عايز أجيب مكيف جديد أجيب أنهي نوع ؟

[M.Osman]

Sharp
Trane

ممتازين

[pro_samir]

انا صوت لكارير بس يونيون مش وحش للدرجة دى يا جماعة انا مجربة فى البيت وفى الشغل اكتر من جهاز ما بين شباك وسبليت وكلهم شغالين كويس الحمد لله وسعرة رخيص

أينعم لسة واحد 3 حصان الكمبريسور اتحرق بس عادى بتحصل فى احسن العائلات والكمبريسور ضمانة خمس سنين

[M.almaghraby]

لا يا راجل دانا جايب ال 1.5 حصان من سنة زي الزفت و مش بيفصل و حاجة نيلة و تبريد ضعيف جدا جدا

[egyptianmafia]

there is also Samsung which is through Mansour

[pro_samir]

لا يا راجل دانا جايب ال 1.5 حصان من سنة زي الزفت و مش بيفصل و حاجة نيلة و تبريد ضعيف جدا جدا

الموضوع لية عوامل كتير يعنى لازم يكون قدرة الجهاز مناسبة للمكان اللى راكب فية

يعنى 1.5 دة معقول على اوضة يمكن من 10 الى 15 متر بس متقوليش انها دور أخير لأن كدة الموضوع بيختلف تماما .. كمان عدد الأشخاص اللى فى الأوضة بيفرق

والأفضل بشكل عام فى التكييفات انك تجيب قدرة الجهاز اعلى من القدرة اللى انت محتاجها هتلاقيه بيبرد معاك بسرعة والكمبريسور بيشتغل فترات قصيرة جدا وبالتالى هيوفر معاك فى الكهربا .. لكن المشكلة ان الناس بتسترخص تجيب حاجة صغيرة والجهاز يفضل يتل طول النهار ويطلع روحة وميبقوش راضيين عن أداءة وكمان تلاقى الكهربا نار يا حبيبى نار

[egyptianmafia]

Sharp states that it has a feature called Turbo cool.....

My A/C and all the A/C's I have seen have that feature....it cools quickly

but I never tried the "Turbo Cool" lol

[M.almaghraby]

تربو و ايونيزر فظيع

[M.almaghraby]

و هواء نقي جدا

[yahiahelaly]

خد مني القول الفصل عشان انا كنت نحتا حيرتك دية قبل ماجيب
يونيون اير زبالللللللللللله يمكن زمان كان حلو يعني الموديلات القديمة
كارير جامد لغاية موديلات السنادي عشان فيها حجااااااات صيني كتير شارب نمرة واحد وهوة دة الي انا جبتة تمام

[D . a .\ AYMAN]

عن تجربة ثلاث أجهزة يونيون إير في البيت ... وتلات أجهزة أخرى في إحدى النيابات

- إبعد عن حاجة إسمها يونيون إير نهائي

1- التبريد بتاعه وحش جدا وماتعرفش كده غير لما تتعامل مع أي ماركة غيره
2- عندي في البيت كل شوية التكييف فيه مشكلة وقرف وبهدله وكل شوية شحن وكل شوية يعمل تلج والفنيين بتوع يونيون إير كلهم ذوات الأربع بيفهموا عنهم لا بيفهموا في تركيب ولا في صيانه ولا مواعيد ولا في إحترام ولا في أي حاجة ... لدرجة إن أنا إتعلمت أعمله صيانة بنفسي في حاجات كتير
3- في النيابة مكيفات 5 حصان وتلاتة حصان على غرف مش كبيرة قوى والجهاز تسقيعه مش كويس .. نبعت نجيب الصيانة يمسكوه يقعدوا يلعبوا فيه شوية ويشتغل كام إسبوع زي الفل وبعدين يرجع تاني زي الهباب

- كاريير .. كان شغال في الجهات التابعة للوزارة من زمان قبل ما الوزارة تتهبب وتتعاقد على يونيون إير ولغاية دلوقتي شغال فيها زي الفل تبريد قوي صيانة قليلة ... فقط الصيانة العادية

- شارب ... جبنا منه جهازين على حسابنا في النيابة التي أعمل بها الآن من فترة 6 شهور وشغال زى الفل لغاية دلوقتي وتبريده كويس مفيهوش مشكلة بس شكله بقى عامل زي اللى طالع من حادثة عربية ... معرفش ده عيب خامات ولا معاملة السعاة ليه هية اللى وحشة

الكلام اللى جاي من بق أحد أصحاب شركات التكييف المتعاملين مع معظم الماركات في مصر (الكلام على مسئوليته)

