اللى عايز يدخل فيلم كويس يروح فيلم احمد مكى

[ahmad--ezzat]

ياجماعة انا دخلت الفيلم امبارح بتاع احمد مكى ..اسمه طير انت ...هو تافه شوية بس بصراحة دمه خفيف جدا...ويعتبر انجح فيلم ككومدى نزل فى الصيف دة بشهادة الناس...الفيلم قصته كومدي...مفهوش اى قباحة من اللى متعودين عليها من عادل ويسرا وغيرهم من الافلام...فيلم ملائم جدا للاسرة المصريه الحترمة ...

نصيحة اخويه...محدش يدخل فيلم احمد حلمى عشان اى كلام فعلا

[AhMeD EzZ]

الفيلم حلو
بس مش متفق معاك فيلم احمد حلمي جميل جدااا و في قصة و كوميدي لذيذ

[eng.octooo]

انا دخلت (طير انت ) بجد فيلم تحححححححححححححفة وعلى فكرة بيشرح التطر الى حاصل فى مصر عن طريق ال7 شخصيات العملها وهيا
د. بهيج (المواطن المصرى)
الشخصية الصعيدية وتطور علاقتة بمهند والانترنت (وفترة انقطاع الكابلات)
شخصية ممدوح فرج وتفاهة حياتة
شخصية الخليجى وازاى بيعامل المصرية
شخصية وسذاجة الافلام الهندى
شخصية مطرب الجيل (طبعا عارفينة )
شخصية هيثم دبور

بجد فيلم تحفة وانا اتوقع انة هايكون من اعل الايرادات الموسم دة لانة بجد تحفة فنية بس الى يفهمة

[ahmad--ezzat]

انا دخلت (طير انت ) بجد فيلم تحححححححححححححفة وعلى فكرة بيشرح التطر الى حاصل فى مصر عن طريق ال7 شخصيات العملها وهيا
د. بهيج (المواطن المصرى)
الشخصية الصعيدية وتطور علاقتة بمهند والانترنت (وفترة انقطاع الكابلات)
شخصية ممدوح فرج وتفاهة حياتة
شخصية الخليجى وازاى بيعامل المصرية
شخصية وسذاجة الافلام الهندى
شخصية مطرب الجيل (طبعا عارفينة )
شخصية هيثم دبور

بجد فيلم تحفة وانا اتوقع انة هايكون من اعل الايرادات الموسم دة لانة بجد تحفة فنية بس الى يفهمة

نسيت حسن شحاته ههههههههههه

[eng.octooo]

نسيت حسن شحاته ههههههههههه

هههههههههههههههه بجد والله نسيتة وكان دور جامد بس انا اصلى ماليش فى الكورة خالص علشان كدة نسيتة ههههههههههههههههه وبجد طالع شبة بالظبط هههههههه

وطبعا نسيت شخصية (مارد) الكدوانى وهيا شخصية الطالب الى بيتطحن دروس ومذاكرة وفى الاخر بيسقط

[M.Moustafa]

وانا دخلت فيلم احمد حلمي وبقول لحضرتك هوا ده فعلا فيلم الاسرة المصرية اللي ممكن يتدخل انا عارف قولت عليه اي كلام ليه بس هوا فعلا ليه نظرة فلسفية قليل جدا ان حد يبدا يعرضها وكفاية اخر كلمه قالها

ان تكون غائبا حاضرا افضل من ان تكن حاضرا غائبا

[ahmad--ezzat]

وانا دخلت فيلم احمد حلمي وبقول لحضرتك هوا ده فعلا فيلم الاسرة المصرية اللي ممكن يتدخل انا عارف قولت عليه اي كلام ليه بس هوا فعلا ليه نظرة فلسفية قليل جدا ان حد يبدا يعرضها وكفاية اخر كلمه قالها

ان تكون غائبا حاضرا افضل من ان تكن حاضرا غائبا

انا عن راى ان الفيلم دة اقل بكتير جدا من اسف على الازعاج او كدة رضا..لو عملت مقارنه بينهم هتلاقية اقل....

[M.Moustafa]

انا عن راى ان الفيلم دة اقل بكتير جدا من اسف على الازعاج او كدة رضا..لو عملت مقارنه بينهم هتلاقية اقل....

