا لحطام طائره او سفينه او ضحايا
وفى باحث قال رأى غريب جدا
ذكر الراجل المتنبئ اللى كان اتكلم على قاره اتلانتس المفقوده واسمه كايس ...
كايس كان قال ان سكان قاره اتلانتس استخدموا الكريستال والياقوت لتوليد طاقه هااائله جدا وان الطاقه دى غرقت مع جزراتلانتس ... علماء كتير صدقوا موضوع الطاقه دى لأننا دلوقتى بنستخرج الليزر من الماس فعلا والليزر ليه طاقه عاليه جدا بنستخدما فى حاجات كتير...
اغرب مفاجأه بقى حصلت لما اتعمل لقاء مع احد مراقين المطار اللى كان فى برج المراقبه ساعه اختفاء تشارليز تايلور لما قال ان فى جزء من رساله استغاثه تايلور اخفاها الطيران الحربى ولم يعلنها لأحد وقال تايلور بالحرف ( ماهذا انسحبوا انسحبوا لاتتبعونا يبدوا انهم من الفضاء الخارجى ) ولم يعلق اى احد من المسؤلين او اللى كان موجودين فى برج المراقبه واللى كانوا موجودين معاه فى اللقاء وراحوا ى صمت عميييييييييق
طبعا العباره دى قلب الموازين وزودت الغرابه فى الموضوع وعقدته اكتر واكتر
الرأى الوحيد اللى انا مصدقه زى ماقالوا العلماء المسلمين ان المكان ده هو عرش ابليس

................................

أخرج أحمد ومسلم عن جابر-
سمعت
النبي صلى الله عليه وسلم يقول (( إن عرش إبليس على البحر فيبعث سراياه
فيفتنون
الناس فأعظمهم عنده منزلة أعظمهم فتنة ، يجيء أحدهم فيقول فعلت كذا وكذا
فيقول
ما صنعت شيئا ثم يجيء أحدهم فيقول ما تركته حتى فرقت بينه وبين امرأته
فيدنيه
منه ويقول نعم أنت ))

...................................

وطبعا فى ناس نجيت منه وخرجوا بسلام بعد شويه رعب كده
قبطان اسمه هنرى بيحكى اللى حصل جوه منطقه الرعب
اللى كان يبحر بسفينته هو ومجموعة كبيرة من البحارة.. عندما أحاطت بهم سحابة كثيفة للغاية من الضباب وأتخيل له هو ولبحارته أن الأفق قد اختفى!!.. وأن السماء قد اختلطت بالماء.. و البوصلة فضلت تدور بجنون.. وكانت جميع المولدات تعمل بكامل طاقتها ولكنها لم تكن تعطي أي كهرباء.. كما شعروا بوجود مادة غريبة كالحليب تحيط بكل شيء.. ثم اختفى كل ده مره واحده .. وبدا الأفق أخضر اللون لبضع لحظات.. ثم عاد كل شيء إلى طبيعته......
وناس تانيه برضو نجيوا من المثلث وكانت اقواله مثل اقوال القبطان هنرى
وغيرهم من حوادث الاختفاء اللى شغاله لحد دلوقتى لأن المنطقه دى من المحيط مافيهاش رقابه من الجيش طبعا خوفا من الاختفاء الغامض وده اللى خلاها منطقه لدخول البلاد بطريقه غير شرعيه وتهريب المخدرات والاسلحه وغيره
والاغرب والاغرب الساحر الامريكى ديفيد اكيد عارفينه مشهور جدا بأعماله الخارقه للطبيعه ولما سألوه الصحفيين عن سر اعماله دى قال انه بيتعامل مع كبار الجن والشياطين وبينه وبينهم عقود واتفاقيات ومره قال انه هيدخل مثلث برمودا !!!! وهيرجع!!!!
بالفعل دخل المثلث واختفى وفضل مختفى فتره طويله مش قصيره وبعدين طلع تانى فى مكان فى المحيط وكان منهك وتعب شويه .......
هكتفى بهذا القدر عشان ماأصدعش دماغكم
ودى شويه صور لبعض السفن والطائرات المختفيه فى المثلث

