لسه فى ناس بتقول السلام عليكم؟؟؟؟؟؟

[نور القمر]

يعني لو كل واحد مننا وضح للجماعة بتوع هاي وباي انه لو قال السلام عليكم اخد حسنات من غير اي مجهود اكيد هيعيد تفكيروما احوجنا للحسنات

[ahmedbasto]

انا عن نفسى أول ما يجى حد فى وشى وانا ماشى بقول السلام عليكم يرد وعليكم السلام أو اول ما أعدى من قدام أى مكان لازم السلام عليكم للحرس اوالناس اللى موجود ة

[Moh.Abdelbaset]

فعلاً الموضوع ده انتشر اليومين دول
لما حد يجي يقول "هاي" و أنا أرد عليه و أقوله "وعليكم السلام"
أنا كده بفكره إن في حاجة اسمها "السلام عليكم " و ردها "و عليكم السلام"
و مفيش حد مش عارف إن "السلام عليكم" هي صيغة التحية بين المسلمين ...على الأقل بيفتكرها في الصلوات الخمس
و أنا مش شايف إن فيها إحراج ، لأن ببساطة هو اللي أحرج نفسه في الأول و لم يقل "السلام عليكم"
ده انا بقالي أربع سنوات في كلية الحقوق جامعة عين شمس
مفيش غير أستاذين - من كل اللي درسوا لنا - هما هما اللي كانوا بيقولوا "السلام عليكم"

[pharonicking]

مين دول اللى بيقولوا هاى ؟
مفيش حد اعرفه بيقول كدة"""

[M.Osman]

السلام عليكم
..

هي بقت حاجة غريبة جداً
خاصة ان دلوقتى اي مكان للشغل هتقول صباح الخير او مساء الخير !!

دا حتى بتوع خدمة العملاء اول ما يرد عليك يقولك ... مساء الخير فلان الفلاني مع حضرتك ...

...مش فاهم!!!

[كابوس الليل]

وعليكم السلام ورحمة الله وبركاته لكل الى كتب السلام عليكم ورحمة الله وبركاته
بس احب اوضح نقطة مهمة
مثلن فى ناس مينفعش بمل تقلك هاى ترد عليها وعليكم السلام(ممكن تقولها فى سرك وتهز راسك وخلاص)
مثلا زى مديرك اخوك الكبير حد كبير او اكبر منك
لاكن لو حد صغير خصوصا لو قربيبك اديه على قفاه
ههههههه
وفهمه الصح...........
كمان فى ناس كتير لما تقلها سلام عليكو
مثلا زى الامن الى ف العمارة عندنا انا مطلع عينه كل وانا نازل وانا طالع اقله سلامو عليكو
تسمع منه فقط و.عل...سل...مم
فقط وناس تانية تقوم قايلاها بسرعة رهيبة متلاحقض تفهم حاجة غير انه بيرد عليك وخلاص

[Pharaoh]

معلش اسمحلى
بس المفروض اللى يقولك صباح الخير ترد عليه بصباح النور
لانه فى نيته السلام و لكن باسلوب غير اللى حضرتك متعود عليه

لكن لما تيجى انت اللى تصبح قول سلام عليكم
ويبقى ردها و عليكم السلام ورحمة الله و بركاته

لكن
صباح الخير
وعليكم السلام

بايخة اوى

[ahmed1981]

السلام عليكم ورحمة الله وبركاته

بالنسبة لهاي وأخواتها
أكيد طبعاً هذه الألفاظ إنتشرت في المجتمع
رغم إني شخصياً محصلش في حياتي إن حد قابلني وقاللي هاي

لكن أنا لما بقابل حد بقوله السلام عليكم ورحمة الله وبركاته
وهو بيرد غالبا ويقول وعليكم السلام

ولو حد قابلني وقال صباح الخير
لو أنا عارف كويس إني مش هحرجة برد وأقول وعليكم السلام
لكن لو أنا عارف إنه من النوع اللي بيكره السلام عليكم
برد عليه وأقوله صباح الفل أو الياسمين أو الريحان أو القشطة
وطبعاً عمري ما أقوله وعليكم السلام لأنه ميستاهلهاش طالما بيكرهها ومبيقدرهاش لجهله بمعناها وثوابها

الغريب أن في بعض الأحيان بقابل ناس وأقول السلام عليكم
ألاقي الوجوه إصفرت وإتقلبت ويرد رد متكبر يقوللي أهلاً أو إتفضل أو أي كلام غير مفهوم للتهرب من كلمة وعليكم السلام
ومع التدقيق إتضح لي أن من يفعلون ذلك من قطيع واحد ففهمت مغزى وسبب التكبر وقلة الذوق التي يجتمعون عليها وعرفت علاماتهم

