إعـــــــلان

**tutankhamoun** · 21-07-2009, 10:22 AM

أولا الموالد دي .......... دينيا ........ غير شرعية .
ثانيا الموالد تُقام في أماكن تجمع الطبقات الغير مثقفة و التي لا تهتم بمعايير النظافة البدنية و الشخصية الأهتام الكافي ........

ثالثا .....الحفلات اللي بتقام برضه المفروض تتمنع أو تترشد بطريقة محترمة شوية علشان اللي بيحصل فيها بصراحة أخر قلة أدب .
بس من الناحية الصحية
أغلب رواد تلك الحفلات من طبقات غنية و لديهم وعي عالي بالنظافة البدنية و الشخصية

و لو لا قدر الله ..... أن حصل اصابة بسبب هذه التجمعات
تجمعات الموالد ....... هاتكون مصيبة لأن أصلا العدد بيكون كبير جدا و أيضا غياب النظافة البدنية و غياب أيضا العامل المادي الذي سيقوم بالصرف على علاج ذلك العلاج ........... مما سيُحمل خزينة الدولة الكثير من الأموال للسيطرة على الوباء إذا كانت الاصابة في شكل وباء .

و العكس بالنسبة للحفلات الأخرى ....... اللي أصحابها قادرين ماديا على الذهاب لأغلى المستشفيات الخاصة للعلاج مما يُبعد شبح أستنزاف خزينة الدولة لعلاج هذه الأصابات .......

و أنا ضد الأثنين ......... خصوصا الموالد ......... لأنها بدعة بدعة و مرتبطة بالدين أرتباط كبير
على عكس الحفلات ...... معروفة من الأول أنها ملهاش دعوة بالدين لا من قريب و لا من بعيد .

**ahmedsamir79** · 21-07-2009, 10:35 AM

المفروض يتمنع النوعيين

**mada121977** · 21-07-2009, 03:33 PM

الموالد دى غير شرعيه تماما ولاتمت للاسلام بأى صفه بالعكس اى حد اذا راح اى مولد من الموالد دى يبقى بيرتكب ذنب كبييير ..ولو شائت الظروف ولقيت نفسك معدى من قدام مولد من دول شوف ايه اللى بيحصل فيها (تدخين الحشيش والبانجو علنى ورقص وتحرشات جنسيه منحطه ولعب قمار وبتشوف اشكال ونماذج غريبه من البشر ) وكل ما تسأل واحد منهم ايه اللى بتعمله هنا يقولك اصل دى حلقات ذكر !!!!!!!! ياسلام اللى عاوز يذكر الله بالتأكيد مش مستنى الهبل ده علشان يتقرب من ربنا ..ذكر الله يتم فى مكان طاهر وبنفس طاهره .. والله ياريت نتبنى حملهه لمنع اقامه هذه الحفلات الماجنه المخالفه شرعا

نيجى بقى لموالد الساحل الشمالى والمسماه حفلات غنائيه ..وهدفها الاول والاخير جمع اموال لصالح الجهه المنظمه للمولد من اموال الشباب التافه والضائع وهيا برضه تعتبر غير شرعيه لما يحدث فيها من شرب خمور وتحرشات بين الجنسين ولكن لانها بتتم فى اماكن فيها كبار القوم واغنيائهم وكبارالمسؤلين فمش معقول نعكنن على العالم دى ونلغى ليهم الموالد بتاعتهم اللى بيستنوها كل صيف ..
فالخلاصه ان النوعين الاتنين اسؤ من بعض ولازم الاتنين يتخذ قرار بمنعهم

**Ahmed Samy** · 21-07-2009, 03:46 PM

عادي ...كويس انهم منعوا الموالد

و عقبال أبو حصيرة ...الا هو امتا ؟؟؟

**alisleman** · 21-07-2009, 05:04 PM

المفروض يلغى كل التجمعات بس الازمة الوحيدة اللى مش هيعرف يعمل حاجة فيها هى المواصلات

**Dr_Ahmed_Abdelghany** · 21-07-2009, 05:18 PM

أظن الإلغاء السنة دى بس علشان موضة الانفلونزات اللى عمالة ترف علينا
لكن هل هيستمر الالغاء؟
لا أظن - للأسف

**abzoabzo** · 21-07-2009, 05:45 PM

المشاركة الأصلية كتبت بواسطة Ahmed Samy مشاهدة المشاركة

عادي ...كويس انهم منعوا الموالد

و عقبال أبو حصيرة ...الا هو امتا ؟؟؟

ده بتاع شعب الله المختار

اللى قالهم لا مات من زمان ولسه متخلقش على وجه الارض اللى يقلهم لا لا لا
اذمة كرامة ورجولة واه يا بلد

**ashraf229** · 25-07-2009, 10:24 AM

شكرا على تواصلكم و تفاعلكم مع وجهة النظر..........

المشكلة فعلا مشكلة ادارة لما تمنع الموالد و تسيب بقية المظاهر و ما يترتب عليه من احتقان و ضغينة بين الناس......

المفروض يكون فيه مساواة و اي شيء ضد صحة المواطنين و مصلحتهم يتلغي فورا دون تمييز!!!!

برضه بأرجع و أقول كل واحد يبدأ بنفسه و يحاول يتجنب الزحام و يلتزم النظافة و الحارس هو الله اولا و أخيرا............

إعـــــــلان

.

مادام منعتوا ده...لازم تمنعوا ده كمان!!و لا ايه؟؟

مادام منعتوا ده...لازم تمنعوا ده كمان!!و لا ايه؟؟

Comment

Comment

Comment

Comment

Comment

Comment

Comment

Comment