انا فعلا عملت مقارنه يا باشا والفيلم فعلا اقيم بكتير جدا وفيه فكر جامد تحول انسان من قمة الانانية لقمة التفاني في حب الغير، من انسان بيدور على اي حد يموت مكانه لانسان بيختار انه يموت عشان خاطرهم وده بيتم على مراحل مش فجاة

[Nile_Storm]

دخلت فيلم احمد مكي
تحففففففففففففه
انا كنت بدمع من كتر الضحك و رغم كده مفيهوش اسفاف
هو اينعم قصته مش عميقه المعاني اوي
بس تحس انه رصد لكل الي حواليك من المتناقضات و الحاجات الي الناس مش طايقاها
عمل زي دكان شحاته كده اما لخص احداث البلد في اول الفيلم
الفيلم ده كده بس بشكل كوميدي ساخر

[جمال]

وانا دخلت فيلم احمد حلمي وبقول لحضرتك هوا ده فعلا فيلم الاسرة المصرية اللي ممكن يتدخل انا عارف قولت عليه اي كلام ليه بس هوا فعلا ليه نظرة فلسفية قليل جدا ان حد يبدا يعرضها وكفاية اخر كلمه قالها

ان تكون غائبا حاضرا افضل من ان تكن حاضرا غائبا

فعلا انا معاك انه فيلم ممتاز وبدون اى اسفاف
وعميق و كوميدى درجة اولى فى نفس الوقت
تحية للفنان الذكى احمد حلمى

[ahmad--ezzat]

دخلت فيلم احمد مكي
تحففففففففففففه
انا كنت بدمع من كتر الضحك و رغم كده مفيهوش اسفاف
هو اينعم قصته مش عميقه المعاني اوي
بس تحس انه رصد لكل الي حواليك من المتناقضات و الحاجات الي الناس مش طايقاها
عمل زي دكان شحاته كده اما لخص احداث البلد في اول الفيلم
الفيلم ده كده بس بشكل كوميدي ساخر

بصراحة الحته لما مثل انه هندى...السينما كلها بتفرفر من الضحك...واللى مضحك اكتر الترجمة اللى بتتكتب ههههههههه

[moudy88]

انا ناوي ان شاء الله اخش فيلم مكي ...بس اللي غايظني في الفيلمين بتوع حلمي ومكي انهم متاخدين من افلام اجنبي ...فيلم مكي من فيلمBedazzled .,... وفيلم حلمي من Groundhog Day ..وده يدل ان مبقاش فيه ابداع وبقينا بنعتمد على التقليد

[Hacker5]

انا لسة مدخلتش فيلم احمد مكى بس شوفت الاعلان بتاعه
فكرة الفيلم مسروقة من فيلم اجنبى اسمه Bedazzled للممثل Brendan Fraser عادة يعنى مش اول مرة تحصل :)

[human]

دكان شحاته عميق جدا

انا مش بحب احمد حلمى ولا افلامه و بشوف ان الموضوع غريب جدا انه واخد الشهره ديه

احمد مكى ماكنتش بطيقه بس هو عنده فكره و ده اللى خلانى اتابعه بعد كده - الممثل نفسه عنده تفكير و موضوع و قضيه بس احمد حلمى زى عادل املم الاتنين ماعندهمش حاجه اصلا ممكن يقدموها و الصدفه و التوفيق ساعدوهم امام لقى ان العرى هيجيب الناس و جابهم و حلمى قرا الفتره ديه و هى الاحتشام و مواضيع مسروقه و شويه هبل و خلصنا
اه فيه كتاب دلوقتى بيكتبوا ليه بس هو ماعندوش مقومات فكريه نابعه منه هو

[ahmad--ezzat]

انا ناوي ان شاء الله اخش فيلم مكي ...بس اللي غايظني في الفيلمين بتوع حلمي ومكي انهم متاخدين من افلام اجنبي ...فيلم مكي من فيلمBedazzled .,... وفيلم حلمي من Groundhog Day ..وده يدل ان مبقاش فيه ابداع وبقينا بنعتمد على التقليد

اة انا معاك طبعا...
بس القصة مش متقلدة بالظبط...ومش نفس الاحداث بالظبط...ومفهاش حاجة لما يخدو من افلام اجنبى ويقدموها بصورة كويسه للشعب المصرى...

انت عندك فيلم بوبوس...مهو قصة مصرى...بس اعوذ بالله من دة فيلم ...حاجة تخلى الواحد يرجع فعلا...