[jisso82]

هاى عليكم يا جماعة بصراحة و عشان السرعة الناس بتستهل
(هاى / باى)

[كابوس الليل]

هاى عليكم يا جماعة بصراحة و عشان السرعة الناس بتستهل
(هاى / باى)

فى ناس ظريفة تقلولك وعليكم الهاى

[نور العمر]

وعليكم السلام ورحمة الله وبركاته

[الريس]

{وَإِذَا حُيِّيْتُم بِتَحِيَّةٍ فَحَيُّواْ بِأَحْسَنَ مِنْهَا أَوْ رُدُّوهَا إِنَّ اللّهَ كَانَ عَلَى كُلِّ شَيْءٍ حَسِيباً }النساء86
و اعتقد ان التحية هنا مش معرفة لعموم التحية

الخلاصة رد على اللي يقولك صباح الخير بصباح النور
و حاول المرة اللي بعدها تبادره بالسلام عليكم
دونما احراج

السلم كيس فطن

و ربنا قال

{فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظّاً غَلِيظَ الْقَلْبِ لاَنفَضُّواْ مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأَمْرِ فَإِذَا عَزَمْتَ فَتَوَكَّلْ عَلَى اللّهِ إِنَّ اللّهَ يُحِبُّ الْمُتَوَكِّلِينَ }آل عمران159

[aif]

طيب شوفو برامج التلفزيون المصري
بنمسي ع الاستاذ فلان
بنصبح ع الكابنت علان
صباح الخير يا مصر
صباح دريم
.....
ده اتجاه الاعلام
وفيه اتجاه تاني لمن هم على شاكلتنا وهم كثير والحمد لله
انا باقول السلام عليكم او السلام عليكم ورحمة الله او السلام عليكم ورحمة الله وبركاته حسب الموقف وحسب ما يتبادر الى ذهني ويجري على لساني وقتها ... وان كان السلام المامل هو الافضل بدون شك
الدور اللي باحاول اعمله .... اني اكون قدوة لغيري .... بحسن السلوك و طيب الكلام و الذوق والادب مع الناس ..... ف بكدة باكون قدوة لناس كتير ... وخاصة الشباب في عمر الزهور ..... ومنهم من يقلدني ويقول مثلما اقول .....
يعني زي ما فيه ناس بتقلد الاجانب لاعجابهم بهم .... يبقى فيه ناس تقلدنا لإعجابهم بنا .... يبقى انهم يعجبوا بنا ...... ده بقى دورنا ومسؤليتنا
مش بس في السلام
انا باحب اقول كلام معين في بعض المواقف مثل
لما حد يشكرني ..بأرد واقوله ....ربنا يباركلك ....ربنا يبارك فيك .... الشكر لله ....
لما بأطلب حاجة من حد مش بأقول لو سمحت أو والنبي ........بأقول ناولني الملف الله يرضى عليك ..... لو تكرمت ....
لما حد يسألني عن صحتي او احوالي ..... فضل من الله والحمد لله ......
في عزاء .... البقاء لله ..... شكر الله سعيكم .....انا لله وانا اليه راجعون
وهكذا
وفعلا فيه ناس بتقول زيي من باب التقليد
اعتقد لو واحد بس عمل زيي ح اكون قدرت اني اعمل حاجة كويسة
..
نقطة اخيرة .... في النت خصوصا ناس كتير بتستسهل hi لأنها حرفين بس ... مش اكتر..... لكن في حياتهم مش بيقولوها خالص
...
والسلام عليكم ورحمة الله وبركاته

[Ahmed Samy]

انا باستعمل السلام عليكم دائما

و عمر ما حد احرجنى ولا مردش السلام عليا

و كل واحد بيرد زي ماهو عايز

انا أقول السلام عليكم

وممكن الرد يكون اهلا ..هاي ازيك ...و عليكم السلام ..يا مرحب اتفضل ..و عليكم ....أي خدمة يا فندم ....وعليكم السلام و رحمة الله و بركاته


ببساطة

كل إناء بما فيه ينضح

انا اسلم سلامي و الرد على حسب الشخص وهو حر برضه


وعادي يعني

[MTAK]

و تقول ايه فى واحد بعد صلاة الجمعه و بيسلم على اللى جنبه و بدل ما يقول حرما "مع ان هذا فيه اقاويل كثيرة "
بيقوله ايه

قشطههههههههههههههه