جامعة 6 اكتوبر الخاصة

[Fadi Ezzat]

ياشباب اخوكم الصغير محتاج مساعدة ياريت كل الى يعرف حاجة عن الجامعة دى يقولها
كنت عايز اعرف
بتاخد مجموع كام انا قريت معلومة انها بتاخد من 75 والحمد لله انا جبتهم
وعايز اعرف ادفع قد اية فى السنة مع العلم انا عايز اخش الكلية مش المعهد
وكمان قسم المعمار زى والدى
واخر سوال ليا بقى اقدم امتى ودة اهم سوال
معلش هتعبكم معايا

[AhMeD EzZ]

في منتدي خاص بالكليات الخاصة لو ينفع اكتبة ليك اوك

[mahfouz1983]

وبعدين انتا لسا هتقدم انا اعتقد ان الاماكن الي في الجامعات الخاصة دلوقتي بالحجز

[MoOoD]

لو هتقدم هناك روح إلحق قدم ورقك فى الجامعه على طول
عشان تلحق مكان والمجموع فى الكليه الخاصه بالهندسه 80% ممكن تتأكد من الدليل "هات النمر بتاعت الكليه وشئون الطلبه"
أو روح الكليه طالما انك من سكان أكتوبر
وكليه الهندسه قسم المدنى"هندسه التشييد" والكمبيوتر والميكاترونيك والطبيه ممتازيين ولكن لا أعرف عماره مستواها ايه فى الخريجين

[Fadi Ezzat]

طيب النهاردة اجازة والجمعة اجازة والسبت اجازة اروح الاحد ولا اية
ولا مش هلحق
قولولى اعمل اية بسرعة
اصلى خايف ملحقش

[kemo0o]

فادي !! انت خلاص استقريت عليها

عامة جامعة 6 أكتوبر من أول الجامعات اللي بتخلص
عامة روح الاحد وان شاء الله نلاقي مكان

عامة انا سمعت ان المصاريف السنة دي حوالي 26 الف وممكن زيادة

مستوى التعليم في الجامعة متوسط يعني لاهو كويس قوي ولا معدوم قوي .... النجاح فيها سهل ... وانا سامع ان مستوى التعليم في المعهد أفضل شوية من الجامعة

الاقسام المتوفرة فيها :
1- هندسة الميكاترونيات
2- هندسة كهربائية (عــــــــــــــــــامة) يعني مش متخصصة في الاتصالات ولا باور
3- هندسة حاسبات
4- هندسة مدني
5- هندسة عمارة

[Fadi Ezzat]

طيب يارب الحق يارب


بس ياكيمو لو عرفت حد يقولى هلحق اكيد يوم الاحد ولا لأ ياريت تقولى

[ashouhdy]

m.u.s.t is much better