طائره استكشافيه فقدت عام 1971

طائره ركاب خاصه فقدت عام 1975





السرب 19 اختفى عام 1945



الطائره
.. A Super Constellation
فقدت عام 1962




السفينه سكوربيون اختفت عام 1968
وكانت تحمل 40 الف راكب



معلومه نسيت اقولها
كولومبوس مكتشف قاره اميركا قال ان احد سفنه اختفت فى المكان ده لأنه كان مهتم بأكتشافه الكبير
ده غير القصص التانيه الكتيييييره عن برمودا حسيت انها خرافيه وخياليه شويه مارضيتش اجيبهالك لحسن اضرب

لسه لينا جولات تانيه كتير فقط لمحبى الاستكشاف والبحث عن ماوراء الطبيعه


كان معكم كابتن evoo من وسط مثلث برمودا

[mxz911]

انا بحب المواضيع اللى ذى دى بس اللى يبقى معاها رأى العلماء وكده

شكرا على الموضوع

[pro_samir]

طيب متيجى نأجر كام موتسيكل مية ونطلع رحلة هناك

[evoo90]

طيب متيجى نأجر كام موتسيكل مية ونطلع رحلة هناك

لا لاا نت لو عايز تروح هناك ممكن تكلمهم يبعتولك التاكس بتاعهم هيوصلك بسرعه قوى اما انا اسهلى اغمض عينى واعدى صلاح سالم ونبقى نتقابل بقى يابشمهندس

[pro_samir]

لا لاا نت لو عايز تروح هناك ممكن تكلمهم يبعتولك التاكس بتاعهم هيوصلك بسرعه قوى اما انا اسهلى اغمض عينى واعدى صلاح سالم ونبقى نتقابل بقى يابشمهندس

شوفت بقى أهو انت مفترض ان كل اللى بيروح هناك بيموت .. علشان كدة عايز اروح اشوف فى اية هناك

موضوع حلو وفى انتظار باقى الأجزاء

[eng.octooo]

انا باحب المواضيع دى ومتابع معاكم

[sha2e]

كنت قريت كتاب فى التسعينات اسمه الاطباق الطائرة
وكان بيربط بين الاطباق الطائرة ومثلث برمودا وعرش الشيطان
لو تحبو اكتبلكم ملخصة معنديش مانع

[Imhotep]

على فكرة مش شرط السفينة او الطائرة اللى تعدى من المكان ده يتم الابلاغ عن فقدها...... حدث ان بعثات علمية ذهبت للتحقق من شكاوى فقد الطائرات و السفن و عادت بدون مشاكل...... التفسير العلمى تقول احدى نظرياته المرجحة بوجود اختلالات فى المجال المغناطيسى للكرة الارضية فى هذا المكان تحدث على شكل عواصف مغناطيسية تتوه فيها السفن و تتعطل اجهزتها الملاحية و اجهزة الاتصالات بها و بالتالى تغرق فى النهاية بدون امكانية ارسال اشارات استغاثة و هذا يفسر الاختفاء المفاجئ للسفن و الطائرات من على شاشات الرادار بعد فترة قصيرة من رصد اخر موقع معلوم لها فى او بالقرب من هذه المنطقة.......

[Ahmed Samy]

انا قريت كتاب عن الأحداث الموثقة في المثلث

أيا كان التفسير ..فوجود شيء خارق للطبيعة بين الرؤوس الثلاثة هو واقع لا ينكر .

بس الحقيقة لا يشغلني التفسير

ما استفدته من الكتاب حاجة واحدة .." اوعى تروح هناك"

[evoo90]

على فكرة مش شرط السفينة او الطائرة اللى تعدى من المكان ده يتم الابلاغ عن فقدها...... حدث ان بعثات علمية ذهبت للتحقق من شكاوى فقد الطائرات و السفن و عادت بدون مشاكل...... التفسير العلمى تقول احدى نظرياته المرجحة بوجود اختلالات فى المجال المغناطيسى للكرة الارضية فى هذا المكان تحدث على شكل عواصف مغناطيسية تتوه فيها السفن و تتعطل اجهزتها الملاحية و اجهزة الاتصالات بها و بالتالى تغرق فى النهاية بدون امكانية ارسال اشارات استغاثة و هذا يفسر الاختفاء المفاجئ للسفن و الطائرات من على شاشات الرادار بعد فترة قصيرة من رصد اخر موقع معلوم لها فى او بالقرب من هذه المنطقة.......