- شارب كله دلوقتي مكوناته صيني متجمعه هنا مصانع العربي وميزته الوحيدة فقط ضمان العربي لكنه جهاز مشاكله بقت كتيرة

- يونيون إير مابيرضاش يشتغل فيه نهائي لأنه جهاز على حد وصفه "زبالة" آسف في اللفظ

- كاريير جهاز كويس جدا بس بقى فيه أحسن منه كتير وهوة واقف في مكانه ما بيتطورش

- lg عن سمع جهاز كوري 100% وزي الفل لأن هوة مابيتعاملش معاه ومالوش خبرة فيه قوي

- فريش ... على حسب كلامه إن ده دلوقتي من أفضل أجهزة التكييف في مصر حاليا هوة والوايت ويل لأنه كباس هيتاشي ياباني 100% ومتجمع هنا في مصر ( وبصراحة حاجة فريش وكل مرواحها معمرة فعلا عندي أكتر من كل الماركات التانية )

- وايت ويل .. جهاز كوري كباس هيتاشي ياباني وميزته اللى مش موجودة في أي جهاز تاني (على حسب كلامه ) إن الفينس بتاعته مطلية بمية الذهب لمنع الصدأ عنها لأطول فترة ممكنة وبيقول إنه شافها بعينه

- سامسونج ... جهاز زي الفل وميزته عن غيره إنه صوته مش ممكن تسمعه نهائي وكوري 100% حتى الكباس

بالنسبة للأسعار فريش ووايت ويل دايما هاتلاقيهم أحسن أسعار لأنهم لسة جداد في السوق وعايزين يعملوا دعاية ليهم

في الآخر الراجل ده أحسبه من المتقين اللى عندهم ضمير وأخلاقه فوق الوصف وأعرفه من كذا تعامل بيني وبينه



------------------------

[ayman_elkholy]

انا مركب يونيون اير من سنة تقريبا وتقريبا كدة بتبقى ارف بكل صراحة زى الزفت ماشتغلش 15 يوم كاملين على بعضهم من يوم ماركب فى صيانات مستمرة ومافيش فايدة لدرجة والله عاوز اولع فية .
يعنى ابسط مثال بعد ماركبتة ب10 ايام كان بيحدف قطع ثلجية بدون مبالغة داخل الشقة واتعملة صيانة بعد كدة تبريد ضعيف جدا .........,,,, ومتعدش اخر حاجة دلوقتى بيحدف مع الهوا رزاز مياة وياريت على كدة وبس بتراب يعنى التكييف بمجرد ما يشتغل ساعة يبقى طين جوا الشقة .ودى صورة للوضع الراهن الصورة دى بعد كل ساعة تقريبا يعنى عاوز تقعد جنبة عشان هوا يبقى بالمنظر ده وحضرتك اول بأول تقوم بعملية النظيف

[M.almaghraby]

اليونيون اير حقير جدا والله

زبالة

[pro_samir]

سبحان الله بجد انا كدة أحمد ربنا

انا مجرب يونيون شباك 1.5 و 2.25 و 3 حصان

والأسبليت مجرب 3 حصان اكتر من جهاز و 5 حصان

وكلهم الحمد لله مفيش مشاكل غير موضوع التلج دة نادر جدا ما كان بيحصل ودة بسبب الرطوبة العالية جدا وكانت بتحصل مع كذا حد اعرفهم فى اجهزة غير اليونيون عادى

بس هيا كلها موديلات بقالها فترة يعنى أحدث واحد فيهم بقالة 3 سنين

[D . a .\ AYMAN]

سبحان الله بجد انا كدة أحمد ربنا

انا مجرب يونيون شباك 1.5 و 2.25 و 3 حصان

والأسبليت مجرب 3 حصان اكتر من جهاز و 5 حصان

وكلهم الحمد لله مفيش مشاكل غير موضوع التلج دة نادر جدا ما كان بيحصل ودة بسبب الرطوبة العالية جدا وكانت بتحصل مع كذا حد اعرفهم فى اجهزة غير اليونيون عادى

بس هيا كلها موديلات بقالها فترة يعنى أحدث واحد فيهم بقالة 3 سنين

يمكن كان زمان فعلا كويس والناس وأنا واحد منهم إشتريته على السمعة دي فعلا ... لكن فعلا دلوقتي كل الأجهزة فيها عيوب

[msobhy]

يونيون اير ده زفت وزباله وحقير
وخدمة عملاء سابقا زى الزفت وحاليا نسبيا كويسه
خلاصة اللى حصل معايه تغيير كمبروسور - وتغيير محابس - وضبط سنسار وفى الاخر المحصله زى الزفت كل شوية تسريب فريون واداء زفت
الى كل اخواتى
بلاش يونيون اير