حضرتك انا ذكرت ان فى ناس نجتت من المثلث وعدت من غير مايحصل حاجه وناس حصل معاها حاجات غريبه وبرضه خرجوا سلام ولو افترضنا انها عواصف مغناطيسيه وبيحصل غرق للسفينه او الطياره اللى بتعدى من هناك مش المفروض يكون فى حطام !!!! اللى اتقال ان غيمه لونها ابيض حليبى بتلتف حوالين الجسم سواء سفن او طائرات وفى لحظه بتختفى وبتختفى معاها الجسم !!!! بجد حاجه طبعا محيره جدا جدا

[M.Osman]

موضوع شيق و مثير للإهتمام ...

حد يا جماعة فاكر طيارة مصر للطيران اللي كان عليها ناس ذو اهمية للبلد ( او دا اللي انا فاكره )
على حسب مانا فاكر كان فيها اطباء , علماء و رتب عسكرية و كانوا كلهم شباب ... و طلعت إشاعات ان امريكا اللي ضربت الطيارة دي... و شوية قالوا انها كانت فوق مثلث برمودا ... و محدش يعرف حاجة عنها لحد دلوقتي

انا فاكر الكلام دا حصل لما انا كنت في إعدادي .. سنة 2000 يمكن ؟؟

متشكر عالموضوع

[evoo90]

موضوع شيق و مثير للإهتمام ...

حد يا جماعة فاكر طيارة مصر للطيران اللي كان عليها ناس ذو اهمية للبلد ( او دا اللي انا فاكره )
على حسب مانا فاكر كان فيها اطباء , علماء و رتب عسكرية و كانوا كلهم شباب ... و طلعت إشاعات ان امريكا اللي ضربت الطيارة دي... و شوية قالوا انها كانت فوق مثلث برمودا ... و محدش يعرف حاجة عنها لحد دلوقتي

انا فاكر الكلام دا حصل لما انا كنت في إعدادي .. سنة 2000 يمكن ؟؟

متشكر عالموضوع

مش فاكرك ياه ههههه بجد مش فاكر حاجه زى كده لو لقيت معلومات هاتهالنا بسرعه

[M.Osman]

انا بدور فعلاً...
اول ملاقي حاجة هتلاقيها هنا انشاء الله

تعديل :

http://en.wikipedia.org/wiki/EgyptAir_Flight_990

Passengers

The flight was carrying 203 passengers from seven countries (Canada, Egypt, Germany, Sudan, Syria, United States, and Zimbabwe).[1][4] Of the passengers, four were non-revenue EgyptAir crew members. Of the passengers, 32 boarded in Los Angeles, while the rest boarded in New York.[5] Many of the passengers consisted of elderly Americans who intended to visit Egypt as tourists.[6] Included in the passenger manifest were over 30 Egyptian military officers; among them were two brigadier-generals, a colonel, major, and four other air force officers. Newspapers in Cairo were prevented by censors from reporting the officers' presence on the flight.[7]

[pro_samir]

موضوع شيق و مثير للإهتمام ...

حد يا جماعة فاكر طيارة مصر للطيران اللي كان عليها ناس ذو اهمية للبلد ( او دا اللي انا فاكره )
على حسب مانا فاكر كان فيها اطباء , علماء و رتب عسكرية و كانوا كلهم شباب ... و طلعت إشاعات ان امريكا اللي ضربت الطيارة دي... و شوية قالوا انها كانت فوق مثلث برمودا ... و محدش يعرف حاجة عنها لحد دلوقتي

انا فاكر الكلام دا حصل لما انا كنت في إعدادي .. سنة 2000 يمكن ؟؟

متشكر عالموضوع

الطيار بتاعها كان اسمة البطوطى تقريبا ؟

اول مرة اسمع انها دخلت مثلث برمودة واللى اعرفة من ساعتها ان امريكا ضربتها فعلا لأن كان عليها ناس لسة واخدين تدريب عسكرى وراجعين .. لكن الله اعلم دة حصل ولا اية بس الجزيرة كانت عاملة تحقيق عنها

دة لو هيا نفس الطيارة اللى تقصدها يعنى

[M.Osman]

الطيار بتاعها كان اسمة البطوطى تقريبا ؟

اول مرة اسمع انها دخلت مثلث برمودة واللى اعرفة من ساعتها ان امريكا ضربتها فعلا لأن كان عليها ناس لسة واخدين تدريب عسكرى وراجعين .. لكن الله اعلم دة حصل ولا اية بس الجزيرة كانت عاملة تحقيق عنها

دة لو هيا نفس الطيارة اللى تقصدها يعنى

هي فعلاً
اتفضل حضرتك راجع الللينك اللي انا حطيته فوق